تعاستي

السلام عليكم
اتمنى انكم تساعدوني في محنتي اللي اعتبرها مشكلتي الاساسية في حياتي
انا اخت لولدين وبنتين ولي اب وام .......لكن الاب مع احترامي للمكانة اللي الله عطاها اياه لكن هو مايعنيلي اي شئ ويعتبر هو السبب في كل عقدي لانه انسان ماتذكر في حياته ان له عيال بس الله يسامحه واصلا انا نسيته وماله وجود في قلبي لانه ماعرف يحبني وماعرف في يوم ينطق اسمي عشان يشوفني .......هو اللي خلاني يتيمه برغم وجوده في ها الحياة .......وهو السبب اللي خلى اخوي يصرف علينا وبرغم حنانه في بعض الاوقات لكن ممكن يخرب كل شئ سواه في لحظة وانا ما انكر فضله وجزاه الله الف خير لكن المشكلة ان هو وامي شايفين ان هو متكرم علينا وان هو ضحى يحباته عشانا مع ان هو متمتع في حياته ومحد منعه من الزواج اذا طلب ها الشئ لكن دائما امي تذكر اخوكم واخوكم مع اني اعتقد ان ها الشئ طبيعي الين ما البنت تشتغل او تتزوج او اي شئ يخليها مسؤولة عن نفسها وانا تعبت من ها المواضيع كلها واتمنى اليوم اللي الله ياخذني فيه واحط اللوم كله على ابوي اللي خلى اخوي يتحكم فينا و اخوي اصلا عمره ماحبني في حياته وحتى لو عطاني شئ في يوم فهو بس خايف عن نتصرف تصرف خاطئ عشان نعيش او عشان يساوي بيني وبين اختي لاني من طفولتي وهو كان يضربني بدون سبب وبابشع الطرق لدرجة اني صغيرة في السن لكن دايما يجيني صداع وتعب وماتحمل اسمع المحاضرات في الجامعة من كثر ما كان يضرب راسي بالجدار لكن الله يسامحه ويسامح كل انسان اذاني وتعب قلبي في ها الدنيا وغير نظراته وحركاته اللي كانت ادل على انه قرفان او متضايق مني وماعتقد ان انسان يحب انسان يعامله بها الطريقة .............انا كتبت مشكلتي عشان ارتاح شوية وماعرف شو الحل بالضبط لاني اريد اي طريقة ماتخليه يصرف علي او يتحكم فيني لكن كيف وانا ماكملت دراستي وماعندي شئ اعيش فيه ............دايما احلم اني ملكة ومحد يمسني بكلمة واتزوج انسان طيب وحنون وسخي وماعنده عقد لكن وين ....احسه شئ مستحيل ......خاطري اتزوج انسان بمعنى الكلمة عشان ارجع لاخوي اي شئ صرفه علي عشان محد يجي في يوم ويقول اخوكم سوى لكم ...........امانة تقولون لي على حل يريحني لاني تعبت