تعالوا أرجوكم

السلام عليكم ورحمة الله و بركاته

انا كنت كاتبه من مده عن خالتي وأمي وحالتهم الصعبة بعد ما فقدوا خالتي بموتها فجأة عسى الله يرحمها و يغفر لها ، والحين حبيت اطمنكم ان أمي و خالتي بخير الحمد الله و نفسيتهم تحسنت بس بين وقت والثاني يتذكرونها ويحزنون

والحمد الله علي كل حال


الحين انا بكتب مشكلة خاصة فيني ومالها علاقة بفقد خالتي

انا يا محفوظين السلامه عندي هواية مميزة وبلا فخر مافي مثل هوايتي في الكويت كلها هذا على كلام الناس المسوؤلين بتبني الكويتيين اصحاب المشاريع

اصلا كنت أمارسها كهواية خاصه فيني لكن بعد ما عرفوا المسؤولين أهني بالكويت عن هوايتي اتصلوا فيني و شجعوني وساعدوني استخرج رخصة علشان أمارسها بشكل قانوني

والله يا بنات انا تشجعت بس يجيني خوف ومرات اتحسف أني عطيتهم مجال يعرفوني ويعرفون هوايتي وتحوشني ضيقة وأتعوذ من الشيطان ومرات احس أني تخنقني العبرة وودي ابجي



بعدين اقعد أقارن بالخطبات اللي انخطبت فيها وفشلت ، بنات انا وايد انخطبت بس فجأة كل شي يعتفس وما تتم الملكة ، لا تقولون سحر او عين لا انا مافيني الا العافيه

يعني لا تحطون في بالكم أني ميته علي الزواج بالعكس عادي عندي بس ليش يصير معاي جذي ، انا ليش حظي جذي

استغفر الله انا ما اعترض علي حكم الله بس ودي اعرف يعني هل العيب فيني ولا شسالفه؟ هل انا غثيثة والناس ما تحبني !! او شنو الموضوع بالضبط ماني فاهمه

في شي ثاني ، انا ابتعدت عن صديقاتي والسبب أني احس انهم ينزلون من قدراتي يعني يحبطوني اذا عزمت واقدمت علي خطوة ابي اسويها دائماً ، صح انا ما قطعتهم بالمره بس يعني اوجبهم بالمناسبات فقط

بنات أرجوكم انا مابي وحدة تدخل علي و تغثني بكلام انا بس ودي اعرف اشلون اقدر ارفع من معنوياتي بعد التوكل علي الله والصلاة و الدعاء


واللي مروا بنفس حالتي اشلون قدروا يتغلبون علي هذا الشعور؟

ومشكورين حبايبي كلكم واحبكم حتى لو ما تحبوني