السلام عليكم
صباحكم \ مساكم نور وبركه
بنات ابي احكي لكم شي مجنني ومسوي لي في حياتي قلق وبقوه
اللي هي ام زوجي الله يهديها لسانها طووووووووووويل
والله يا بنات كانت محترمه معاي الى يوم الزواج .... وربي من شهر العسل وهي تنغس علي حياتي .... بنات والله اني دخلت عليها وانا احبها وكنت اموت فيها قبل الزواج
كانت في البدايه تدقدق في الكلام من بعيد لبعيد وما كانت تقدر تتكلم كلام جارح .... بس اجلس يومين عندها الا اكره نفسي من الاهانات اللي اشوفها .... وفيها حركه تجلس ترمز لزوجي ما ادري اش تقصد بها حتى زوجي مستغرب اش فيها ومو فاهمها !!
لما اجلس انا وهي وزوجي في الغرفه تجلس تمسك زوجي وهاتك يا الحرشات... وتتكلم بهدؤ وتحسبني ما اسمع
ولما اسولف مع زوجي تغلي غليان ..... وطول الفتره وهي تطالع فيني وتبحلق بعيونها زي اللي يقول خافي مني .... والله مرات كلنا نطالع التلفزيون الا هي تقعد تطالع فيني وودي وقتها اطالع فيها بس والله استحي لانها كبيره ومااقدر اسوي معاها حركات ابتدائي ( اطالع فيك عشان اكسر عينك ).... مره لبست عندها تنوره طويله وبلوزه كمها قصير بس مو مره .... وجلست اليوم كله تسب سب فيني تعالي يا ام بلوزه تفشل روحي انتي وبلوزتك ... وقدام بناتها اللي وربي اني مرات استحي من لبسهم
واذا طبخت جلست تسب في اكلي حتى زوجي يصير يتقارف من الاكل من كثر ما تسب وتمثل بأشياء تقرف
ومره خرب ولد بنتها واذى نفسه واتهمتني انا تخيلوا .... جالسه تدعي علي وكأني انا السبب .... وقتها سكت ورحت غرفتي وحتى لما جاء زوجي كانه ما صار شي
وكل مواقفي معاها ما كلمتها بكلمه وحده واطنشش
انا طفشت من حياتي معاها فقلت لزوجي لا نروح الا نادر عند اهلك .... زعل هو وقال ليه ... وكان وقتها ما يعرف شي .... ولما طال الكلام بيننا حكيت له عن كل شي واتعاون معاي وسرنا نروح نادر والحمد لله خفت الضغوط علي اشوي وصار يا دوب موقف في اليوم
لكن زوجي صار ضدي ويقول انتي حساسه وامي تمزح عليك وانتي ماتتحملين من امي وصار يطلع اني انا الغلطانه واني انا اللي ادور المشاكل وان امه هي المسكينه لانها قدامه تقول كلمه تجرح وتضحك يعني مرات تقول الله لا يردك وتضحك وهو يقول انها تمزح..... وبصراحه امه قدامه وجه ومن وراه وجه ثاااااااااااااااااااااااااااااااااااااااااااني وبقوه يعني بس تمدح فيني واقسم بالله يا بنات انو لما نكون لحالنا انا وهي ما تصب لي قهو واصلا اذا قالت الشغاله تقول لا وانواع الجوع بس نتغدا الظهر وعليها الى الساعه 10 الليل يكون عشا واللي يحسسك يالاهانه يوم تقوم وتطبخ وتروح بالاكل اوالقهوه في غرفة اولادها وتنادي بناتها ويتقهون وياكلون وانا لحالي اصارع جوعي في الغرفه التلفزيون !!!:( ..... ولقيت حل للحركات اللي مثل ذي اني انطق في غرفتي وما اخرج الا نادر وكان حل حلو
واذا كان زوجي معي في نفس الغرفه اشوف النعيم منها حتى كليماتها تتغير والبخور والقهوه والاكل اللي يطق الواحد من الشباعه ....
لكن يا بنات لسانها ما زال يئذيني وين ما رحت انا حاليا عند اهلي لضروف خاصه ومره كلمني زوجي وهو عندها وجلست تضحك زي حركتها المعتاده وتقول والله لو ما ترجعين تشتغلين لولدي لازوجه وادور عروسه ومن هالكلام
انا طرطعت وسكت وقتها وبعد فتره كلمت زوجي وخاصمني بحجة انو امه تمزح وقلت اذا ما بتكلم امك وتعلمها انك تزعل على زعلي باكلمها انا وبطريقتي قال حسك تكلمين امي وانا و امي روح وحده واذا ما تبغيننا دوري لك طريق ثاني .... وجوابي كانت الدموع ...... وبعدها اعتذر ووعدني انه يكلمها
يا بنات بعد هالموقف صرت اكرهها كره مو طبيعي .... والمشكله زوجي يقول واصليها وكلميها باستمرار انا كنت اكلمها وقاطعتها لانها بس تسب فيني وخلتني شماته حق الغير واما اللحين ماني قادره اكلمها احس لما اشوف رقمها في جوالي ودي اطلق عليه مليون رصاصه ...
وش رايكم فيها ؟؟ .... وهل ارجع اواصلها بالجوال؟ .... وكيف استقبل مواقفها الجايه ... اسكت زي كل مره لاني حسيت انهم استغبوني وزادوا بعد سكوتي حتى زوجي صار يتمادا علي وكل مره يقول اصبري ولما اصبر يجي هو وينظر لي نظره غريبه كأني غبيه او جبانه او ما ادري ..
لانه للمعلوميه جميييييييييييييع سلفاتي اللي هم ازواج اولادها ما تقدر تقول لهم كلمه تجرح الا انا ووحده زي بس تسكت والباقيات عادي عندهم لو يتضاربوا معاها عادي عندهم وماشاء الله السنتهم طويله يعني يشرشحونها بالتريقه والاهانه بس بنفس طريقتها استهبال وكلام جارح ... مره تخاف منهم ....ونفسي تخاف مني زيهم بس ومو عارفه اش اسوي معاها .... احس اني جبانه مرات ومرات اقول شي غريب اول مره اعيش حياه مثل كذا ومن حقي انفجع ..........<< الله يرضا عليك يا امي ما اسمع منك الا كل كلمه حلوا
وعلى فكره ترا ما مر على زواجنا الا سنه ....يعني مصايب من اولها ... والله يا بنات في الاسبوع مرتين اتهاوش مع زوجي عشانها حسبي الله ونعم والوكيل
سؤال دايم اسأل نفسي فيه .... انا اش سويت لها حتى تكرهني وتحقد علي ؟؟ معقوله يكون عقلها صغير ويكون عشان اتزوجت ولدها :eek:
بنات قلبي يوجعني وسيرتها تخليني اموت قهر الله يخليكم لا تخلوني لحالي ابي حلووووووووووووولكم :(
انتظركم
miss amon @miss_amon
عضوة نشيطة
يلزم عليك تسجيل الدخول أولًا لكتابة تعليق.
اهم شي انك ساكنه ببيت لحالك ...
والزيارات روحي لهم مع زوجك ولاتطولين ارجعي معه ..
والزيارات روحي لهم مع زوجك ولاتطولين ارجعي معه ..
ياقلبي احمدي ربك انك عايشه ببيت لحالك وبعيده عنها
واغلب النتزوجات يعانون زيك ,, اذا زوجك معك طيب لا تخسرينه بسبب اهله ,
ومالك الا التطنيش والمعامله الرسميه
واغلب النتزوجات يعانون زيك ,, اذا زوجك معك طيب لا تخسرينه بسبب اهله ,
ومالك الا التطنيش والمعامله الرسميه
محبة مكه
•
تحملي عادي والله زوجك ماراح ينسى لك هالمعروف ولا تشتكي لزوجك بالمرة وانسي اي شي يصير بالزيارة لما ترجعي البيت
الصفحة الأخيرة
بس بقولك شي انتي اسكتي ولاتتهاوشين مع زوجك عشان امه احسها صعبه بقووه
انتي سوالي عليك واتركيها بحاله
واصبري ( ان الله مع الصابرين )
والله يكون بعونك