اي والله نبي نعرف

الله يهدي الجميع
يعني قالت لك انها هي ترمي الزباله مو زوجها صارت تقدسه وتعبده احسك مررره مبالغه في الموضوع
طيب هي تلاقي عندها اولاد هم يرمو الزباله وممكن هي تحطها عند الباب وحارس العماره يجي ياخذها ويرميها برا يعني ماله داعي زوجها يشيلها
ابويه مايرمي كيس الزباله نهائي بحكم وجود اخواني الاولاد ياخذوها ويرموها احتراما له
وتقولي تقدس زوجها وتعبده كأنك عايشه معاها ببيتها وشايفتها
اذا بس على كلامها معاك فالظاهر تلمح لك انه اهتمي باخويه كذا لانها ماترضى على اخوها قمتي كتبتي موضوع وتقدسه وتعبده
يااختي هي حره بزوجها لو تشيله وتحطه على راسها من الصبح لليل ماقدسته وعبدته على قولتك الا وهو يستاهل واحتمال ثاني انها تبالغ قدامك حتى تسوي لاخوها نفس الكلام اللي هي تقوله
عليك من نفسك وزوجك وبيتك وهي خليها تهرج لبكره اذا كان بس على الكلام

اول مره اسمع بكذا 😳
احنا عندنا عيييب الحرمه تخرج ترميها
يروح هو يرمي الزباله غصب عنه
كيف عاد رجال البيت ويخلي زوجته تلبس ترمي الزباله
غريب والله

في زوجات فعلاً من كثر ماهي طايره بزوجها وتعشقه وماهي شايفه شي بالحياه غيره ماتدري وش تسوي بنفسها
من اول مايدخل البيت الى ان يطلع وهو مخدوم كأنه غريب

في اللي تغسل رجوله وتجيب اكله وشربه لفمه واذا خلص تجيب مويه تغسل يدينه وفمه !!

وحتى ملابسه تشيلها من عليه وتلبسه النظيف وتدخل معه تروشه وتنظفه وتقص اظافره وتمشط شعره

وبالفراش ماتنام الا وهي تهمز رجيلاته وظهره الى ان ينام ثم هي تنام

باقي بس تخليه يسويها تحته وتجي تغسله وتمسحه الله يكرمكم

ثم اذا تزوج عليها او سحب وشاف غيرها صحت من الغيبوبه وتلومه تقول ماقصرت معه وخادمته وشايلته ماتدري ان الرجال يحتاج زوجه مايحتاج خدامه مايحس برجولته ودوره الحقيقي معها


الوحده تهتم بزوجها لكن بدون تفريط ومبالغه

وبالنسبه للزباله ما اشوف انها عيب او حرام ان الرجال هو بنفسه يطلع يرميها اجل يبي زوجته رازه وجهها كل يوم قدام الرجال طالعه تسحب كيس الزباله وترميه ؟!!

وش عليكم بخلق الله.. رماها هو والا هي ترميها والا قرينهم وش لكم في الناس!!