تعالوا أقول لكم تجربتي ولاتتردون في الدخول لأن الموضوع يهم الكل والجميع..

السلام عليكم يابنات انا اليوم نزلت موضوع عن المراخات ..
واني ابغى وحده في الشمال لكن انا طابت نفسي منهم بسبب اللي صار لي مع المراخة ام بندر اللي في حي الخليج واللي صار كالتالي:

انا هذي الانسانه تعلقت فيها بشكل ماتتخيلينه وقسم بالله اني قلت انها هذي توب وسويت لها دعاية بس من مكالمة انا كلمتها وحسيت انها فاهمه وماهي مادية.
لكن قسم بالله الحين لو يعطوني وزني ذهب مارحت لها ..تخيلي دقيت عليها تو وقلت لها كم سعرك؟
قالت 200ريال .
قلت لها : 200ريال على 3 جلسات .
قالت لا: عالجلسة الوحده.
قلت :اف اف مره كثير .
قالت والله مو كثير وفيه غيري اكثر.
قلت وفيه غيرك أقل بكثيييير.
قالت : روحي لهم <----- شوفي الرد المحترم!!
قلت لا : والله الواحد يشتغل هالشغلة مو يتكسب وبس <---- وانا اقصد مو يستغل حاجة الناس له.
قالت : انت جربيني بعدين احكمي .
قلت لها : ان شالله بس لو تنقصين لي.
قالت : كم تبغين ... تبغين 100 والا 50؟ <---- وبأسلوب سخرية.
قلت لها: ايه هذي اسعار اغلب الحريم.
قالت :خلاص اسوي لك بس اي كلام مو مثل شغل اللي ب200ريال !!!!!!!!!!!!!!!!!!!
وانا انفقعت مرارتي لأنها جالسة تشتغل عالناس حسب دفعهم للفلوس مو حسب حالاتهم اللي يحتاجونها.
فقلت لها :لا انا ابغاك تعالجيني احسن علاج مو على حسب ما ادفع.
قالت : انت تروحين للدكتورات مثل نعيمة ابالخيل وتدفعين 300ريال.
قلت واروح لزينب ابوطالب وادفع 200ريال واطلع بكل نتايجي ومرتاحه ب200ريال مو 600ريال!!!!
قالت لي (وبأسلوب سخرية وكأنها تقول هالكلام للي جنبها): انت انسانه بخيلة وجالسة تضيعين وقتي !!!
قسم بالله اني تنحت وقلت لها وش قلتي ؟!!
ولاعادت الكلام .. بس قالت : خلاص انت اذا تبغين تجيني تعالي واذا ماتبغين خلاص بسلامتك.

!!!!!!!!!!!!!!!!!!!!

وياعجبي !!
والله يابنات في ذاك الوقت لو ادعي عليها انا عارفة ان ربي بيستجيب لي لكن بكتم غيضي وبكتم حسرتي وقهري واحساسي بالحاجة للناس الله لايحيجني لهم وهم جالسين يظلمونا بهالكلام .. اجل انا لما قلت لها عن الفلوس قالت لي بخيلة والله ما ابغى اقول جعلها تمر بنفس اللي امر فيه ولا ابغى اقول لها عساها تخلص فلوسها اللي جالسة تجمع فيها من جيوب الناس في علاجات لمرض يصيبها .. مارح ادعي عليها وراح اكتم غيضي واخذه في الآخرة.
وحسبي الله ونعم الوكيل ... صدق مالنا الا الله



أدعوا لي يابنات والله اني كنت مرتاحه مررررررررة واقول الحمدلله ماعاد يأثر فيني اني ماني حامل لكن سبحان الله جت هذي ونكدت علي حياتي.

(((واتمنى من المشرفات انهم مايمسحون الموضوع لأنها تجربة ولازم احنا نتنقلها ووالله ثم والله ان كل كلمة كاتبتها صدق واذا انتم ناوين تمسحون الموضوع ارجوكم امسحوا كل ردودي اللي كتبتها امدح هذي الانسانه اللي ماتستحق المدح وجالسة تعامل الناس بوجه ولما واجهتها بصراحه وبأسلوب لبق صرت انا بخيلة))).