تعاااااالو بعلمكم بسالفتن من سوالفي يوم اني صغيووورة والله اني اكسر الخاطر

هلا وغلا
وسلة
حلا
لحوائيات
بقول لكم قصة قبل النوم طبعا هذي القصة تصلح للي مثلي وشرواي حدهم 12 وهن بسابع نوووومة
مو نووووووشة صبح الرشاش وطقتهن الي تو صحصحن تعتبر قصة بعد النوم


كان يامكان كنت في يوم من الايام يوم انا ورعة صغيرة :04: العب مع الوراعين <<<<ياحليلي اهبل وش زيني

نادتني امي يابالودة تعالي تعشي

وانا اجيكم اهرووول ركض العشاء جاء وناااااسة

الا عشانا سمك وانا تقوطر سعابيلي سمك ولا بعد من مطعم ياسلام قمة الوناسة والكشخة سمك ومن مطعم

وانااقعد ابلع بالسميكاااات
وفي اثناء بلعي قالت امي انتبهو عاد بعد السمك تشربون حليب ولا تاكلووون جبن
ولا قشطة بختصار لا تاكلون اي شي ابيض الين بكرة ولا ترى يصيبكم برص
مثل شغالت جارتنا يوم اكلت جبن وسمك ومن بكرة صابها البرص
انا شكلي :oانهبلت
توني العب مع بنات جيرانا انقذنا ياحليب السعودييية تذكرونها الي الولد يشرب الحليب يوم يجونة الحرامية ويقول انقذنا ياحليب السعودية ويجية حليب السعودية
يركض
عاد انا متاثرة فيهم وابلع من حليب السعودية وبنات جيرانا الحرامية ولدهم حليب السعودية واقوم
من العشاء انسدت نفسي


واقعد :icon33::icon33:بالحوووش
ويجي ابوي قال علامك يابنيتي
قلت مافيني شي بس طحت
المهم وفي ذيك اليلة وانا اقعد ابحلق عيوني بالمرايةلين صارت عيوني كذا :07:

وانام وانا ابحلق بهالمراية
واقوم وانا ابحلق
الا وانا القى في يدي


^
^
^
^
^
^
^
^
^
^
^
^
^
^
^
^
^
^
بقعة بيضاء وتجيني ام الركب وانا صغيرة واقعد اوسوس
وحالتي حالة وماني معلمة احد
وتدوووور الايام
والي الان والعقدة ماهي مفارقتني اذا اكلت سمك ماككل شي حليب ومشتقاتة معاه

ولا تطور الامر للتونة بعد

البقعة البيضاء طبعا كانت من هوشاتي مع عيال جيرانا وشمخوني وبعد ماطاح الشمخ بقي مكانها
لاكن ابي اسالكم الحين فية احد ياكل السمك ومعاة حليب ومشتقاتة ولا لا لاني انا اذا اكلت سمك مدري لية ماقدر اشرب حليب ولا اكل جبن لا بعد 24ساعة من اكل السمك
والي عندها خلفية علمية عن اكل السمك هل صحيح مايصلح ناكل سمك ومعه بيض او حليب ومشتقاتة ولا بس خرافااات زماااان