تعالوا اسمعوا قصة هذه العجوز والله تحزن

السلام عليكم ورحمة الله وبركاته
بنات انا سمعت قصه عجيبه بس تبون الصراحه ماتعجبت منها لانها منتشره وفيه ناس ماتخاف الله
هذي الله يسلمكم جارتي منومه بالمستشفى تقول جتنا حرمه تقول ياحريم من تعرف وحده اسمها أم خزنه وقصتها ان بنتها وزوجها جابوها من ديرتها ونزلوها بالمستشفى بحجة ان مستشفى ديرتها محولينها هنا ورحوا وتركوها وبنتها هي وحيدتها مالها اولاد الا هي تقول الحرمه انها حاولت بالعجوز تروح معي واحطها عند امي اكسب بها اجر واعتني بها بس العجوز رفضت قالت تعتنيبي الدوله تقول جا الاطباء ومدير المستشفى وقالو صحتها زينه قال المدير خلاص خلوها على راحتها نحطها بغرفه بالمستشفى
تقول الحرمه عطتني العجوز صرافة الضمان اسحب لها كل شهر
يابنات هذي القصه من شهر 7 والعجوز الى الان بالمستشفى
طبعا جارتي اخذت رقم الحرمه وتتصل على العجوز وتطمن عليها من فتره الا اخرى
المشكله ان العجوز ماهي راضيه تعطي احد اسم بنتها او عنوانها او حتى تقول وش قصتها طبعا هي ماهي كبيره وقادره على نفسها
معقوله الى هذا الحد وصل عقوق الوالدين نسال الله السلامه