يابنات ياصبايا أنا أستغربت كثيييير من كثرة مواضيعكم هنا عن
متى يجي فارس الأحلام يطق الباب..
متى بس يجي هااااه متى
الحياة صارت مريره وماتحلا الحيــــاة إلا بوجوده>>>>هذا شعار طلع من مخي بسبب هالقسم
ترى موزيـــن أبدا أبــــدا أن عقلك أقصد تفكيرك يكون محصور على موضوع معين
تنامين وتصحين وأنتي تحلمين فيه
ريــحي نفسك شوي
خوووووذي نفس
شيلي هالموضوع من راسك
تصرفي وفكري وكأنك حصلتي على مبتغاك(الزواج والإعفاف)
أحســـــني الظن بالله
تقولين أنا محسنه الظن بالله...طيب ليش تولولين>>>>أي تشكين وتبكبكين..
وماتخلين وحده بالمنتدى إلا توشوشتي أنتي وياها عن هالمعرس
وعن جيته اللي طولت
وصدرك دايم ضايق..تنتظرين هاللي بيريحك ويوسع صديرك..
(أنا عند ظن عبدي بي)>>>>أكتبيها بالقوقل وأقري أيش المكتوب عنها...
وقد ورد عن "عبد الله بن مسعود" ـ رضي الله عنه وأرضاه قوله: "والله الذي لا إله غيره لا يُحسِن أحد الظن بالله إلا أعطاه الله ظنه وذلك أن الخير كله بيده".
وكلي أمووورك كلها ومن ضمنها زواجك على ربــــــك العلي العظيم ..القادر...الكبير ..المتعال
سبحانه لايعجزه شئ في الأرض ولا في السماء..وهوالسميع العليـــــم...
هوأرحم بك من أمك وأبيك..
يعني أمي ماتبيني أتزوج
ماتبي الله يرزقني بالزوج الصالح والذريه الصالحه
أكيد أمي تحبني وترحمني
طيب ربك أرحم بك
يعني نامي قريرة العين
يقول عمر بن الخطاب رضي الله عنه إنه سمع رسول الله ( صلى الله عليه وسلم ) يقول: (( لو أنكم تتوكلون على الله حق توكله لرزقكم كما يرزق الطير تغدو خماصا وتروح بطانا )) رواه الترمذي 2344 والنسائي وبن ماجة 4164 من حديث ابن هبيرة وقال الترمذي: حسن صحيح.
تذهب في أول النهار جااااااااائعه ليس في بطونها شئ لكنها متوكله على ربها عزوجل
وترجع في آخر النهار ممتلئة البطون من رزق الله..
توكلي على الله حق توكله
تعلمي كيف تتوكلين ..وتروضين نفسك على التوكل..
أدعي دائما" في سجودك اللهم أني أسألك صدق التوكل عليك اللهم أجعلني ممن توكل عليك فكفيته..
أيه نعم مو كل الدعاء وأوقات أستجابة الدعاء تتركينه لزواج..لاااااا أختي فيه أشياء أهم وممكن هالأشياء هي اللي تجذب لك رزقك وتجيبه لك..
أشغلي نفسك بعلاقتك مع ربك
لاتقولين بسوي كذا عشان أتزوج..لااااا
قوي أيمانك...صدقيني إذا أتجهتي لتعلم الدين أكثر أوقرائة الأحاديث بتتغير فيك أشياء كثيرة
تفكيرك بيتغير...بتحسين بلذة الإيمان...بتحسين براحه..ومستحيل تكتبين كلمة وتتحسرين على تأخر زواجك
أبدا ماراح تفكرين بكذا....بتكونين رااااضيه عن كل شئ أنتي فيه..وسعيده..مبسوطه..ومرتاحه
بدال ماتدخلين دايركت على قسم المطلقات أكتبي في القوقل عن أي حديث أي دعاء أي ذكر
ماتدرين يمكن تكون عدة كلمات تقلب حياتك 180 درجة
أدخلي أقسام مجالس الإيمان...أحفظي قرآن..لو آيتين كل يوم....لونص وجه كل يوم...
مثل ماقلت لك أخلصي عملك لله>>>>برضو أقرأي عن الإخلاص
أكثري من الإستغفار
وأذكار مابعد الصلاة
وأذكار الصباح والمساء
والذكر عند النوم وعند الإستيقاظ
لاتنسين دعاء الهم والحزن والكرب في الصباح والمساء
اللهم لك الحمد كماينبغي لجلال وجهك وعظيم سلطانك 3مرات بعد كل فرض>>>شكر لله حتى يزيد من نعمه عليك
أقري سورة البقرة دااائما يمكن فيك نفس(حسد) أوأي عقدة وتنحل بإذن الله..
وأستشعري أنك بكل حرف لك أجر عند الله..
تعلمي للأدعيه الكثيرة اللتي من دعى بها أستجيب له بإذن الله..
أنا بعد طلاقي الأول جلست أتخبط
يمين يسار..تعرفون الطلاق وآلمه ومعاناته...
يوووووه بس أفكر متى الله يرزقني وأطلع من هالهم
ومالقيت غير التفكير ووجع الراس
ولكن لما تعلمت كل هالأشياء الجميله
وتعلمت كيف أحسن الظن بالله
والله يابنات أني في الجامعه كان عندنا يوم مفتوح وفيه زاوية لبيع الكتب
رحت مع صديقاتي وأتصفح الكتب وشفت كتاب تحفة العروس وواحد ثاني عن الزواج وشريتهم
وعندي أحسااااااس أني بتزوج..لاموبس أحساس إلا قلت في نفسي بشريهم لأني بتزوج قريب
حتى صديقاتي شكوا أني مخطوبه ولاقلت لهم
وماكملت أسبوعين إلا وأنا متملكه وزواجي بعد الإختبارات على طووول...
لكن ماقدر الله نتفق ونتفاهم وحصل الطلاق...
وقبل طلاقي بفترة طويله كنت معلقه عند أهلي
وحزينه وأبكي وموتني التفكير
بعدين قلت الهمه يابنت..وش بينفعك فيه التفكير وهالحوسه اللي أنتي فيها..
وألجأ لربي....وأصرف مبلغ ريالات....وأحط عندي صندوق..كل يووم أتصدق بريال
وصرفت تفكيري عن مشكلتي ولاأذكرها إلا بالدعاء ومبسوطه وآكل وأسولف وأنام كويس وكأن مشكلتي أنتهت
وبعد أسبوع رأيت رؤيا
أني ولدت...والرؤيا الثانيه عن زوجة أخوي (كانت حامل في الشهر الرابع)
فكان تفسير الرؤيا الأولى هم ينزاح
والرؤيا الثانيه..رجل صالح يتقدم لخطبتي بعد أربع شهور..>>>>هنا عرفت أني بتطلق وأتخلص منه في هذا الشهر ومع العدة 3 شهور وبعدها بنخطب..
وفعلا الله يسر أمر طلاقي>>>>كنت أدعي ربي أن يفرج همي بالطلاق أوبالرجعه وأن يختار لي الخير
سبحان الله طلاقي الأول والثاني خيرا لي
بعد ماتطلقت من الأول جاتهم أشياء حمدت ربي أني تطلقت منه ولاأستمريت معه
وهوتزوج وحده بعدي وعنده مشاكل بالإنجاب ومعيش زوجته بهم وغم
الثاني تطلقت منه وفعلا مايستحق أن الوحده تصبر عليه
وبرضو عنده مشاكل بالإنجاب>>>>>ولوأكتب لكم قصة طلاقي تقولون آااااااااااااااه ياصبرك ماشاء الله عليك
المهم نرجع لحديثنا
تطلقت من الثاني وأشغلت نفسي بطاعة ربي وبر والدي وأذكاري والإستغفار وتفكيري أيجابي والله حتى ماأدخل أقسام الطلاق
وأهتم بنفسي لدرجة أني أذا حطيت كريم على جسمي أقول في نفسي بهتم لأني باخذ واحد يستاهل أني أهتم عشانه موعشان نفسي..
ومره قريت هذا الحديث والله أني احاول أتذكر وين قريته ونسيت ماأدري بكتاب أوبالنت المهم هو:
أن النبي صلى الله عليه وسلم قال من تعار من الليل فقال لا إله إلا الله وحده لا شريك له له الملك وله الحمد وهو على كل شيء قدير الحمد لله وسبحان الله ولا إله إلا الله والله أكبر ولا حول ولا قوة إلا بالله ثم قال اللهم اغفر لي أو دعا استجيب له فإن توضأ وصلى قبلت صلاته ...
(تعار يعني أستيقظ)
وقريته مره وحده وقلت بنفسي أن شاء الله إذا كتب الله بليلة صحيت بقوله وأدعي ربي يغفرلي وأدعي بكل شئ أتمناه..
مرت ليله أوليلتين..وفجأة صحيت في الليل مع أني مومتعوده أصحى..ونومي ثقيل يالله أصحى لصلاة الفجر
وسكرت عيوني أبي أكمل نومي وتذكرت الحديث
وحاولت أتذكره وأردد لا إله إلا الله....إلين ماقلته صحيح ودعيت بعده أن الله يغفرلي ولوالدي..و...
ثم دعيت بالزوج الصالح..
والله أدعي وأتلفت قلت لاتسمعني أختي تقول هذي وش فيها تكلم روحها بالليل..
خلصت دعائي وجيت أكمل نومتي إلا وأسمع أذان الفجر
سبحان الله اليوم الثاني جاني أثنين أقصد تقدمولي...ومتأكده بيجي غيرهم
ومتأكده أن الله بيدلني على اللي فيه الخير بإذن الله
وأن شاء الله قريب أبشركم بملكتي أو أفاجأكم بزواجي
أشياء كثيره كنت بقولها بس الظاهر نسيت..
لكن أتمنى أفدتكم ولوبالقليل
ووالله أني حتى بعد طلاقي الأول كنت أنخطب كثير بعد ماقويت علاقتي بربي وتركت التفكير بالزواج وخليت تفيري أيجابي وأحسنت ظني بالله وتوكلت عليه وتصرفت وكأني بتزوج قريب
وملاحظة قراءة سورة البقرة كل ليلة تحل العقد أقصد اللي فيها نفس أوسحر وماإلى ذلك
عشان كذا تلاحظون بعض البنات أول ماتستمر عليها تتسهل أمورها وتتزوج أوتشفى من شئ معين
ولأن بعد قراءة البقرة تدعين وبإذن الله يستجاب
أما حكم قرائتها بنية الزواج أو غيره فأتوقع حكمها بدعه..
يابنات الموضوع منقول من منتدى اخر لعضوة مااعرفها بس الله يجزاها خير
ويعلم الله اني مانقلتها الا لأني ابي لكم الخير واتمناهـ لكم مثل ما اتمناه لنفســي
وان شاء الله ربي يرزقنا جميعا بخير مما نتمنى
من مواضيـــعي :-
تعالوا أقولكم..كيف أنخطبت مره وثنتين وثلاث.... 
قصـــة فتـــاة تأخرتــ بالــزواج (أكثر من روووووعــة) وجدت دعاء عجيب في سورة البقرة تعالوا شوفوا وش التفسير تقــدمولــي 5 عــرســان والسبب....؟؟
صح كلامها عجبني كثييير
يارب تغفرلنا وترحمنا
ربي يسعدكــ...