تعالوا أقرو قصتي... الحمدلله على كل حال

بصراحة مدري من وين أبدي أنا أحس بالغربة رغم إني في وطني بتقولون شلون ....؟

أنا قاعدة بشقتي بروحي ليما ألحين ما جبت مشكلتي زوجي مرات يصادفة دوامين يعني الصبح والليل فأقعد بروحي لا ونيس ولا شي هو ماقصر قال بيوديني عند خواتي لأن أمي متوفية بس دقيت عليهم مالقيت أحد في البيت فإظطريت أقعد ... وكنت بنزل عند أم زوجي تحت بعد طالعة هي وبنتها وديما يصادفني هذا الموقف وحنا ماعندنا أهل كثير علشان أزورهم حتى رفيقات ما عندي إلا وحدة ونادرا ما ألقها فاضية ... وزهقت من ترتيب شقتي ةمليت من القراءة ما أدري شسوي ودي يكون عندي صديقات بس سبحان الله أحس الناس تهرب مني بتقولون ليش .؟ أنا وحدة قليلة كلام ومرات أصلا ماعرف أكون سالفة وإذا تكلمت ماني فالحة إلا بلأخبار المأساوية مات فلان وأحترقت فلانة ودي أغير طبعي ودي أجذب الناس بس ما أقدر أقرو هذا المواقف قولوا أنا شنو غلطت فية..........

عندي رفيقة من أيام الثانوية والكلية وحتى في الشغل صرنا مع بعض بس بعدين أنا نقلت مكان ثاني يوم زواجها أهديتها ويوم ولدت رحت زرتها وأهديتها وسافرت مع أمها علاج زرتها في شقتها مع الحلويات والقهوة طبعا ....
شوفو المقابل ...يوم عرسي جت ورقصت بس ما أهدتني وكانت دق علي تقول أنها بتهديني بس ماجت أنا ألحين لي سنتين متزوجة والسنة هذي رحت الحج ولاجت تحمدلي بالسلامة

الموقف الثاني كان عندي رفيقة من أيام الكلية واستمرت علاقتنا بالتلفون بعد الكلية لمدة ثلاث سنين وهي تزوجت بس ما قدرت أروح عرسها بس كلمتها ثاني أيام العرس أبارك لها ..
تقريبا أنا تزوجت بعدها بثلاث سنين طبعا علاقتنا ما نقطعت وكنت كل أكلمها إذا مو مرتين باليوم يمكن خمس مرات
تصدقون يوم تزوجت أقطعت العلاقة فيني ولا باركتلي حتى وليما ألحين ما عرف السبب بتقولون دقي عليها ما قدرت أدق لأنها لو تحبلي الخير ما قطعت فيني

الموقف الثالث كنت متعرفة على بنت في الدوام حبيتها وحبتني وقمت أكلمها بين فترة والثانية ولما كانت تبي تتزوج فرحتلها حيل وقلت راح أسويلها مفاجئة وزرتها في بيتها قبل العرس وشريتلها هدية غالية وأهديتها واعتذرت منها إني ما أحضر أعراس
المقابل ...... يوم وفاة أمي ما عزتني ودقت علي تقريبا بعد أسبوع ويوم عرسي ماجت ولاباركتلي ولا أهدتني
وحتى لما جيت من الحج مادقت علي هي تدق بس لما تكون محتاجة شي

وتعرفت على بنات معاي بالدوام حلوين وسولفهم حلوة يعني تقريبا معاهم لي ثلاث سنين بس صدقون كلش مايدقون علي ولا يسألون عني مع إني أحاول بين فترة والثانية أدق عليهم بس كلش ماأطري على بالهم
و**** ما أدري العيب فيني ولا في الناس يارب ترزقني الضنا إلي يسليني وما حتاج أحد
نسيت أقول أنا كنت أنزل على أغم زوجي الصبح أتسلى معها مدام زوجي بالدوام تدرون حتى هي طفشت مني هاهاهاهاها أقولكم ليش حماتي جابت ولد وخلتة عند خالتي وهذا أول حفيد وهي أظاهر خايفة علية من عيني وكل ما أنزل عليها كأن نازل عليها عزرائيل وتنادي بنتها الثانية علشان تحطة بالغرفة وما أشوفة ومرة لا طنشت فيني وقعدت معاه بالغرفة وانا قعدت بالصالة بروحيليما زهقت من القعدة وصعدت شقتي وانا ما أنزل كل يوم علشان ما تمل مني يعني يوم أنزل ويومين لا يعني وهكذا بس بعد الموقف إلي سوتة ما قمت أنزل الصبح وحتى هي لو تبيني أنزل جان قالتلي مثل قبل

ما أقول بالأخير إلا الحمدلله أدري أزعجتكم بس مو أكسر الخاطر :06: