تعالوا اخبركم ايش قالت دكتورتي الانجليزية ....

السلام عليكم ورحمة الله وبركاته ...

حبايب قلبي 

طبعا وحدة طلبت مني أكتب اي حاجة تقولي عليها الميد وايف

انا بررررا السعودية وحاليا اراجع هنا ...
بس بإذن الله بولد في السعودية بلدي الغالي عند أهلي وعزوتي ....

المهم حبايب قلبي ...
اليوم موعدي معاها بس زيارة خاصة في بيتي ...
وزارتني واستقبلتها ...

جلست عندي وشوي كدا إلا جات مترجمة سورية عسسسسل ربي يسعدها ...

طبعا في مجال الطب لازم يجيبوا مترجم معاهم
لان المصطلحات الطبية مايعرفها الا اللي تخصصه طب
يعني مهما نعرف ..

في مصطلحات كثير في الطب بالانجلش مانعرفها....

المهم جات المترجمة وجلست تتكلم الميد وايف بعض الأشياء فهمت عليها
قالت المترجمة واااااو بتعرفي أنجلش

قولتلها لا كووووويس يابعدي انك جيتي عشان تنقذيني بعد الله ...


المهم والله طولت ع الحوامل الحلوات ...

الزبدة قالت حتعمل ليا تحليل دم عشان نطمن ع اللبيبي خاص بمتلازمة داون ..
طبعا ماعجبتني الفكرة وانا متوكلة على ربي....
وطلبت مني كمان كشف ع عقلية الجنين وعمل اختبار لعقل الجنين
برضوا ما أيدت الحمدلله إحنا مسلمين ومتوكلين على ربي في كل أمورنا....

الحديد ضروري للحامل
فيتامين دال بس نطلب من الصيدلية فيتامين دال الخاص بالحوامل

حذرتني من فيتامين a.

المهم اللحاجة المهمة سألتها متى بالضبط يبان نوع الجنين




قالت يبان نوع الجنين.....

في الإسبوع 20
العشرين ....

لان بيكون صغير ويبان ع طووووول

أما بعد كذا يكبر الجنين ومو بسهولة يبان ...

قالت إنتي اطلبي منهم في الأسبوع 20

يعملوا لك سونار ...

وسلامتكم يارب أكون أفدتكم