تعالواشوفو ايش سويت وانتو قولو كيف جهزتو قبل رمضان

السلام عليكم ورحمة الله وبركاته
كيفكم يابنات حواء
كل عام وانتم بخير
اكيد انكم تستعدون قبل رمضان (خصوصا اللي ما عندهم شغالات) باعادة ترتيب المطبخ وبقية البيت
واختكم الزين غالي مستانسه اليوم لاني حاسه اني انجزت شي وابيكم تشاركوني في موضوعي هذا
السالفه وما فيها اني كنت شايله هم تجهيز البيت قبل رمضان
والحمدلله بديت بالشغل اليوم الصبح بعد دوام العيال لمدارسهم او عمل قمت فيه
1-تنظيف الثلاجه واعادة ترتيبها وترتيب اغراض رمضان فيها(وحده مستعجله)
2-تنظيف دواليب (الخزائن) المطبخ وغسل الاواني اللي بداخلها مع التلميع واعادة ترتيبها بشكل جميل وعملي بحيث تكون اماكن البهارات والزيت والسكر والشاى قريبه من الفرن
3-تنظيف شبابيك مجلس الرجال (كنس وتمسيح)
(هذا ما قمت به اليوم وغيرها من الاعمال اليوميه مثل الطبخ والكنس والغسل ومساعدة العيال بالواجب بس اكثر شي ساعدني هو غياب ابو العيال عن البيت النهار كله )
طولوا بالكم هذي قصت حياتي
وباقي ناويه اغير اثاث غرفه الجلوس انشا الله لانها عدمانه ..
وانشاء يجي رمضان ونتفرغ للعباده
ونسأل الله انه يعينناعلى ذكره وشكره وحسن عبادته
يالله همتكم كل وحده تقول ايش سوت هي ؟؟؟؟؟؟؟؟