غــندوره @ghndorh_3

عضوة نشيطة

تعالـــووووو نلـــبس الشيــــله ...

السلام عليكم اجمعين اخواتي الحبيبات...

بصراحه هذا اول موضوع لي ..واتمنى انه يكون مفيد ويستاهل النشر على قولتهم..
على العموم ماابي اطول عليكم ..

السالفه ومافيهااااا اني سمعت قصة وحده من البنات اللي تعاني من تساقط فظيع بالشعرلدرجة ان فروة راسها البقع الفاضيه فيها اكثر من اماكن وجود الشعر... هالبنت ماخلت زيت الا واستخدمته .. وراتبها كله يروح على مواعيد الاطباء والمراجعات والادويه والشامبوهات اللي مالها سنع ..وبرضه مافيش فايده..
هالبنت انخطبت ..وترددت كثير قبل ماتوافق على العريس ..كيف بتتزوج وهي شبه صلعا ء..
جتها حاله نفسيه رهيبه .. :(

وفي مررره من المراريت ..في صيف يوم حار من شهور الصيف المحرقه <<< احسن وحده تقص قصص لعيال اختها .. :34:

المهم هالبنت راحت لبيت جدانها عشان تسلم عليهم ..وباركت لها الجده بالخطبه ..بس البنت ماتحملت انفجرت عند جدتها تشكي لها الحال... والشكوى لله.

قالت لها الجده الحكيمه ياكثر مايشتكون بنات هالوقت من تساقط شعورهن
والسبب انهم تاركين شعورهم للشمس والهواء الحار والغبار ومايغطونهن..

فقالت الجده : يابنتي تبين نصيحتي
قالت البنت : ايه ياجده
قالت البسي شيله ..وبسنه وحده بس بتشوفين شعرك وش بيصير . :55:

هالكلام كان قبل ماتفتح المدارس .. هالبنت سمعت شور جدتها ..واول شي سوته انها اجلت ملكتها لشهر شوال...
وطووول هالفتره وهي تلبس الشيله وماتركتها ابد لا في دوام ولا في غيره
وبعد مالبست الشيله بكم شهر بدا شعرها ينبت وتحسن بس كان تحسن بطيء...
مر شهر شوال وتملكت البنت... واستمرت لابسه الشيله ..واشترطت يكون زواجها باجازة الصيف .. وتزوجت البنت
ومع بداية العام الجديد دخلت المدرسه ..
بس هالمررررره من غير شيله.... طبعا زميلاتها بالدوام ماعرفوها ...يحسبونها معلمه جديده
تدروووووون وش كان شكلها :32:

تحلف وحده من المعلمات وتقسم انها ماعرفتهاااا ..لأن شعرهااااا كاااااان كثييييف وطووووويل الى الركب ..ماشاء الله تبارك الله الله يهنيها فيه ولايضرها ان شاءالله...

ولمّا سألتها عن العلاج اللي نفع معها حلفت لها انها ماخذت أي علاج ..وان علاجها كان باذن الله ثم نصيحة جدتها بلبس الشيله..

صدقوني يوم علمتني صديقتي بسالفتها ..جلست اتأمل شعور كبيرات السن في عائلتنا....
فعلا ماشاءالله عليهن ... رغم كبر السن الا ان شعورهم ماتأثرت ..من كانوا صغار وهم يلبسون الشيله ..مع ان مويتهم منوّل اللي يسبحون فيهااا اردى من مويتنا الآن بالف مرررره
:11:

ولاحظت شغله بعد .. الشغالات اول مايجون ديرتنا تكون شعورهم قليله وخفيفه ... بس مجرد مايجلسون عندنا كم سنه بحجابهم واذا جا وقت روحتهم وفلووو هالشعور ..
انتي طالعي :32: وانهبلي بس على طولها وكثافتهاااا ..وتقولين كل هالشعر متوزي تحت الحجاب وحنا ياغافلين لكم الله.. فرحانين بكشتنا وكل شوي نافشينها..

واثرنا مخلينها مرتع للغبار ومصادر التلوث المختلفه <<< حلوه هالجمله احس اني مثقفه ..
:01:

المهم يابنات من ودها فيكم تلبس معي شيله.... على الأقل نلبسها 12 ساعه باليوم... خصوصا حنا يالبنات الله يخلف من نكشخ له عشان ننفش هالشعرتين يوميا..
حتى المتزوجات يقدرون يوقتون لبس الشيله مع طلعة رجالهم من البيت ...

اتمنىىىىى هالمعلومه تكون مفيده للجميع ....

وصدقووووووووني ان القصه اللي فوووق حقيقيه 100%... والله شاهد عليّ ليووم الدين..

وسلامتكم .....

يلزم عليك تسجيل الدخول أولًا لكتابة تعليق.

تسجيل دخول

o أم تيلــهo • 20 سنة

ما شاء الله عليها وعني ما اعتقد اني بستحمل الشيله في البيت بس اتعرفين شو انا بلفها مثل نعمة الله الي بمسلسل الحاج متولي ينفع ولا لا ؟؟؟:27: يعني تكون مثل العمامه تقريبا

nanaaQ • 20 سنة

يعطيك العافيه وكلامك صحيح اختي لكن من بتلبسها في البيت خصوصا المتزوجه

:26:

غــندوره • 20 سنة

هلااااا وغلااااا باختي السلّم

نورتي موضوعي ولك جائزه لأنك اول وحده ردت علي

تستاهلين شيله من سوق الحريم من ماركة أم بروووك :27:

على فكره تراني هاليومين مررره الف الشيله ومررره احطها مثل قولتس مثل العمامه ..اهم شي نغطي شعورنا لو بخيشه ياشيخه ..

وسلامتك يالغلااااا..

غــندوره • 20 سنة

هلااااااا والله ببنت السراة

منوره موضوعي ياقمررر :27:

ياوخيتي هماني اقووول المتزوجه تقدر تغطي شعرها بمجرد مايطلع زوجها من البيت

صدقيني لو نغطيه نصف يوم بس.. باذن واحد احد بيتحسن ...حتى الكشه بتهجد وبيخف تساقطها تدريجيا...

وسلااااامتك يالغلااا ...

o أم تيلــهo • 20 سنة

وانا اتريا الشيله ماركة ام بروك :23: