ياشين اللي يواعد البزران ويتوهق
سلام عليكم
المهم اني بعلمكم سالفتي يوم 18 رمضان العام واني ترى نزلته في النادي هناك في موضوع مثبت هناك نسيت اسمه بس قلت بانزلها في موضوعن جديد عشان الكل يقراااه..
بيوم قمت من النوم على صوت اميمتي وهي تصارخ مصقوووعه<< هذي عيرتي قومي شوفي عمتس وعياله جايين بيفطرون عندنا .. قلت طيب وش اسوي لهم الدور اليوم على حصيصة تسوي الفطور ماهوب انا ---> لاتستنكرون هذا لوني وانا نايمه اتنح .. قالت امي لا ابد بس تعالي صوري جنبهم ..]] قومي لاادخل عليتس المبزره يقومنتس قلت طيب خلاص بقوم طفي اللمبه وصكي الباب وبقوم لاني ماقدر امشي في النور وانا نصي نوم ----> عاش مصرف المهم قالت طيب شوي وراجعه لتس وان ماقمتي ياويلتس قلت خلاص طيب امي طلعت والا ماطلعت واسحبها نومه .. ماكملت نص ساعه الا وعيال عمي داخلين علي اللي يمعط خشمي ويسحب الكنبل واللي راقي على الكرسي يايطفي يايولع في اللمبه ] واللي مسويه لي فيها رومانصيه فاتحه الشباك وتطالع السماء ] انا قمت شفت هالدنيا ودي اقوم وارفسهم بس تعيجزت قلت ل اكبر واحد فيهم ضيطان معليش تطلع برى انت واخوانك دام النفس راضيه عليكم لااقوم امردغكم ----> حتسي بس قال لا مناب طالعين الا لين تقومين ويدلع لسانه علي ] ياليل المبزره قلت طيب ان طلعتوا بسوي لكم حفله نجاح بعد التراويح- - -> مدري وش جاب حفلة النجاح في بالي وقلتها ياربيه وش هالبلشه ليتني قايلتن لهم بشتري لكم لعبه شيء مهوب بسوي لكم حفله بس كود ينسون على اني ماضنيته .. ] المهم قمت وطلعت اسلم على عمي منقاش اللي تسانت امي بتسمي اخوي صقيع عليه بس قالت مايصلح منقاشين بنتغالط فيهم ههههههههههههههههههههه ] جت بنت عمي النتفه قالت ابووي ابووي ترى زرعه بتسوي لنا حفله قلت من قاله ......جحدت .. ] قالت انتي قلتيه لنا قلت ايه طيب يجيب الله مطر .. ونشبت فيني هالبزر وجو اخوانها الا بتسوين لنا قلت طيب خلاااااااص وجعات بسوي لكم الشكوى على الله حكم القوي على الضعيف .. وفشيله عند عموو منقاش اكسر بخويطر عياله .. المهم قالت بنت عمي البصوه بابا ابي اعزم اصدقائي قال مناب في البيت لين رحنا البيت اعزميهم على راحتس ماجاء في باله انه اصدقائها على قولتها اولاد .. قالت تكفى يابابا طيب من اصدقائتس اللي بتعزمينهم قالت فهد وفيصل معي بالروضه] قلت وشووووو مير اختزيتي بزران اخر زمن بتعزم اخوياها ههههههههههههههههههههه قام منقاش سفهني ولاعبرني مير وقال لبنته كم رقمهم وعطته الرقم حاطته بشنطتها مانسته التسلبه قال يابنيتي عجزت وانا ادق عليهم مايردون عرفت ان عمو منقاش يصرفها .. قالت طيب خلاص وتسن صديرها ضاق بس خلاص استسلمت للامر الواقع .. ---> هي لتس والا لهالمبزره ياللحجيه]]
بدت الحفله على صوت شاطر شاطر جت بنت عمي السوسه قالت لا لا شاطر شاطر قلت وش تبين طال عمرتس ----> تسلك لها قالت ابي يالبرتقاله بعد هالنتفه مختزيه وهي صغيره الله يخلف ماعاد فيه مبزره .. قلت ماعندي يالبرتقالة فاردزي بس تراني معطيتكم وجه .. قامت تصيح .. ابي البرتداله البرتداله << ماتعرف تنطقها يوم قامت تبتسي ياليل الليل وش ربي بلاني قلت طيب خلاص ويوم شغلتها تشققت علينا وقامت ترقص ههههههههههههههههههههههههههههه hوه بص ياحبي لها .. حاولت اسكته عيى قلت طيب وش تبي عشان تسد فمك وتسكت تبي اصطرك قام يصيح زياده ههههههههههههههههههههههههههههه وجع وش تبي قام يصيح ويرفس قلت بجي معه باسلوب زين وانا من داخلي احتمس قلت ضوطي حبيبي وش تبي اعطيك قال ابي بابا وين اجيب لك بابا منه اطلعه من جيبي يعني]-----> توتس وش حليلتس ممداتس تقلبين . وقام يصارخ قلت ترى ان ماسكت مافيه طورطه .. وانطم مير اشوى عرف ان الله حق وشو عقبه عاد يوم صكني رويسي من صراخه
حاطتن لهم شموع وحركتات تسنهم كفو مير ----> صايلتن عليهم .. مير جعلي منيب طورطتن عندكم كلها انوكلت بالعافيه بس انا ماكلت منها ولا قطبه
خامسن .. لومااشوف ردودكن واجد وتقييمكم ترى مانيب كاتبتن مرتن ثانية << تلايطي بس]]
برم ولي عوده بعد ردودكم الطيبه واعذروني على القصور ترى كاتبتن هالموضوع وانا مزكمه وخشمي يقوطر مقوطر وكل ساعه اكتب شوي وانشق .
البندري السديري @albndry_alsdyry
عضوة جديدة
يلزم عليك تسجيل الدخول أولًا لكتابة تعليق.
bndery22
•
اممممممممم وش ذا
ههههههههههههههههه
هههههههههههههه
ههههههههههه
هههههههه
ههههه
عليك أسلوووووب .. سلامتك ما تشوفين شر
سبحان الله و بحمده
سبحان الله العظيم
جوجي كوول
هههههههههههههه
ههههههههههه
هههههههه
ههههه
عليك أسلوووووب .. سلامتك ما تشوفين شر
سبحان الله و بحمده
سبحان الله العظيم
جوجي كوول
الصفحة الأخيرة