تعالوا أقولكم اختي من شنو مــــــــــــــــاتت !! الله يرحمها يارب ..

السلام عليكم ورحمة الله وبركاته








...




موضوعي اليوم حزين خالص مالص
البسوا اسود وامنعوا مواضيع الوناسة والنكت
وسكروا قسم الترفيه
يلا اقول !!!!!!

استهبل وربي استغفرك ياالله ..
ترى ماني رايقة للمزح
تذكرت سالفة وفاة اختي وقلت غسلوا عيونكم معي :icon36:


حبوباتي كان عند اخت اكبر مني بثلاث سنوات وبيني وبينها ولد
ربي يرحمها ويجمعنا بها في الفردوس الأعلى بغير حساب



انا وياها كأننا توم
دايم مع بعض وسواليفنا وضحكاتنا ومانخبي شئ على بعض
واي خير في يدي اخبي لها منه وهي كذلك رحمها الله

فجأة في يوم من الأيام
صارت تبكي وتبكي وتبكي
:frown:
اخذها ابوي على جنب وقعد يسأل فيها وش فيك وشو تحسين فيه ؟؟
وهي بس دموعها اربع اربع تقول مدري

من هنا بدأت معنااااتها

كان مره في المدرسة مجلس امهات
وراحت امي
كلمتها مدرسة القران وقالت : بنتك صار لها فتره من يوم اقول اسمها عشان تقرا واسمع لها تنفزع وترتجف وتخاف
ويوم تقرا ماتعرف تنطق حرف الراء زين << اول كانت تنطقه عادي وكانت ممتازة مرره في القران ..

المهم هذي المعلمة كانت حبوبه مررره مع اختي
وكل سواليف اختي لي عنها
والمعلمة هذي اسمها ( لطيفه ) فعلا اسم على مسمى مع الجميع
بس حرصت على اختي بزيادة بسبب مرضها ولأن اختي كانت تنحرج يوم ثقل لسانها ..


المهم جاء يوم ومرضت علينا وكالعادة ماعرفنا وشو فيها
وداها ابوي المستشفى
واحتجزوها عندهم شهر كامل مابين العنايه المركزه تدخل منها وتعاودها

طبعا كنا لحالنا بالبيت
امي كانت مرافقه معها واكبر خواتي تصير اكبر مني بخمس سنوات

المهم المستشفى ماقدروا يعرفون وشو فيها بالضبط
بس تجيها كتمه عالصدر وانتم بكرامه تنسد شرايينها من البلغم وهم يسحبونه لها
واحيانا يسيل لعابها من فمها ماتقدر تدخله !!

باختصاار عاااانت جدا رحمها الله

جدي كان في الجنوب وهو شيخ
ارسلناها له يقرا عليها ( طبعا ماكانت تقعد مع القراءة تقوم وتبكي )
الين انتهت مدة الحجز ورجعت مره ثانيه ..

ودخلت المستشفى مرة ثانيه ونفسيتها تعبت مرره من المستشفى

قرر ابوي اننا نسافر يوم عطلت المدارس يقول يمكن تغير جو وترتاح
وهي رايحة تستلم الشهادات أأخر السنه
سلمت على كل المعلمات
ويوم رجعت البيت قعدت بغرفه لحالها وتحكي لنفسها:
تقول خسارة ماعاد ابشوف ابلا لطيفة مرة ثانيه خسارة
الا ودخلت عليها امي وسمعتها .. وهدتها شوي...


المهم بغينا نسافر
كانت تخااف مررره من الطيارة
فاشترى ابوي سياره جديده عشان نسافر فيها

السفر كان لمده 3 ايام بالسيارة لأحد البلدان العربيه

اليوم الأول استانسنا وياها
اليوم الثاني ركبنا السفينه وكانت قمه في النشاط والحيويه رحمها الله
لعبنا في السفينه وننزل من سطح السفينه ونطلع وهجينا انا وهي واخواني
قالت امي يلا يا..... كلي عشاك ونامي اخاف تتعبين من الجو

قالت طيب
اكلت وطلعت على سريرها
اما انا تضايقت توني ماطلعت طاقتي كلها وكان ودي العب اكثر
جلست اتحايل عليها نلعب آخر مرة
قالت لا لازم اسمع كلام ماما

المهم نامت

ووصلت السفينه للمرسى
طبعا ينزلون العوايل الأول واللي معهم سياراتهم قبل بقية المسافرين

جاء دورنا وينادون علينا عشان ننزل ونستلم السيارة
وهي نقومها من النوم رااافضة تقوم ومتمسكه مررره في السرير
ابوي يحاول فيها منا ولا منا وهي متمسكه بقوووه

انزلوا كل الناس اللي بالسفينه وحنا بس نحاول فيها

آخر شئ اشرت باصابعها لأبوي انه يشيلها
وشالها ابوي ونزل سوى الإجراءات وهي على كتوفه الله يحفظه وياجره ويعوضه يارب

كل من شافنا يطالعنا باستغراب
وراه شايلها وهي واضح عليها انها طيبه وكبيره

االمهم باقي يوم في السفر اللي هو بالسياره
هنا بدت تمرض وتسخن علينا
وديناها دكتور ماكو شئ
طووول الطريق نااايمه وتعبانه

سبحان الله تهنا وحنا في الطريق وما عرفنا وجهتنا بالضبط
ومع السؤال كان فيه واحد رايح نفس المكان اللي حنا رايحين له ومشينا وراه بالسيارة الله يجزاه خير

وأخيرا وصلنا قبل الفجر بشووووي
استقبلنا خالي الدكتور وكشف عليها مبدأيا
حس ان الموضوع فيه انً ،، بس ماجاب لنا طاري
لأن كانت تجيه حالات وعنده خبره ..
يحاول يأكلها يشربها وهي بس تصيييييح ياقلبي

قال ارتاحوا في البيت والصبح ناخذها المستشفى

رحنا للبيت ونزلنا من السياره ويوم دخلنا البيت نامت على أقرب كنبه
اذن الفجر وصلوا الناس
شوي الا وقالت لأمي وهي بجنبها
أبغى مويه

استانست امي اخيرا تكلمت
قالتلي ماما جيبي كاسة مويه

جبتلها نص الكاسه
ثم سندتها امي وقعدتها نص قعده وشربتها
ماشربت الا رشفه صغيرة

ثم نااااامت على طول ..

طلع النهار
تكلمها امي تاكلين ؟؟ تبين شئ ؟؟
وهي ولاحس ولاخبر

حطت امي يدها على صدرها
حطت راسها عند قلبها
تحاول تلقط نبضات قلبها
مافيه شئ سكوووووون

صاحت امي يفداها قلبي ونادت ابوي
تقوله بنتك مااااااااتت !! بنتك مااااتت
ابوي يقولها اسكتي لاتقولين كذا !! لاتخرعين البنت !! اسكتي!!

انا كنت العب وقتها
الا وجاني اخوي يقول : يقولون .... ماتت !!

طلعت منخرعه اشوف الناس رايحه وجايه
واختي نايمه
وامي تبكي
شالوها وودوها عند خالي ... << يوم شالوها كانت آخر نظره اشوفها فيها
كانت شفايفها مائلة للون البنفسجي
حولها خالي عالمستشفى ماوده يخبرنا بشئ
وقفت مكاني ابكي
واخوي اللي خبرني يبكي
وامي توها مارتاحت من السفر وتوها بعبايتها وجالسه تبكي
ياألله وقت ماأنساه

عادة هالبلد اللي ماتت اختي فيه
انه اي احد يموت يذيعون عنه في المسجد انه توفى ..

شوي واسمع : انتقلت الى رحمة الله تعالى ..... بنت ........ صباح هذا اليوم ....
:icon36:
وانا اسمع واصيييييح
معقوله هي اختي اللي يذيعون عنها
معقوله مارح تلعب معي ؟؟؟؟
:icon36:
تعبت تعبت من البكى ذاك اليوم
كنت دايم احسسها انها تتدلع علينا بس
لكن يوم سمعت اسمها ينعونه
تقطعععععععععععععععت ..

غسلتها وحده الله يجزاها خير
وراح ابوي شافها
لقى سبابتها مرفوعه بالشهاده الحمد لله

البيت كان فيه ازمه
ادخل هذي الغرفه
القى اخوي يبكي
ادخل المجلس القى ابوي يبكي
اروح غرفة النوم اشوف امي متلحفه ودموعها نشفت
:44:
ياألله لأول مرة اشوف احد متوفي
ومييييييين ؟؟ اختي وحبيبة قلبي..

الله لايحرمنا من بعض في الآخرة

قالت المغسلة كان فيه زي الكدمه زرقا مع جهة قلبها
.....



رجعنا من السفر بسيارتنا وهي موب معنا
ياربي كانت فرحانه بسيارة ابوي الجديده ماستانست فيها ..
كانت شاريتلها امي ملابس جديده
قالت لأمي ابغى اكشخ بوحده امي قالت شوفي اختك (انا يعني )
ملابسها بتحطها في الشنطة وهي جديده خليك مثلها
وعلى طول طاوعت امي
يوم امي تشوف ملابسها وتتذكر هالسالفة تبكيييييييييييي
ماقطع قلبي كثرها
تفاجئت فيها لأنها شافت رؤيا قبل لانسافر
ان فيه حريق ويهربون منه وامي خايفه عليها
تقول الين وصلوا عند جدار طويييل ثم جاء واحد من فوق وشالها
امي على بالها انقذها من المرض بس مادرت انها تودعنا
الحمد لله على كل حال ..

.....

لحد الأن ماعرفنا وشهو مرضها
لكن توقعنا انه اللي فيها كان مرض روحي
يااما حسد << وهذا متوقع لأنها كانت شاطرة وحبوبه والكل يتكلم فيها..
او مس << لأنها مرة خااافت وهي في دورة المياه وصارخت يوم كانت تتروش بسبب المويه الحارة انتفحت وطلعت بخار وخااافت حيل ..
او سحر << والله اعلم لكنه مستبعد شوي بس لأنها كانت تبكي عند اغلب آيات الرقيه ..

ومن السحر مايقتل
ومن العين ماتقتل
ومن المس مايقتل



................

احتسبناها عند الله ان يجعلها في كفالة ابراهيم عليه السلام
لأنها توفت وهي عمرها 11 سنه وماكبرت توها
بس كانت حريصة على الصلاة واذا قمنا متأخر للمدرسة وابوي ينتظرنا في السيارة
ماتطلع الا لمن تصلي
وانا كان عمري 9 سنوات
طبعا كنا في مدرسه وحده
ويوم توفت سألوني المدرسات عنها وتأثرواا حيل
......

نصيحه لكم من كل قلبي
حصنوا انفسكم واطفالكم واهلكم
الأعداء متربصين من كل جهه
( انه يراكم هو وقبيله من حيث لاترونهم )
(أكثر امتي تموت بعد قضاء الله وقدره بالعين )

فانتبهوا انتبهوا انتبهوا

دعواتكم لها بالرحمة والمغفرة
ولي بالشهادة في سبيل الله ،، شكلي انا اللي ابذبح شارون << ايه هين ياقدمك
ولجميع المسلمين بحسن الختام ...