حبيبتي الاصناف كثيرة والكل بيكتبلك وصفات بس اهم شي انتي نوعي بالاكل يعني حطي دجاج ، لحم ، لحم مفروم ، خضار
شي مقلي و شي محمر
وفي نقطة مهمه انك تختارين الاطباق اللي تدخل للفرن والاطباق اللي تطبخ عالنار لانك لو اخترتي كل شي يطبخ عالنار ( يعني عالعين) يمكن ماراح يكون عندك مكان لباقي الاطباق وهذا كله على حساب الوقت ،،،لازم تختارين اطباق تدخل للفرن واطباق عالنار وبكذا تكسبي وقت *****الله ،،،
حتى الحلا اختاري شي يقعد بالثلاجة يوم كامل او حتى يومين مايخرب ( زي التشيز كيك و التيراميسو وقدرة قادر،،،،) كل هالاشياء ما تنجح الا اذا طولت بالثلاجة وتماسكت يعني تسوينها قبل يوم العزيمة
كمان العصيرات تبدين فيها من بدري وتحطينها بالثلاجة من بدري (يعني من الظهر تقريبا ،،ماراح يضرها)
اما الصواني ( زي المسقعة ،اللزانيا، المكرونه الباشاميل ، ،،،،الخ)جهزيها من بدري (العصر مثلا ) بس لاتدخلينها للفرن دخليها للثلاجة واذا جا المغرب او عالعشا حطيها بالفرن ما تاخذ اكثر من ٤٠ الى ٥٠ دقيقة وطبعا حسب حجمها ونوع الطبق مثلا اذا كان لحمة بياخذ وقت اطول فحطيه من بدري
والسلطات سويها من بدري قطعي الخضرة ونظفيها وحطيها بزبدية بغطاء وبالثلاجة بس لاتخلطينها مع بعض انتبهي خاصة اذا فيها شي ينزل مويه مثل الطماط وغيره ولا تحطين الصوص فوقها الا قبل التقديم بشوي لانه ممكن يفسد الخضار ويلينها بس جهزي الصوص حقها وخليه بالثلاجة من بدري
وممكن تسوي شوربة ((ونفس الشي ممكن تسوينها من العصر)) مثلا وتسخنيها قبل التقديم
لاتنسي تحظرين السفرة من بدري ( من الظهر) وتحطين فيها الصحون والملاعق والكاسات وووووو
يبقى الشي اللي لازم تسوينه بوقته وهو المقالي مثلا ( كبة ، بطاطس،،،الخ)
وكمان الفواكه خاصة اذا كانت مقطعة على شكل سلطة لازم تسوينها بوقتها
اما لو كانت مو مقطعة فيكفي انك تغسلينها وتحطينها بطبق التقديم وتخلينها عالسفرة من بدري
ولا تنسين تقرين الاذكار وتكثرين من الاستغفار والله يعينك ان شاءالله
بس ترا ما اعرف انزل روابط اسفه،،، لكن انتي خذي اسم الوصفه واكتبيها بقوقل وعلطووول تطلع لك
اطباق من بنات حوا و مني :
صينية الدجاج بكرات البطاطس المحشية بالجبنة ،،،ما ادري لمين؟؟
صينية الدجاج بالزيتون للاخت العنود
المسقعة اكيد تعرفيها بس انا اضيف لها حمص تطلع واااووو
مدفونة لوتس روووعة
مقلوبة المكرونه هذي دمااااار
الارز مع الدجاجة المحشية بالمكرونة وهذي ياطويلة العمر طريقتي : تنقعين رز (انا استخدم باب الهند)) وتتبلين دجاجة بالمقادير التاليه:
ليمون ، ثوم مهروس كزبرة ناشفة او طازجة، البهارات اللي موجودة عندك يعني( بزار) وزنجبيل بودرة وشوي هيل وفلفل احمر بابريكا وصلصة طماطم وزبادي وصويا صوص وهي اهم شي ودبس الرمان وزيت زيتون وملعقة سكر او اعسل لا تستغربين يالغلا
طبعا انا احط بالنظر ما عندي مقادير المهم تخلطينهم كلهم وتدعكين الدجاجة بالملح والفلفل الاسود ثم تتبلينها بالخلطه من برا وجوا وتحت الجلد
وخليها اقل شي بالثلاجة ساعتين ولو من الليل يكون افضل ،،طبها الطعم بيكون زي الباربيكيو
بعدين اسلقي مكرونة وصفيها بعدين احشي الدجاجة بالمكرونة وممكن تحطي خضار مقطع صغار معها وشوي بهار بتطلع شي،،،
ثم خيطيها وحطيها بكيس الشوي او بقصدير بس بالكيس تطلع طرية وسريعة وانا مرات اقطع خضار قطع كبار (بطاطس ،كوسى وقرع،،،) واحطه بالكيس مع الدجاجة بس ابهرهم قبل بملح وفلفل اسود
وطبعا سوي الرز زي ماتسويه عادي ممكن تحطي زعفران او تبخريه
وعند التقديم حطي الدجاجة عالرز ولاتنسي تحطي المرق اللي نزل من الدجاجة تراه مررررررة لذيذ بالعافيه
وتذكرت لعد طبق الدجاج باللوز للاخت ام ياسمينه
وفطاير وكبة وورق عنب وهذي سهله كلها
العصيرات: ليمون بالنعناع ، مشكل كوكتيل ، بيناكولادا ،سعودي شمبان
حبيبتي الاصناف كثيرة والكل بيكتبلك وصفات بس اهم شي انتي نوعي بالاكل يعني حطي دجاج ، لحم ، لحم مفروم ، خضار
شي مقلي و شي محمر
وفي نقطة مهمه انك تختارين الاطباق اللي تدخل للفرن والاطباق اللي تطبخ عالنار لانك لو اخترتي كل شي يطبخ عالنار ( يعني عالعين) يمكن ماراح يكون عندك مكان لباقي الاطباق وهذا كله على حساب الوقت ،،،لازم تختارين اطباق تدخل للفرن واطباق عالنار وبكذا تكسبي وقت *****الله ،،،
حتى الحلا اختاري شي يقعد بالثلاجة يوم كامل او حتى يومين مايخرب ( زي التشيز كيك و التيراميسو وقدرة قادر،،،،) كل هالاشياء ما تنجح الا اذا طولت بالثلاجة وتماسكت يعني تسوينها قبل يوم العزيمة
كمان العصيرات تبدين فيها من بدري وتحطينها بالثلاجة من بدري (يعني من الظهر تقريبا ،،ماراح يضرها)
اما الصواني ( زي المسقعة ،اللزانيا، المكرونه الباشاميل ، ،،،،الخ)جهزيها من بدري (العصر مثلا ) بس لاتدخلينها للفرن دخليها للثلاجة واذا جا المغرب او عالعشا حطيها بالفرن ما تاخذ اكثر من ٤٠ الى ٥٠ دقيقة وطبعا حسب حجمها ونوع الطبق مثلا اذا كان لحمة بياخذ وقت اطول فحطيه من بدري
والسلطات سويها من بدري قطعي الخضرة ونظفيها وحطيها بزبدية بغطاء وبالثلاجة بس لاتخلطينها مع بعض انتبهي خاصة اذا فيها شي ينزل مويه مثل الطماط وغيره ولا تحطين الصوص فوقها الا قبل التقديم بشوي لانه ممكن يفسد الخضار ويلينها بس جهزي الصوص حقها وخليه بالثلاجة من بدري
وممكن تسوي شوربة ((ونفس الشي ممكن تسوينها من العصر)) مثلا وتسخنيها قبل التقديم
لاتنسي تحظرين السفرة من بدري ( من الظهر) وتحطين فيها الصحون والملاعق والكاسات وووووو
يبقى الشي اللي لازم تسوينه بوقته وهو المقالي مثلا ( كبة ، بطاطس،،،الخ)
وكمان الفواكه خاصة اذا كانت مقطعة على شكل سلطة لازم تسوينها بوقتها
اما لو كانت مو مقطعة فيكفي انك تغسلينها وتحطينها بطبق التقديم وتخلينها عالسفرة من بدري
ولا تنسين تقرين الاذكار وتكثرين من الاستغفار والله يعينك ان شاءالله