تعالوا أقولكم قصة حملي ولله الحمد

مساء الخير عليكم جميعا.....انا بقولكم قصة حملي ولله الحمد والفضل والمنه...
انا عندي بنتين الحمدلله بس المشكله عندي تكيسات وتأخرني من الحمل وماخليت علاج حتى موية البصل شربتها شهرين ﻻني قريت انها عﻻج للتكيسات ولكن للاسف ماستفدت شي....وبديت اتعالج مع الدكتوره من ثمان شهور وكان علاجي كلوميد وعلى 11 يوم من الدوره اجيها واخر دوره جيتها قالت لي مافيه تبويض تعالي الشهر الجاي. ..ورجعت البيت وسويت لي جدول بعلاج الشهر الجاي ومتى ابدأ وكم مره اخذه ولصقته على التسريحه عشان مانساه من زود حرصي على الحمل...واخر الشهر حللت وطلعت حامل الحمدلله.....
تدرون وش كنت اسوي من اخر شهرين بس..كنت اخذ جركل المويه الكبير حق البراده وافتحه واقرأ عليه سورة البقره كاملة بنية اني احمل واقفل الجركل واحطه ع البراده مرتين بس يابنات وبعدها حملت الحمدلله وانا صار لي ع العﻻج 8 اشهر ماصار حمل......
والله اني كل ماتذكرت حمدت ربي وشكرته وانه قادر على كل شي ﻻنها يوم قالت لي مافيه تبويض فثدت اﻻمل اني بحمل نفس الشهر ولكن الحمدلله مليون مره......
الله يرزقكم جميعا وادعوا لي ربي يتمم لي حملي ويرزقني بالولد الصالح المشافى المعافى....