تعالوا احكي لكم وش صار معي اليوم :(

انا عروسه صار لي 7 شهور

قبل شهر تقريبا او اكثر باسبوع اسبوعين رحت لطبيبة نساء خارج المنطقة وسويت تحاليل الهرمونات وطلعت كويسه ولله الحمد ...

كنت ناويه اسوي سونار لكن ماالله اراد ...

الآن بعد مرور هالوقت اليوم رحت وسويت سونار مهبلي ... لان اليوم وقت التبويض ( 12 يوم من الدوره )

قالت لي انتي تآخذي منشطات قلت لأ ...

قالت وحده حجمها كويس ووحده كبيره .. على حسب فهمي انها قالت فيه كيس حول البويضه ...

<< مدري هي كذا والا انا فاهمه غلط ...

المهم يابنات قالت لازم تدقين الحين ابرتين فالعضل ...اسمها كوريومون ...

وبعد خمس ايام اكل حبوب دوفاستون ...



انا خفت لعدة اسباب ...

اولا :: خفت ان الابره اتحسس منها ...

ثانيا :: احس انها مافهمتني بالضبط وش السالفه ... يعني احس اني خفت ولما اتصلت استفسر منها

قالت انا مقدر اقول لك حاجه اكثر من اللي قلت لك بالعياده قلت طيب راعي نفسيتي يااختي وقفلت الخط ...

:eek:

المهم يابنات رجعت البيت ابكي .. اللي يقول اخذيها واللي ييقول لا

واللي يقول روحي لغيرها ... احسن لك ..

وانا نفسيتي بالنازل ... وزوجي ماخبرته

اخاف من ردة فعله ... اعرفه فالمواقف الحساسه

:09:

يارب عافيتك والعفو ...


المهم يابنات .. دقيت لطبيبتي اللي بالرياض اسألتني اسأله قلت لها انا مدري بالضبط وش قالت لي الدكتوره

من الخرعه قالت اجل لاتاخذين الابر اخذي الحبوب من بكره ...



:(

والله احترت شسوي بعمري الحين

بصراحه طبيبات الرياض خبره اكثر .. بس روحتي لهم صعبه جدا ...


من صار له مثل وضعي ...