تعاالي يا ام العيال

هلا وغلا بخواتي وحبيباتي....وحشتوني كلكم
بنات الله يسلمكم السالفه ومافيها إن أنا تربيت في بيئة كانت امي من وانا وخواتي صغار دايماً تخطأنا يم الناس أو تحط العيب فينا لمن يصير فيه هواش جهال او كسر حاجه ...يعني كله إهي اللي عيالها جناني ..وأهم اللي يخربوون و ومايستحون....حتى لوكان العكس واحنا بريئين وماسوينا شي :( ..بس خلاص تعودنا على هالتصرف من امي وإحنا عارفين ان قصدها ماتفشل أم العيال اللي معانا أو تحسسها بحرج من عيالها..

انزييييييين ويعني؟
عااد هنا المحك ....العكس شفته بيت أهل رجلي .... يعني الوحده من خواته أو نسوان خوانه عندها ان ولدها ملاك ولا يغلط وكله ينغلط عليه وتدافع عنه وهالشي يسبب فيما بينهم مشاكل بسبب العيال .

تصدقون أحياناً أوسوس أقول إني ألحين علاقتي زينه معاهم بس اذا جبت عيال بنتهاوش ...لأني إذا اتبعت طريقة امي بينظلمون عيالي وكله بيصيرون اهم الغلطانين...وإذا اتبعت طريقتهم بنتهاوش؟!
!
!
عاد تدرون إني فاضيه... أنا ماعندي عيال و مالي نية حمل ألحين ... بس أفكر للمستقبل :27: <<إكششششخ

عاد السؤال المطروح...
*شلون تتصرفون أنتوا من هالناحيه ؟ وشنهو التصرف الأحسن ؟؟
يعني شنتاج خبرتكم يا أمهات العيال..؟ وشالمواقف اللي صارت معاكم؟
:)

والله يجزاكم خيـــر