تعااااااااالي شوفي وش سويت فبيتي قبل العيد

"بسم الله الرحمن الرحيم"
السلام عليكم ورحمة الله وبركاته
اخوتي:اولا اود ان قول لكم شيئا
لاتنسي احتساب الاجر وانتي تنظفين وتعملين وترتبين
جزاكم الله كل خيرثانياً:بالنسبة لما عملت في منزلي


قولوا مشاء الله:32:
اول شي لي كم يوم اشتغل نزلت كل الستاير وغسلتهم
سويت سجادة المقلط او غرفة المعيشه بالفرشه ولاكن هالمره استخدمت في التنظيف "جل العملاق الاخضر+سائل سندس للسجاد"شريته من رامز+حطيت شوية ملمع قزاز معه عشان البقع+فانش"وياااااسلام عالسجاده صارت نظيفه وبعد ماخلصت حطيت ببخاخ من المعطر حق فلوريت برائحة التوت ومعه شوية لينور عشان الريحه تثبت وموية وبخيت السجاده وكافة الغرفة فيه صارت ريحه روعه

وبعد ماخصلت انتقلت لغرفة الحريم
ازحت الكنب كله وسط الغرفة وشلت الخداديات وكل القطع الي ممكن تنشال ونفظتهم
كنست الغرفه وشلت كل الاتربه والغبار منها
بعدين شطفت الغرفة بجل برائحة العود
مسحت التحف والاكسسورات بالغرفه
طبعا لم اهمل الجدران والمكيف والشبابيك
الحين رجعت كل شي مكانه بالغرفه
جبت نفس الخلطة الي استخدمتها اللينور وفلوريت...الخ وبخيتها

بعدها انتقلت الى الصاله
غيرت مكان البوفيه وغيرت من ترتيب قطع الكنب
شريت قطع سجاد صغيره على شكل ورد ماشيه مع الكنب ونثرتها بالصاله بعد ماكنستها وشطفتها
شريت لوح جديده بااحجام مختلفه وعلقتها
الصاله تغير شكلها 180 درجه بعد اضافة هاللمسات

وبعدها المطبخ
نزلت طقم الضيوف واعدت ترتيبه بشكل جديد:angry:
طلعت الاشياء حقت استخدام البيت والي ماني بحاجته صرفته
رتبيت القدور ولمعت مايحتاج منها للتعلميع:3_13_12:
مسحت دواليب المطبخ
كنست الارض وشطفتها
شريت مشمع جديد للدواليب وكان بشكل فواكه اعطى شكل جديد والوانه رائعه
حطيت منه على طاولة السفره

بعدها دخلت على غرفة الكرف والكوي والي حاطه فيها كل الاشياء الي مااستعملها دايم مثل لحافات السرير والكوي وملابس الشتاء وفيها دولاب صغير لملابس ولدي هذي الغرفه ان شاء الله بخليها غرفه لولدي بعد مااسوي المخزن لانه ماعندي مخزن:44:




حاولت ارتب الاشياء بطريقة اكثر ترتيب واستغنيت عن الاشياء الي ماتلزمني
رتبت دولاب ولدي
مسحت الغرفة وفرشت سجادتها بنفس الطريقة الاولى

بعدها انتقلت لغرفة النوم
:35:
اول شي غيرت وضع الغرفة حطيت السرير مكان التسريحه
والتسريحه مكان السرير والشفنيره جنب التسريحه
شريت الناموسية حقت السرير وركبتها وحطيتلها ستاره شرايط طلع شكلها روعه مره
مسحت الغرفة وكنستها ورتبت دولاب الملابس بطريقة فنيه وحركات جديده تعلمتها من هالمنتدى مثل قبل كم يوم قريت احط الملابس بصناديق فعلا سويتها طلعت منظمه
حطيت البلايز لوحدها بصندوق مربع شكله حلو والبناطيل لوحدها وكل شي لوحده طلع المجموع 6 صناديق رائعه
عجبتني فكرت اني احط الايشاربات على علاقة وارتبها واربطها واعلقها على الجدار وطبقتها

جبت عالتسريحه

كبيت اكثر الاشياء القديمه
قزايز عطر فاضيه
ارواج مخلصه
كحل خلاص انتهى عمره
كريم اساس فاضي
اضلال الله يرحمها

طبعا كنت مشتريه كل شي جديد
جبت صناديق خشب وحطيت الارواج لوحدها
والعطورات بصندوق ثاني
ولااضلال بصندوق
والكريمات واشياء الجسم بصندوق
طلعت مره مرتبه عالتسريحه
وشكلها خطير

نثرت حبات الورد عالتسريحه
طلعت مره كيوووت
اكسسوراتي حطيتها بستاندات
السلاسل لحال
وستاند للحلقان
وستاند للاساور والساعات وحطيت الاستاندات فوق الشفنيره
وحطيت جنبها شموع طلعت خيال
وبعدها انتلقت الى الحمامات الله يكرمكم:3_13_11:
كنت كابه فلاش فيها
بديت مشوار الغسيل والدعك للارضيه والجدران والشبابيك
استخدمت المطهرات والمنظفات الي عندي
شريت مثل شبك الغسيل حق الملابس بس هذا يجي مدرج طبقات قماش
حطيت فيه الليف بالطابق الاول
ثاني شي شامبوهات الشعر والبلسم
ثالث شي كريمات وشامبوهات الجسم
رابع شي اشياء احتاجها بالحمام مناديل وغسول ..الخ

رحت الحمام الثاني وسويت نفس الشي معه
مسح وكنس وشطف ودعك
حطيت بالسيفون الجل الاخضر بعلبه وخرمتها عشان كل مااحد سحب السيفون يطلع جل ريحه حلوه
غيرت بترتيب مغسلة الرجال وحطيت من الطاولات الدائريه وحطيت عليها مفرش وعطر واشياء ثانيه تحف صغيره ومناديل معطره..الخ

تغير شكلها وطلعت احلى بكثير

طبعا بلاضافه الى هذا كله
رتبت الفريز وطلعت الي مااحتاجه منه وصرفته
والثلاجه نفس الشي
مسحتها كلها وغسلتها وحطيت فيها الفحم مع البيكربونات والفانيليا وربطتها بقماش عشان الريحه تطلع حلوة

مسحت كل مكيفات البيت والجدران والمراوح والنجف
عطرت البيت وبخرته وانتظر رجعة نور البيت زوجي بالسلامه من السفر:3_10_6: عشان يشوف التغيير وان شاء الله يعجبه

ملاحظات:الشغاله ساعدتني بكل هذا
تقريبا شغل البيت اخذ معي 5 ايام
واليوم انتهيت منه ولله الحمد:icon28::icon18:
دعواتكم لي
وآسفه عالاطاله

وان شاء الله قريبا اوافيكم بالصور