تعالوا اسولوفلكم شوي

مرحباااااا حلوات
ابقولكم سالفتي انا اول عادس سمينه من ربي خلقني ومايهمني اني انحف خلاص ماعندي اي مشكله المهم جبت طفلين وبديت هاه احس على دمي شوي المهم يوم رجيم عشره خرابيط الين شفت وحده اعرفها معرفه سطحيه مسكييييييييييييييييييييينه مره سمينه متينه منفوخه تضيق الصدر اذا جت تحكي ودك بدبوس تفقعينها المهم شفتها قبل شهر وانا مالي عنها تقريبا ثلاث شهور اقسسسسسسسسسسسسسسسم بالله العظيم ان وزنها تقولين 60 او اقل جسم وبشره وجمال وثقه سالتها عسى ماشر قالت مريت بظروف وتعبت نفسيتي وصرت كذا انا عقبها انصدمت قلت هي ميب احسن مني وانا اقل منها بكثير ..........
المهم رحت لدكتوره اسمها اميمه اخصائة تغذيه في الحمادي كشفيتها 50 ريال وهي حبووووووووووووووووووووبه بمعنا الكلمه سودانيه وزنتني وخذت طولي اللي كنت اعتقد اني اطول من كذا بس الشكوى على الله
المهم عطتني رجيم السعرات بداية من 1500 سعره وبتشوفني بعد شهر وفهمتني امور واشياء ماكتن على بالي مثل ظروره التقيد بالاكل والوجبات ومابين الوجبات والبدائل واشياء كثيره وانو غلط اني احذف وجبه من عندي يعني شي انا فهمته مااعرف كيف اشرحه ........
المهم وزني الان 87 وطولي 157 وتقولي لازم توصلين بالكثير 60
المهم انا عندي سؤال انا ماابي اكل خضار مطبوخه اقدر استبدلها بنيه او احذفها ماعندي مشكله كمان ماابي لحم ودجاج ابي مرتدلا ونقانق بس بكميات معقوله ممكن او لا ؟ لاني نسيت اسالها لاني طفشت من الصدور والستيكات
والله ينحفني وينحفكم
صحيح نسيت انا عندي سير مشي امشي فيه تقريبا نصف ساعه وشريت حزام الساونا واشرب اكليل الجبل مع رجل الاسد ومراميه وشاهي اخضر بالنعناع والله كريم يارب نصير رشيقات