انا عايشة بامريكا فوق السنة وانصدمت ان منهم يشيلون بالحلاوة ,, ويسمونها Sugar wax
المهم قعدت احوس واحوس بـ YouTube وجبت لكم المختصر المفيد
أولاً
الحلاوة يا تسوينها بنفسك زي مايسوون ,,
بالنسبة لي جايبه معاي حلاوة " ميم "
كيف نسوي الحلاوة؟
كوبين سكر
ربع كوب حمض ( خل أو عصير ليمون أو عصير برتقال )
ربع كوب ماء
تخلطيهم ثم تحطينهم على نار عاليه,, لمدة 10 دقايق,, بيصير فيه فقاعات وكل ماجت تطلع من القدر ارفعي القدر الين تهدا ورجعيه
اذا بدأ يتحول للون الذهبي,, حطيها على نار هاديه لمدة 5 دقايق
بيصير قوامها زي الشيرة ثقيلة شوي,, خذي منها وحطيها بماء بارد واذا طلعتيها وصارت لزجة ومتماسكة معناها خلصت تمام ( لاحظوا اللون النهائي )
نحفظها بعلبه " زجاجية " - اول شيء دفي العلبة عشان ماتنكسر عليك -
و وقت الاستخدام نحط العلبة بحمام مائي عشان تذوب
مرحلة تحضير البشررة؟
1- اعملي تقشير بسيط بواسطة ليفة بودي شوب عشان يطلع الشعر الي تحت الجلد
2- اغسلي المنطقة بديتول شخصي او اي غسول وجففي بمناديل ورقية ( لازم المنطقة تصير جافة جدا )
3- في حال وجود مناطق شعرها طويل استخدمي مكينة الحلاقة وقصريها لطول 1 انش ( أو بالمقص )
4 - اذا بتستعملين الجلاوة بيدك اوكي,, لكن لاحظتهم يلبسون قفازات استعمال واحد وجربتها وكانت روعة بدل ماتلصق بيدك :09: بس استعملي مقاس ماسك عليك تماما لو وسيعة شوي بتبهذلك
في حال بتستعملين اقمشة
خذي خشبة اللسان ( موجودة بالصيدليات ) عشان تطلعين من الحلاوة لان مانبي يجيها اي بكتيريا,,,
وبدل الاقمشة القطنية استعملي قطع من الجنز القديم مرررررة تفرق
5- الحين المنطقة نظيفة حطي نشاء او بودرة اطفال وهذا ضرووووري عشان تلصق الحلاوة
6- افردي الحلاوة عكس اتجاة الشعر مرة ومرتين,, ثم انزعيها مع اتجاه الشعر
( طول عمري وانا اسوي العكس زي ماهو مكتوب على علب الحلاوة,, لكن والله الالم قليييييييييييييييل بالطريقة هذي والشعرة تطلع كلها مو زي قبل احسها تنقص وبس )
المنطقة الحساسة والأبط ؟
استعملي قطع صغيرة جدا
&& نصيحة &&
اذا عندك منطقة دايم يطلع فيها شعر تحت الجلد زي السيقان,, بعد الحلاوة حطي كريم فيسودين,, مرتين باليوم لمدة 3 ايام,, ومرة على مرة تصير سيقانك روووعة
القفازات
كريم الفيسودين