تعالوا أقولكم الوصفات الحلوة اللي جربتها وشاركونا بتجاربكم

السلام عليكم اخواتي الغاليات
انا عايزة نعمل موضوع متكامل عن كل الوصفات اللي جربناها يعني مش عايزين حد يكتب حاجه مجربهاش
وانا هبتدي بنفسي
أولا : ده وصفة بسيطة لعمل كريم مرطب للجسم بيخلي الجسم نعومة ولا بشرة الأطفال
جيبي علبة كريم فاضية المكونات، وضعي فيها كمية من زيت الجليسرين ، وفوقها كمية من اي كريم لليدين والجسم تفضليه ثم ضعي كمية من زيت الاطفال جونسون ، اخلطي المكونات جيدا ثم ضعي كمية اخرى من الكريم . واستخدمي الخلطة ككريمك اليومي المرطب.

ثانيا : مزيل عرق طبيعى انتى هتعمليه فى البيت

المكونات
علبة كريم بشره النوع اللى تحبيه ( انا استخدمت دوف )
معلقتين شبه
ماء زهر
معلقة نشا صغيره
زيت مسك ابيض ( مسك ابيض سائل ) او أي زيت عطري تفضليه

الطريقه
اولا اخلطى معلقتين الشبه فى شوية ماء زهر وصفيها بشاشه عشان اى رواسب
وبعدين ضيفى لها النشا

ثانيا - ضعى ماء الزهر اللى عليه الشبه والنشا على الكريم واخلطيهم جيدا حتى يتجانس الخليط ا
انا ضربتهم بمضرب سلك يدوى

ثالثا - ضعى عليه المسك السائل حوالى 4 ملاعق

ثم هاتى اى زجاجة مزيل عرق بليه دواره واخلعى البليه وضعى المقدار وضعى البليه مره اخرى أو ممكن تحطي منه بايدك لو مش عندك علبة مزيل عرق
ثم ضعى العلبه فى الثلاجه لمدة 3 ايام لتثبيت الريحة

النتيجه
( بياض - رائحه جميله - عرق بدون رائحه ) والجميل انه لا يترك اثر تحت الابط وينشف سريعا

ثالثا : طريقة عمل مانكير بالحنة

نجيب كيس حنة جلوري الملونة انا استخدمت الحنة الحمراء منها اخدت منه شوية صغيرة وحطيت عليه شوية بودرة دم الغوال مع شوية ماء
وخلطهم مع بعض وبفرشة صغيرة حطيت منهم على ضوافري وسبتها تنشف وممكن تحطي كذا طبقة هتلاقي ضوافرك اتلونت احسن من المانكير ومش بيمنع الصلاة ده غيرانه بيقوي الضوافر

رابعاً : وصفة لتقشير اليد

نجيب معلقة سكر مع معلقة فازلين ونخلطهم مع بعض وندعك بيهم اليدين شوية وبعد كده نشطفهم بالماء ونحط الكريم المرطب اللي عملناه واتفرجوا على النعومة طريقة التقشير ده اعملوها مرة في الاسبوع
يالا مستنية تجاربكم قولولنا عليها