تعالوا أعلمكم وش سميت ولدي ومصيبتي بالاسم

السلام عليكن بنات عالم حواء

قبل كم شهر ازعجتكم وطلبت رايكم باسم ولدي اللي كنت توي ماجبته

لكن الحين جاء ولي العهد ماشاء الله ولله الحمد والمنة

وكنت لآخر لحظة مترددة بين (يافث-ومهند)

وآخر شي أمي نشرت خبر ولادتي واسم الولد بدون ما تسألني عشان قالت لا يتعقد الولد

واتفقت مع زوجي على الاسم

يعني في الأخير بعد حرق الأعصاب صار اسمه

مهنـــــــــــــــــــد

وكل هذا قبل لا اطلع من المستشفى لأني ولدت قيصري

المهم اللي مفرح قلبي الحين ان زوجي متضايق

تعرفون ليش؟؟؟؟؟؟؟؟؟؟؟؟؟؟؟؟


لأن كل ما يتصل واحد يبارك له يقول السؤال الحلو هذا


تبون تعرفون؟

















سؤال بديهي جداً


















سميت الولد على مهند اللي بالمسلسل التركي؟؟؟:42::42: حتى الرجاجيل الشيبان كلن سمع عن مهند لا حول ولا قوة الا بالله




وزوجي من يومها صار كل ما دخل البيت وشاف مهند على التلفزيون يتف على الشاشة ويسب فيه وفي الأغبياء اللي يتابعونه وأنا منهم:42:

يستاهل:hahaha: المصيبة كل ما وحدة باركت لي أول شي تقوله

أكيد على مهند اللي بالمسلسل؟

والله لا أحد يتوقع اني بتنازل وسمي على اسم بطل مسلسل

اصحوا ياذا الاوادم 800 طفل في السعودية تسموا باسم أبطال المسلسلات التركية

والأدهى والأمر 200 فتاة سعودية حولن اسمائهن إلى لميس بطلة مسلسل سنوات الضياع والله حنا اللي ضايعين

لا حول ولا قوة إلا بالله

ترى هذه المعلومات من قناة العربية قايلينها في الأخبار والله فضيحتنا
بيقولون عقولنا فاضية وهي الصراحة شكلها كذا


والسلام عليكن والله يثبت العقل والدين