تعالوااا عطوني حل

مالي خلق مقدمات




زوجي له تقريبآ أسبوع وهو زعلان

بداية زعله كان مكتأب ولايعطيني وجه واللي يشوفه يقول مصيبة نازلة على راسه

لدرجة اني ماصبرت وسألته صاير لأهلك شي ؟

لأني كنت مطنشته لأني عارفه الأسباب تااافهه

منها اني مره كنت جووووعانه وجبت لي بسكوت وجلست عنده اخذت لي شوي منه وعطيته علشان ياكل ويرجعه يوم التفت لقيته خلص عليه :p قلت له الحين ميته من الجوع وتاكل بسكوتي قال محد قالك تعطيني اياه قلت والله انك مالك خوي بالأكل .. عاد مزحت عليه وقلتله وكنت مسويه زنجبيل مني بمعطيتك من الزنجبيل اللي سويته واخذت الترمس وحطيته من جنبي الثاني وانا اضحك
بعدين بروح اسوي لي سندويش بالجبن(لأنه يحب الجبن) وماني بمعطيتك قال افااا وماادري ايش المهم مالكم بالطويلة سويت لي وسفهته ماعطيته ودخلت اتروش حسيت انه شوي جوه خرب بس يحاول يغطي لأنه يدري بسخافة الموقف (( على فكرة انا قاصدة اسوي هالحركة ابيه يتعود مايزعل من اي شي لأني قبل ارحمه واعطيه )) فلما طلعت من الحمام وانتم بكرامة لقيته قاعد يسوي له ساندويش انا هنا عرفت انه زعل وبيتعلث اني دخلت اتروش وماسويت له عشاء

أساسا هو كان يشرب شاهي ولاجاب طاري العشاء .. يعني ابدا ماطرى العشاء ولالمح لي يوم سويتلي
وكنت قبل مايجي البيت بدخل الحمام وبيدي أغراضي بس اجلت التروش علشان اسويله زنجبيل

من هالسالفة بدى زعله ولأني طنشته وماسويتله سالفة بدى على اي كلمة اقولها يقلب كلامي ويخليني مخطيه وانا ماقصدت أبدآ

يعني مثلا قطعة الإنترنت تبعنا كنت لابسة عبايتي بروح لأهلي قال بآخذ القطعه بعطيه أخوي يجربه اسكت انا شوي بعدين قلت ليتك تعطيه اياه اربعاء والا خميس لأني ماانام الا الفجر ولاعندي حاجة

وهو ينام بدري علشان الدوام أما آخر الأسبوع بيجلس معي


حطه بباله وقالي قبل يومين انتي قلتي لا لاتعطيه اخوك ومدر ي ايش وتأليف الا مالا نهاية على فكرة تراه عطى القطعة أخوه :eek:


يعني خلاصة كلامي وشلون اخليه يترك الزعل على أسباب تافهه بصراحة هذا دلع


حتى زوجة أخوه تقول رجلي دلوع خخخخخخ وقالت لي موقف قلت بنفسي سبحان الله نفس اللي عندي

الظاهر التربية لها دور كبير وتعامل أهلهم معهم


صح بالنسبة للمصارحة ماتنفع أبدن أبدن يعني لاتقولين تفاهمي معه الأستاذ جدآ عنيد ويظن اني بمشيه على كيفي


يالله صلاح العطا بس


والله يجزاكم الجنة ووالديكم مقدمــــآ ...