السلام عليكم ورحمة الله وبركاته ....
(( ربي لاتذرني فردا وانت خير الوارثين ))
اولا : احب اعرفكم على نفسي ...
انا جنا الدوسري من البحرين . ..:21:
عمري 25 سنه
متزوجه من سنه ونص تقريبا ..
سبب تأخر الحمل : قلة الحيوانات المنويه عند زوجي وضعف حركتها ..
حبيت اخبركم يا اخواتي عن مشواري الفني .. اقصد رحلتي مع تأخر الحمل
رزقنا الله واياكم الذريه الصالحه الكامله الخلق والخلقه .. اااامين :04:
<
<
مكان الحلم : مستشفى البركه _ الدكتور احمد بركات
بسم الله نبدأ الان على بركة الله ...
بعد مرور سنه من الزواج بدأت افكر في الاطفااااال
وبات هذا شغلي الشاغل
عرفت د احمد بركات من الناس وكنت كثير بسمع ان حريم يسوون عنده حقن مجهري وتنجح العمليه بأذن الله ..
وبهذا حددت الهدف ( مستشفى البركه )
طبعا اول ما رحت اخذ موعد فالعياده كاااااااااانت العيادة ماشاء الله ملياااااانه نااااس
وحصلت موعد بعد شهرين _
جاااا يوم الموعد
انطلقت انا وزوجي الى هنااااااك
وحلااااام الامومه الورديه تتراقص امام عيني .. نعم واخيرا سأبدأ المشوار
دخلنا على الدكتور .. وطبعا اول شي اخذ التاريخ المرضي ومعلومات عنا
والله لا انسى كلمته هذاااك اليوم يوم قالي (( طب ما تستني يا بنتي ده انتي متجوزه اولت امبارح ))
قلت له يادكتور وليش الانتظار نحن عارفين السبب (( ضعف الحيوانات المنويه )) والسنين ترررركض ..
المهم قالي متى ناويه تبدأي ؟؟
قلت له الحييييييييييييييييييين ابدأ وعلى بركة الله ...
بده معاي " البرنامج الطويل " << حقن مجهري
اخذت الابره التحضريه ..
وبعدها اخذت المنشطات .. كنت اروح العياده وكلي تفاؤل وامل .. فأنا اقترب من حلمي ..
وعمل التراساوند وقالي الحمدلله البويضات زي الفل وبطانة الرحم ممتازة ..
اخذت بعدها الابره التفجيريه ..
(( يوم سحب البويضات ))
طبعا مثل ما انتو عارفين رحت وانا صايمه ..
وفي الشارع كلما اقتربنا من العيادة .. يجيني مغص واشوف الدنيا الوان
فالحمدلله اللي وصل بويضاتي للعدد والنضج المطلوووب
دخلت العياده _ لبست لبس العمليات وانبطحت على السرير ...
اول مابطلت عيني شفت وجه زوجي ..
يقولي سلاااماااات .. شتحسين ؟؟
انا هنا كنت في عالم ثاني بين الوعي والا وعي
ظليت نايمه 3 ساعات تقريبا
بعدها بطلت عيني الا وزوجي يقولي عندك ألم ؟؟
اقوله وش ؟؟ خلاص سحبوا البويضات ؟؟ كم بويضه ؟؟
يقولي ماشالله 16
ابتسمت وسكرت عيني
فتحتها مره ثانيه بشويش ..
اقوله ااااااه بطني ذابحني من الالم
قالي سكري عينك وارتاحي ,,,
سكرتها واملي بالله كبيييير
سكرتها وانا اتخيل اجنتي الصغيرررررره
ااااااه كم اشتقت اليك يا طفلي ...
نمت بعدها كمان شوي ..
وبعدين قلتله يلا نرووح البيت
قالي انتي بعدك تعبانه ..
قلتله مو مشكله اتسطح بالبيت وارتاح ****لله ..
رحنا عالبيت ..
بس صدقوني يا بناااااااااااااات
الالم بالنسبه لي كان كاااابوس
طووووول اليوم وانا ابكي من الالم .. حسيتها عمليه قيصريه :06:
وعدى اليوم الاول ع خيررر بعد كثييير من المعانااااه
بس كلشي يهووون عشااان البيبي
وظليت الايام اللي بعدها لي يووم الترجع وانا في ألم
آلااااااام لا يعلمها الا الله ولا اتمنى لاحد ان يمر فيهاااا
يوم الرابع من السحب اتصلو فينا العياده
قالو بكره السحب
قلت لهم كم بوضيه تلقحت؟؟ قالو بكرا الدكتور يقلك ؟!!
وقتها طرررررت من الفرحه .. الحمدلله لقد تلقحت بويضاتي
رحنا العياده .. دخلت غرفت العمليات
تسطحت .. طبعا هالمره بدون بنج ..
اول ماشفت الدكتور ؟؟ قلتله بشر كم بويضه ؟
قالي ماشاءالله خمس بويضاااات
سكت شووي .. حسيت العبرة بتخنقني
كان الدكتور مشغل قران
وهو يرجع البويضات كان يقول دعاء وانا كنت اقوله ورااااه
دمعت عيني .. وانا اشوف بريق اجنتي الخمسه في شاشه الالتراساوند
العمليه ماخذلها اكثر من عشر دقايق
قالي تسطحي لمدة ساعتين بعدها تقدري تروحي البيت
وبعد 12 يوم تعملي تحليل الدم الرقمي
وبعد الساعتين مشينا البيت
بس هالمره غييييييييييير .. فأنا احمل في رحمي اجنتي ..
يوم بعد يوم وانا الاحظ بطني تكبر ..
<< قلت يا بنت ما مداك وصلتي للشهر التاسع هههه :p
وبدت الاااااااام البطن تزيد يوم عن يوم
وفي اليوم العاشر من الترجيع اجاني مغص مقدرت اتحمله
اتصلت بالدكتور قلت له المشكله
قالي اعملي تحليل الدم اليووم وخبريني بالنتيجه
انا هنا طرت الحمام << الله يعزكم قلت اعمل التحليل المنزلي اول قبل ما اروح عالمختبر
عملته
والنتيجه .....
<
<
<
خط غاااامق وخط فاااااتح
قلت بلا هبل هذا يمكن من تأثير الابره التفجيريه ..
رحت المختبر وقالولي اتصلي بعد ساعه نخبرك بالنتيجه
طبعا,,, كان مشوار ( البرنامج الطويل في كوم) وهالساعه هذي في كووم ثاني ...
اتصلت ...
حسيت ان دقاااااااااااااااااااات قلبي كل اللي بالمختبر يسمعونها ...
قالي ...
مبرووووووووووووك مداااااااااااااام انتي حاااااااااااااامل :32:
سكرررررررررت وانا مو مصدقه
سكرت السماعه وانا اقوووووول الحمد لك يا ربي لقد استجبت لي ...
اتصلت بالدكتور اعلمه عالنتيجه وعطاني موعد بعد اسبوعين عشان نشوف كم جنين ..
بعدها بيووووووم زاااااااااد علي الالم وكنت اروح العياده يوم وترك اخذ مسكنات وسيلان وارجع البيت
الى وصلت لمرحله باااااات فيها الالم لا يحتمل وماعادت أبر المسكنات تجييييب نتيجه
عملي الدكتور التراساوند قال خذوها العمليات على طول <<
فأيش اللي حصل ؟؟ حصلي تهيج بالمبايض
عمل لي استسقاء << وانا لقووول ليش كرشتي كنها بالتاسع ..!!
طلعت من العمليات وتنومت يومين عندهم
استقرت حالتي ورجعت البيت
في الاسبوع السادس من الحمل نقط علي دم
اتصلت على الدكتور قالي معليش ماتخافيش خليك عالمثبتات واذا زاد الدم كلميني ..
وفاليوم الثاني زاد الدم .. كلمته قالي تعالي العياده نعملك التراساوند
رحت وانا خايفه .. خفت على اجنتي ان يكون لاسمح الله اصابهم مكروووه
وكنت في نفس الوقت افكر ..
اقول ياترى كم جنين ؟؟؟؟
1
2
3 أو .......
العلم عند الله ..
اول مافتح الجهاز .. قالي مبرووووك هذا جنين ..
وكان يبحث عن الثاني ...
وقالي
<
<
<
<
خلاص ياستي هو جنين واحد والحمدلله وهو كويس
حاليا وقفي الاسبرين ولما يوقف الدم ارجعي خذي الاسبرين ...
والحمدلله توقف الدم بعد ثلاثه ايام وكان مجرد نقط
وبدأ مشوار الوحاااام فالاسبوع السابع من الحمل ..
وبدأ معاه مشوار الدلع .. طبعا زوجي واهلي طلبااااتي كلها مجاااابه :35:
عطاني الدكتور موعد ثاني عشان نشوف الجنين
وكان الموعد فالاسبوع 11 من الحمل
يعني اسبوع وابلش الشهر الرابع ...
في العياده ...
وضع الدكتور الجهااااز
وانا انظر فالشاشه املا بأن ارى نبض جنيني الصغييييير
انتظرت والدكتور صامت ويشوف الشاشه
قلته خير دكتووور ؟
قالي استني شوي ...
زظل يصارع مع الجهاز ..
قلت له ايش دكثور ..
قالي معليش الخيره فيما اختاره الله _ نبض الجنين توقف!!
سكت دقايق استوعب الموضوع
اقوله ايش ولدي مااااااااااااااات :06:
وظليت ابكي وابكي
بعدين الحمدلله هدأت
ورحت المستشفى وعملولي طلق صناعي _ ولدت فيه جنيني الذي لم يكتب لي فيه نصيب ..
هذه كانت قصتي ...
وفي القريب العاجل سأبدأ قصه جديده في رحلة الحقن المجهري
اتمنى من الله ان يعوض تعبي ومعاناتي وبجنيني المفقود بتوأم خيرا منه ..
وان يرزق كل حضن طفل سليم بلا زياده ولا نقصان ..
(( ربي لاتذرني فردا وانت خير الوارثين ))
جنا الدوسري @gna_aldosry
عضوة نشيطة
يلزم عليك تسجيل الدخول أولًا لكتابة تعليق.
الله ييسر امرك ان شاء الله وييسر لكي حمل وتمسكي طفلك يارب
ربي لاتذرني فردا وانت خير الوارثين
ربي لاتذرني فردا وانت خير الوارثين
لاحول ولا قوة الا بالله الله يعوضك خير يارب بإذن الله ربي يعوضك والحمدلله علا السلامه
ديمة.. :
ياعمرررررري عليك الله يرزقك بالقريب العاجل دعواتنا القلبيه معاك وتأكدي ربي بيعوضك وبيشوف صبرك بس تفائلي كل مشكله ولها حلياعمرررررري عليك الله يرزقك بالقريب العاجل دعواتنا القلبيه معاك وتأكدي ربي بيعوضك وبيشوف...
ياعمررري الله يعوضني ويعوضك خير ويجعلها في ميزان حسناتنا والخيرة فيما إختار الله الله يكتب لك ولي وكل متأخرة الحمل السليم التام يااااارب إذا صلحتيها مره ثانية قولي لنا
جوااافه
•
ياااااااااارب ترزق جنى الذريه الصالحه السليمه المعافاة عاجلا غير آآآآآآجل يامن أمره بين الكاف والنون ونحن ومن يتمنى من امة محمد صلى الله عليه وسلم,,,,الاستغفاااااااار والدعاءوتذكررررررري لاتملين ولاتيأسين .....
الصفحة الأخيرة
الله يرزقك بالقريب العاجل
دعواتنا القلبيه معاك
وتأكدي ربي بيعوضك وبيشوف صبرك
بس تفائلي
كل مشكله ولها حل