imay
مشكوره حبيبتي
كلامك روعه زيك وبالتفصيل هذا الي نبي
الله يوفقك وينولك الي في بالك ويسخرلك زوجك يارب

والله يوفقنا يارب ونتذكر هالايام وهالخوف يصير ماضي

حبيبتي، أول الأيام طبعاً بيونج الناس في أي وقت، إنت إلبسي الجلاليب الفخمة، مو قمصان وتنانير بيقولون طاع هذي على بالها بعدها بنت في بيت أبوها،،،ما كنها عرووووس...

مثلاً إذا أحد ياج لصبح إلبسي كندورة فخمة، الظهر غيريها بكندورة ثانية والعصر جلابية أو مغربية فخمة، طبعاً غير المغرب والمساء هذي شغلتها على أفخم...

مسألة اللانجري أعتقد بيكون في تفاهم نوعاً ما أيام الملجة، يعني ما بيقدر الزوج يقول طاع هذي كنها ما صدقت، أبداً لأنه بيكون متوقع تصرف مثل هذا كونج عرووووس وأهلج اللي يزهبون لج...على العموم إذا ما كانت عندج ذيج الجرأة في قمصان نوم فخمة بيضة طويلة للعروس رووووعة تنباع في نعومي، شي من المحلات المعرووووفة، وفيج تشترين البيجامات اللطيفة خصيصا الصيفية الحين اللي كلها شورتات...

أما بخصوص الملابس الداخلية، في الحالتين الملابس الداخلية تحتاجلها عناية خاصة خصوصاً إنج عروس وأكيد بيكونن غاليات...يعني غسليهن بإيدج بالشامبو اللي فيله بلسم...حتى ما يخرب عليج نعمومتهن ومرونتهن...أنا هذي النصيحة ماشية عليها إلي الحينة...والحمدلله الملابس الداخلية اللي خذيتهن لعرسي من ثلاث سنين إلي الحين أستخدمهن ولا تخربوا علي....

والغالية إذا في أي استفسار ثاني أمرينا...والله يوفقج إن شاءالله...

هلا وغلا باختي صبح وليل

ماقصرتي حبيبتي والله يسخرلك ويوفقك يارب
بس انا قصدي بغسل الملابس الداخليه بوقت السفر لو غسلتهم بيدي كيف بينشفون وانا بفندق مو شقه ؟ هذا سؤالي؟وانا بصراحه ماحب اخلي شي منزلته بدون ماغسله لين ارجع لشقتي صعبه


وكمان حبيبتي سؤال بسيييط ؟
وش معنى كندوره؟
وشكرا

شوفي الغالية، أنا أمي معودتني من وأنا صغيرة ملابسي الداخلية أغسلهن لحالي، وأعلقهن في الحمام على علاقة المناشف، وهي تراها تنشف ثاني يوم، فيج اتساوين نفس الشي في الحمام مال الفندق، أما الكندورة معناها الجلابية العربية اللي عادة نحن نلبسها في الإمارات، أو ممكن من جلابيات الأسطورة اللي اتكون من قطعتين يعني واحدة من داخل بدون كم والثانية على شكل جاكيت...

ومرحبا بج الغالية في أي وقت...

تسلميييييييييي
وفرج الله همك يالغاليه
ويخليلك بنوتك وولدك يارب وتشوفينهم عرايس قادر ياكريم