عطيها حلبه رووووعه وتسمن وبعد حطيلها الزبادي بالرضاعه مع العسل بتظنه حليب وتشربه وبتستفيد منه ان شاء الله لانك وضعك كذا مافيك حيل تلاحقينها عشان تاكلينها اياه

الله يقومك بالسلامه ويفتح شهيه بنتك عادي كثير مرو بهذي الحاله وانا وحده منهم والله تمر ايام على بنتي ماتاكل وهيه ترضع منى وقلت للدكتوره قالت عادي مالها نفس زي الكبار احيانا مايجي على بالهم ياكلوا خليها ووقت ماتاكليها سوي شيء حلو جديد عليها زي الكاسترد جربي البطاطس المقلي المكرونه المسلوقه بالماجي مع شويه لبن زبادي مخلوط مع مايونيز راح تحبه انشاء الله ولا تتضايقي من الوزن انا بنتي عمرها سنتين ووزنها 22 كيلو مره نحيفه بالنسبه للاطفال الي فعمرها بس اذا بنتك حالتها الصحيه جيده خلاص انشاء الله فتره وتعدي قالتهلي الدكتوره صح بنتك نحيفه بس اذاصحتها جيده لا تخافي تسمن بعدين . اتمنى اكون افدتك

اهتمي فيها اكثر

اختي اول شي ابعدي الرضاعه عنها نهائيا....البنت راح تجوع وتطلب الاكل ...راح تعبك اول ايام بعدين بتتعود....بعدين اطلبي المساعده من اي حدا قريب منك...مثلا انا ابني نفس الشي...بس كنت اوديه عند امي الله يبارك فيها ...كانت تعتني فيه اكثرمني يعقد يومين او اكثر...بس هو للحين ضعيف جدا...

أختي الغاليه تغلبي على حاله الاكتئاب اللي فيج ...
اذكري الله دايما و اقري قرآن وشلي بنتج في حضنج وحصنيها كل يوم عشان تحسين بقربج منها وبنفس الوقت هي بتحس بحبج لها ..
صبحيها بقبلاتج وحضنج ومسيها عليه ... خليها تحس فيج كأم ...
حاولي تتقربين منها أكثر .. العبي وياها .. اضحكي وياها .. استهبلي ما فيها شي .. المهم هي تستانس ..
عيل باجر بتولدين ان شاء الله بالسلامه وبتهتمين بالمولود اليديد وبتنشغلين عنها أكثر وأكثر ..
شو تبين شعورها يكون .. بالعكس بتبعد عنج أكثر .. ومع الايام ما بتهتم فيج ولا في مشاعرج ..
وصدقيني ما بتحس فيج يوم بتكبر .. بتكونين شي عادي بالنسبالها ..
فلا توصلين لهالمرحله .. ما تدرين يوم تكون عقب أحن وحده عليج و أقرب انسانه لقلبج فلا تخسرينها ..
وبخصوص الاكل .. ترى والله كلنا نعاني .. لكن تحملي عشان صحتها كل شي ...
وطبعا بما انج حامل طبيعي ما بتقدرين تركضين وراها .. وعندي لج حل ...
ييبيلها كرسي ويلسيها مجابل التلفزيون ويلسي أكليها ولا تخلينها تتحرك قبل لا تخلص أكلها كله ..
أو ممكن تيلسينها على الكمبيوتر وتشغلين أناشيد أطفال .. أنا ولدي يحب أنشوده حروف الهجاء واذا رفض الاكل أييبه واحطه على كرسي الكمبيوتر وأشغلها حقه ويندمج وياكل واذا عاند أبندها عنه وأقوله اذا تباها لازم تاكل قبل .. وياكل وهو مجبور .. ومرات أفتح حلجه بالقوه و أأكله ..

شو بنسوي نحن أمهات ولازم نتحمل علشان عيالي التعب والشقا .. وان شاء الله باجر بيكبرون وبيكونون ذخر حقنا .. عسى الله يحفظهم ويفرحنا فيهم ...