السلام عليكم ورحمة الله وبركاته
أولاً أشكر كل وحده شجعتني بردها أو شكرها أو حتى زيارتها لموضوعي
مب مطوله عليكم بمقدماتي بخوش في الموضوع دوغري
طبعا ً أنا عندي بواقي من الدجاج تبقى من الغداء أو السحور في رمضان وحرام أكبها
وخاصة بعضها ماحد لمسه
قمت قطعته صغار وشلت جلوده وعظامته وحطيت في كيس لحين الإستخدام وومكن لو ماتكوني حتستخدميه
تحطيه في الفريزر لحد ماتحتاجيه
هذي صورته
ثم حطيته في الفرامه مع فلفل بارد أحمر
تقريباً طلع معي 3 أكواب
ضعي عليه :
علبة جبن تشيدر مبشور ناعم
4 ملاعق جبن سايل كرافت
بقدونس مفروم
باربيكا
كزبره مطحونه جافة
ملح
فلفل أسود
ثوم بودره
واعجنيها مع بعض وكوريها ثم اغمسيها في بيض وبقسماط
ثم اقليها في الزيت
طريقة البقساط .. ( ممكن تسوينها أو تاخذين البقسماط الجاهز )
بواقي توست دهنت سطحها بالزيت باستخدام فرشاة البيض وحمصتها في الفرن
ثم اطحنيها في الفرامه
خذي كاس منها مع نص كاس دقيق
وحطي عليه ملح وفلفل أسود وثوم بودره وكركم وباربيكا
( ممكن تستخدميها غلير الكفته زي البروستيد ولفائف الدجاج وومكن تضيفي عليها كرون فليكس مجروش للبروستيد)
هذي الصورة النهائيه وأحلى سحور وأنتي مارميتي النعمه
اللهم أحفظ هذه النعمه من الزوال
على فكرة ممكن تسويها بدجاج مسلوق من غير بواقي للي تقول ماعندي بواقي دجاج
ألقاكم على خير إن شاء الله