تعالن ياحوائيات ادري طفشتكن بس اخذن فيني اجر (المطلقه الي فيه عقل ماياخذها)

سلااااااااااااااااااااااااااااااااام بنات

بنات الصدمات ياجت تجي ورا بعض ليش ليش وربي جاني اكتئاااااااب مابي اطلع ولا ابي اشووووووف احد

تخيلوا بنفس اليوم الي كلمتكم عنه طبعا انا كنت صاحيه من سبع الصباح مع ابوي المهم جاء العصر ماجاني النوم اتصلت على عمتي وبناتها وقلت انا عازمتكم كشته اخذت حلالي وقهوتي وطلعت معهم وياليتني ماطلعت


وانا اسولف قلتماشاءالله فلانه وفلانه من صديقاتي انخطبوا وبيتزوجون وحده منهم مطلقه واخذت شاب اسولف عليهم قلت ماشاءالله عليهم مو حظنا وربي مو حسد بس قلتها كذا اصلا الي انخطبن من اغلى صديقاتي المهم


ورب الكعبه يابنات ماكذبت بكلمه تقل قنبله وانفجرت بوجهي عمتي قالت اصلا من الي عقله براسه وياخذ مطلقه من ياخذمطلقه استغفر الله قلت بقلبي نست اني مطلقه قلت هييه عمه وش فينا ناقصات يد ولا رجلل
ابيها تنتبه لي اثاريها متعمده قالت وانا صداقه يكفي انها مطلقه وماياخذهن الا الي يسكر وراعي خمر

ولا طايح بكبد اهله لاوظيفه ولاشي داجن ولا المطلقه من ياخذها و و و ماخلت شي وانا دوروني ماتلقون تقل احد طعن بظهري معاد استوعبتشي عاد عمتي غاليه عندي وانا ماسويت شي علشان تجرحني كذا انا بنت اخوها كيف تسوي فيني كذا اااااااااااااااه ينات وربي السالفه هذي الاربعاء العصر كانه الحين لاعاد نمت زي الناس وبس بغرفتي اصيح تعرفون شلون انصدمت شافتني معاد اقدر اتكلم انا مسكت صيحتي والبنات يقولون لها وش الكلام هذا هذا نصيب ومازلت مصره حطتنا


زي الزباله زي الحشره وانتم بكرامه قلت اذا هذول اقرب الناسيفكرون كذا واهي عاف كلشي عني فما بالك بالثانين حسبي الله عليها ونعم الوككيل

وربي مالي وجه منكم يابنات حواء ابلشتكم بمشاكلي بس مالي احد بعد الله غيركم احتوووووووني يابنات وادعولي اخذ واحد شاب وتعرف ان حنا يالمطلقات زينا زي غيرنا :(