طبعا من زمان وانا ودي اكتب لكم هاذا الموضوع لكن
مشغوله والكمبيوتر ماهو ملكي ..يالله ندخل في الموضوع ..
بقلكم قصة اخت زوجي ..ويمكن ماتصدقون ..
لكنها والله انها حقيقة ..
اخت زوجي قعدت تسع سنوات ماحملت وكان الصبر
هو صاحبها حيثما ذهبت واينما كانت ..
هي انسانه عاديه ماهي ملتزمه ولا ذات علم بالعكس
ماعندها الا شهاده ثالث ابتدائي !!
لكن انسانه عجيبه.. صغيره في السن وعندها ثبات الجبال ..ماشاء الله
طبعا ماخلت مستشفى ولا علاج الا استخدمته وتعاني الالم
بسبب هاذي المستشفيات
والعلاجات ..والصبر خير رفيق ..
المهم طرقت كل الابواب ..الا باب رب العباد !!ّ
انستها الدنيا والجهل بالدين ..ولها عذر في نسيانها ..
لكن المتعلمه اش عذرها ؟؟
عموما بعد سبع سنوات من المعاناه سكنا في نفس المدينه
التي تسكن فيها وكثرت بيننا الزيارات
وكنت ارحمها واشوف شوقها العظيم للأطفال
واسمعها كيف تشتكي من الحريم الي يتطنزون عليها
وانها ماحملت وزوجها راح يتزوج ويتركها !!
كانت احيانا اذا سافر زوجها من شدة الهم تستفرغ !!
قطعت قلبي ..وخفت انها تبقى وحيده في هاذي الدنيا ..
قلت لها هل دعوتي الله انه يرزقك ..؟؟
قالت ماجربت ..تخيلوا ماتعرف ان الدعاء مستجاب
في ساعة الجمعة بعد العصر ..
المهم قلت لها هاذي ساعة الجمعه لاتفوتك ..
والاهم ركعتين في وقت السحر ..ادعي الله ان يرزقك ..
وطبعا بدأت تدعوا ..وكانت اذا باتت عندي اشوفها
وهي تصلي ركعتين في الليل وتطول في السجود ..
طبعا اراد الله ان يستجيب لها لان وعده الحق
( وقال ربكم ادعوني ........استجب لكم )
وعد من الله ان الي يدعيه يستجيب له ..
لكن تحسبون ان الاجابه بتجي في عشية او ضحاها ..
لاااااااااا ..
قعدت سنتين وهي تدعوا ولم تيأس ومرت خلال هاذي السنتين
بضروف صعبة جدا ..(ليمحص الله الذين آمنوا )
يبتليها الله ليعلم مدى صدقها في طلبها وتعلقها بالله ..
لكنها صابره وملحة على ربها ..
بعضهم تدعوا يومين او ثلاثه ثم تقنط وترجع للبشر الضعفاء
وتقول والله دعيت !!
المهم نرجع للسالفه ..
كانت اول تاخذ حبوب وابر واشياء ومانفعت ابدا
الان بعد السنتين مع الدعاء اخذت ابره منشطه
فحملت على طول ..اقسم بالله ماصدقت لاهي ولا زوجها..!!
كانت بتطير من الفرحه ..وبعدين صارت تحمل بدون أي علاجات
تدرون كم عندها الان ..؟؟
اربعه ..
ثلاثه اولاد وبنت ..قولوا ماشاء الله
يرزق من يطرق بابه ويتوكل عليه
والله في حملها الرابع انها بكت تقول مابي عيال تعبت من التربيه هههههههه
قال زوجها كيف تقولين هذا الكلام هاذي فرصة ماتعوض ان الله جعلك
تحملين بدون منشطات ولا أي ادويه ..
وصارت الحين تدور مانع عشان ترتاح شوي ..ههههههههه
الله يحفظ لها اعيالها
ويرزقنا ويرزق كل من تتنمنى الظنى