.: تعاسة ويأس صديقتي ، تطلب المساعده :.

السلام عليكم

انا جالسه اكتب الموضوع من الجوال
فااعذروني اذا صارت فيه اخطاء املائيه

المهم انا بكتب قصة صديقتي وامانة مابيدي شي اساعدها
بس انا عرضت عليها فكرة اني اكتب قصتها هنا …
وبالتالي راح تشوف ارائكم وردودكم ..
طبعا هي ماعندها مانع ..

المهم صديقتي اسمها امنية
سبحان الله مرت بظروف انا مريت بها
مشابهه لظروفي تماما ..

بس هي مو قادره تسيطر على الابتلاء اللي ابتلت فيه ..

ظروفي اني تزوجت من شخص وذكرت قصتي في موضوع ثاني من قبل
واخته كانت زوجة اخوي وتعذبت مع الاخو واخته ..
خصوصا اخته ... وانا انفصلت

الآن صديقتي جالسه تمر في نفس الظروف
تزوجت والحين اخت زوجها هي زوجة اخوها بعد

والان هي بعد انفصلت عن زوجها
وجالسه في بيت اهلها وزوجة اخوها عايشة معاهم
وزوجة اخوها مره حقوده وتسبب لها مشاكل وتحلف كذب ..
وفوق هذا كله ومع الاسف

اكتشف ان عينها ""حاره""
عينها جمر فوق حقدها وشينها
تقول.. من اشوفها اتصير لي مصيبه
ومن تشوف عندي شي جديد اخسره في لحظته
تقول تتكلم ولا تذكر الله ابد ابد ابد


المشكله مو هنا ياجماعه ... لكنها مرتبطه بهذا الشي
صديقتي يائسه جداااا
وتعيسه .. وانا خايفه عليها

شوفو وش صاير لها

تقول انا في حياتي كلها ماحطيت عيني على رزق احد او حسدت احد
بس زوجة اخوي اتمنى يزول منها كل شي حلو
كل شي عاجبها ابيه يزول منها ..
ليه ربي موفقها هالظالمة
وكل شي تتمناه يتحقق لها
وانا الطيبه كل شي حلو جالسه اخسره ويضيع مني
هي دمرت حياتي .. وانا كنت امدحها لااخوي واحببه فيها اكثر واكثر

تقول كل شي عندي تبيه لها يصير لها خاطر فيه تنضلني
حتى في شرب المويه ..
كل شي حلو في لحظه اخسره بسببها وانا ليه
مو قادره انضلها او ليه مااقدر ااثر عليها ..
ياليت تصيبها عين او شي

وصديقتي موظفه نشيطه .. استلمت اول راتب
تقول ماتهنيت بشي شريته من الراتب ابد
اخذت تيشيرتات وملابس وفساتين وعطورات واكسسوارات وكذا
وورتني اياها واحلف لكم بالله
ان مافي شي من اللي اشترته ظل صاحي !

بعضهم استخدمتهم مره وبعضهم ولا مره
ومن تشتري شي خرب ...

طيب وفجأه مرضت اخذت لها شهر مو قادره تداوم

قالت لي ... حتى دوامي اللي احبه
وارتاح فيه .. احس مو قادره اداوم
كل مره بداوم فيها يصير لي شي ...

اما تمرض او تجيها الام محيطه بالقلب ودقات قلبها سريعه جدا
وتجيها نوبه كذا تتعب اذا تتنفس

او تصير لها مشاكل اذا تداوم ... لازم في شي يبي يمنعها من الدوام


مو بس كذا ..
صديقتي صار عندها اكتئاب
ويأس ..

تقول احيانا احط ارفع صوت التلفزيون بس علشان مااسمع صوت الاذان
وتاخر الصلوات كثير واحيان تتركها وهي ماكانت كذا
تحلم احلام مزعجه كثير
وداىما تقول .. انا طيبه ومؤمنه وصار فيني كذا
وهي الظالمة اللي ماتحمد ربها على شي
الله موفقها بكل شي ...


ياجماعه ... كانت تنتظر الاذان على سجادتها
كانت محافظه على الاذكار
كانت ملتزمه
بس لما انظلمت وابتلت .. ماادي ليه احس ايمانها ضعف
ماادري ليه احس انها تعتقد ان اذا صارت زي زوجة اخوها بتتوفق
زي ماهي شايفه....

والشي الحلو انها تفكر تفتح مع نفسها صفحه جديده ومامانعت اني
اكتب كل شي وبصراحه .. تقول احاول ارجع زي ماانا
لكن في حاجات تتعبني ...
زي انها ماتبي تسمع صوت الاذان وغيره


تقول انا ابي اعرف هل انا مصابة بمس
او عين او شيء ابي علاج اذا امكن
ابي ارجع مثل ماكنت .. انا فجاه لقيت حالي حقوده زيها
ومااتمنا لها الخير
واحاول اصير زيها في كل شي ...
لكني حتى لما فكرت اصير زيها ابتليت بوساوس واكتئاب وغيرها

ومن تطلقت لها سنتين ماتقدم لها احد ابد
وتقول هي عايشه بسعاده .. وانا خلاص مابتزوج ويائسه وعصبيه جدا
وتشوفني انا انفصلت قبلها ولسه ماتزوجت
وزاد يأسها .. تقول طول عمري كنت احلم تكون لي اسره واكون ربة بيت
بس حطموني دمرو حياتي وانا بنت ماتقدم لي رجال طيب
كيف وانا مطلقه !

كلامها مره مؤلم واثر فيني وجلست ابكي معاها بس انا سلمت امري لله
وماانكر جاني يأس بس كنت مع ربي

بس هي مره نفسيتها تعبانه
تقول معقول الله بيغفر لي بعد الكلام اللي قلته !
مو مصدقتني .. قلت لها ""ان الله تواب رحيم""
قالت والله مصدقتك بس ابي اشوف هل انا
عندي امراض روحيه او سحر او مس او عين
وابي اسمع اراء اكثر
من هذا المنتدى المتخصص...