السلام عليكم أخواتي الحوائيات الغاليات
أول شي هذي وردة لكل واحدة تخش الموضوع
وبعدين أخلصي وش عندك
لحظة شوي ألبس سترة واقية من الرصاص
الموضوع يا طويلات الأعمار المجلس العام وما أدراك مالمجلس العام (صار مقلط ما عاد مجلس)
كل شي فيه (ديني دنيوي إقتصادي سياسي أسري إجتماعي إلكتروني صور مقاطع شكاوي ....الخ إلخ)
أدري بتقولون عشان كذا سموه المجلس العام بس مو لهذي الدرجة
والي زاد الطين بلة إنه أحيانا ألاقي فالصفحة الواحدة أكثر من أربع مواضيع كلها تخص شي واحد
طيب أنا مثلاَ عضوة أحب آخذ أخباري
من المجلس العام لعالم حواء أدخل الصفحة إلا كل العناوين
1_المراعي ترفع السعر
2_المراعي تخسر
3_المراعي لاتراعي
4_المراعي تنتحروهكذا ........
( مع إحترامي لكل الأخوات الي نزلوا مواضيع عن المراعي وربي أنا ما قصدي شي بس جبتها كمثال
ومن ذلك مغتصب القاصرات وقاتلة الطفل أحمد وغيرها من المواضيع )
يعني الي أشوفه إن موضوع واحد يكفي لتبادل وجهات النظر عن نفس الموضوع أو لتحديث نفس الخبر
هذي وجهة نظري
الي تشوفني على صواب توافقني
والي تشوفني على خطأ تختلف معي بإحترام
وللجميع باقة من الورد