السلام عليكم ورحمة الله وبركاته
ياهلا ومرحبا بكل الحلوات ..
تقديرا مني لخدماتكم , وأفادتي بالكثير من الأستفسارات , حبيت أساعدكم .. :27:
(أحم أحم .. حلوة المقدمة صح .. طبعا ملطوشة )
عندي لكم مطعم خراااااااااااااااااااافي في الأكل والأسعااااار رهيبة ..
المطعم أسمه (الفخــــــــــــــــــــــار ) ..
ممكن أكون قديمة على ما أعتقد .. لأن المطعم هذا كان فاتح صغير..
لكن اللحين .. انتقلوا للفرع الجديد ... مررررررة حلو ..
المطعم هذا تعشينا فيه يوم الخميس .. طبعا رحنا بدري والا كان ما لقينا طاولة ..
أحب أختصر عليكم الهذرة ..وأقولكم ..
المحاسن ..
طبعا بما أنه مطعم .. الأكل .. يجنن .. لذذذيذ وحاااااااار .
نظافته .. أكثر من ممتاز .. كل شيء من حولك يفرك وينظف حتى دورات المياه
وأنتم بكرامة تلق لق .. رغم الزحمة ..
الأسعااااااااااااااار .. جدا رخيصة .. يعني أسعار معقوووولة جدا ...
المكان ساااااتر جدا .. وما فيه حركات نص كوم على قولتهم ...
الخدمة ... مررررة حلوة .. ما يتأخرون عليك بالطلب .. ويجونك دفعات .. ما يخلون
كل الأكل مرة وحدة .. ولا يقعدون يتلزقون في وجهك يدورون بخشيش ..
ألى جانب كل من يقابلك تلقاه أما مبتسم أو متمحس ..
والله يا بنات أنا أستغربت أن ما أحد ذكره أو تكلم عنه في المنتدى ..
رغم الزحمة اللي عليه ..
يعني رحنا بعد صلاة العشاء مباشرة .. ويالله لقينا طاولة .. واللي بعدنا والله كأنه
طابور مدرسة .. ما لقوا حجز ..
الديكور حلو مررررة وناعم .. والصعود عن طريق اللفت ..
ونسيت بعد حتى الماء والمناديل .. لقينها على الطاولة .. مب مثل بعض المطاعم ..
لازم تطلبينها ويزيدون عليك الخدمة ..
المساوئ ...
أغلبها ناتجة عن الزحمة اللي عليه ..
مثلا ..
المواقف للسيارات .. طبعا هو مجمع مطاعم كبير مرة .. والزحمة صايرة عنده ..
المكان غيررررررر رومانسي .. صجة ولجة يعني أصوات مواعين وبزارين ..
:angry: :icon28: :angry: :icon28:
.. لكن مو مثل الريف اللبناني .. يععع .. صجة ولجة .. وضحكات بنات
شلخ ملخ .. وفي النهاية الفاتورة مدبولة دددددبل ..
كمان اللي بيجي بعد الساعة تسعة .. خلالالاص لايجي .. ما راح يلقى له حجز ..
أنا رحت له يوم الخميس .. ما أدري عن الأيام الثانية كذا أو لا ..
لكن بعد ما طلعنا .. والله طابور كأن المطعم يوزع بلالالالاش .. ههههههههه
وأنا من النوع اللي ما أحب أنتظر في المطاعم .. ما صار مطعم أجل ...هههههه
تكفوووون روحو له .. أن شاء الله ما تندمون .. وأدعوووووو لي ...
وبالهناء والعافية ..
*_* @13_1
محررة
المطعم في العليا , شارع الثلاثين ,طريق الأمير سلطان ..
نفس الشارع اللي عليه أبو كمال .. لكن من جهة الغرب ..