أخت الرحال @akht_alrhal
عضوة نشيطة
تعالوا اسمعو قصة اول حفلة نجاح حضرتها
هذا يابعدات قلبي يوم الدنيا دنيا والابواب مفتوحه ماتسكر والبزورة منثورين في الشوارع طايرين يركضون كانهم في سباق الجري ورا سيارة الفليت
والبنات عند البيبان بالشوارع يسولفن ويلعبن حافيات
في ذاك الزمان جتنا بنت جيرانا عند الباب وقالت انا ابوي بيسوي لي حفلة نجاح وابغى اعزمكم قلت لهم طيب بنجي وخواتي:eek: كل وحده فاغرتن فمها على كبره ياحظها ابوها يحبها قالن ياويلك من ابوي وليش قلتي بنجي والله يذبحك قمت انا وسويت حالي عقيد الحاره وقلت ماعليكن بنروح للحفله والله دخلت على ابوي وقلت له معزومين على حفله نجاح تصدقون على طول وافق لاتلوموني لوصرت فدائيه البنت سوت لنا اغراءات المهم يوم جا العصر وهي تجينا البنت قالت بدت الحفله وحنا نجي طايرين طبعا من الشارع وكل وحده حامله معها كيلو غبار من اللعب بالشارع
دخلت لقيت صافين طراحات للضيوف جلسنا وجت اختها معها صينيه فيها اكواب الحديد القديمه وفيها شي نموت فيه هوسبب حضور الحفلة شربيت(فيمتو) قامت هي تعلن بدء الحفل وجابت سطل وقعدت تطق عليه وتغني والبنات معها واختكم بالله شاهد ماشافش حاجه ماني مركزه عيني على الصحون اللي جايبتهم اختها تدرون وش فيها((كيك العائله)ساريتا اللي اعرفه الناس كانو يغنون ومؤدبين يوم جا الكيك الله لايوريكم راعية الحفله بزاويه وسطلها اللي تطق عليه بزاويه وهجوم على الكيك نتفوه من يد البنت واستمر الهجوم الى ان وصل للمطبخ اللي البنات خابرين فيه الفيمتو اللي لقيناه منقع بسطل كله ذبان <<<وع حامت كبدي
وكل وحده تدفش الثانيه تبي تشرب من هالسطل وانتهت الحفله مع اخر قطرة ذبانه اقصد فيمتو
لكن كانت اجمل وآخر حفلة نجاح احضرها لانا رجعنا لقينا ابوي واقف بالخيزران :angry2:
70
6K
يلزم عليك تسجيل الدخول أولًا لكتابة تعليق.
أخت الرحال
•
ياحليلهن بنات جيرانا نفسي اشوفهن عقبهالعمر
الصفحة الأخيرة