تعالن شوفن ولد عمي وش يسوي ،،،

صباح الخير بنات ،،،
اولا اشكر همس ربي يسعدها ويخلي لها بناتها عطنني معرفها اكتب بوه ،،
بنات انا عندي خمسه اخوان ابوي 
واخد من اولاد عمي كان يبي يخطبني وصراحه كنت ابيه ومتعلقه فيه مرررره من صغرنا 
طبعا كنت ثاني جامعه وتقدم لي قال له ابوي اذا خلصت  البنت الجامعه ابشر ،ابوي الله يهديه لايمكن يزوجنا الا بعد الجامعه يقول الواحده تخلص وتأخذ شهادتها اللي هي سند ظهرها وبعدها تتزوج ،،
ولد عمي زعل ولا انتظر وطبعا راح وخطب بنت عمي الثاني ووافقوا لان الولد بصراحه ما يتفوت ابددد وظيفه وبيت ورجال بمعنى الكلمه والكل بالعايله يشهد له ،،تزوج ولد عمي بنت عمي الثاني  ولاجلس معها الا اربع اشهر وطلقها لانها تقول انا بغرفه وهو بغرفه كأننا اخوان ولا يبي اسوي له شي ابد اكله وملابسه برا  
انا خطبني ولد خالتي ووافقت وملكت خطيبي انسان هادي ومحترم وكرررريم وملتزم الحمدلله 
يابنات ولد عمي الحين يبي يخرب حياتي يرسل لي كلام مع اخته انه مو قادر يعيش بدوني وانه تزوج بس ردة فعل عشان ابوي رفض وكان يبي يحرق قلبي  انا والله تعبت فعلا لمن تزوج بس خلاص نسيته لكن هو الحين يقول لاخته قولي لها انها تتطلق من خطيلها انا ابيها وربي مو قادر اعيش بدونها انا طبعا هاوشت اخته وزعلت منها وقلت انا علئ ذمة رجال لا تخربون حياتي خلي اخوك يشوف نصيبه مع غيري لايمكن اخون خطيبي او افكر بغيره ابد 
حزنت وربي على ولد عمي وانقهرت من تصرفاته ليه ما انتظر لمن اكمل سنتين وتزوجنا ضيعني وضيع نفسه ..
انا في نفسي اتمناه الى الان وخطيبي هذا وربي ما حبيته ابددد بس قلت خلاص نصيب وانكتب وانا احترمه موووت 
بس حب لالا 
بنات وش الحل ارحموني ضيعت نفسي وتعبت من التفكيررر انام واقوم وانا مهمومه حتى اخواتي وامي  لاحظوا اني تعبانه ومعصبه وقلقانه اخاف افصخ خطوبتي من خطيبي واندم 
والا ولد عمي يتزوج وانقهررر بنات الحكيمات اعطوني رأي ،،