تعالوا اعطوني رايكم بكلام عمتي لي

الأسرة والمجتمع

السلام عليكم
اعطوني رايكم بموقف صار مع عمتي ام زوجي و بنتها وهل انا صح ولا غلط
الله يسلمكم قبل اسبوع طلبت من زوجي اروح لأهله لان ليا اكثر من اسبوعين ماشفتهم كنت اطلبه اروح معه ويطنش طبعا متعوده كل اسبوع اروح لهم مره او مرتين المهم رحنا ومن اول ماجلست حسيتهم غير العاده ماهم عطيني وجه يسولفوا مع زوجي و مرتين تسأل وابغى ارد مو عاطيتني وجه تطالع بزوجي المهم قلت بنفسي اسكتي يابنت احسن ماتنحرجي اكثر وراح زوجي وجلسنا لحالنا اسأل بنتها ابغى اسولف معها ياااااالله تجاوب وعلى قد السؤال ماتاخذ وتعطي كالعاده وعمتي ماسولفت كثير سألتني عن علامه صغيرررره بوجه ولدي قلت مدري وجا عمي سالني عنها قال ايش طايح من المشايه ولا قرصه باعوضه قلت مادري قالت عمتي لا مو قرصه باعوضه هذي فقشه يعني احد مطيحه بعد ساعتين ارسلت لزوجي اني بمشي ولا رد ودخل وسالته امه تبغى تمشوا قال لا وراح ولا
كأني ارسلت له شي المهم راحوا هي وبنتها وشوي ورجعوا تكلمنا شوي واول ما سكتنا قالت بنتها ايش فيكم بؤساء ردت عمتي على طول فلانه طاقتها عجوزها اليوم يعني مقلفه معي ومكشره قلت لا طاقتني ولا شي جلست تقول ليش مبوزه قلت مو مبوزه ولا شي عادي مافيني شي قالت الا مبوزه احنا الي نشوف وعيب وايش
جاكي منا والي يحرشك ترى ماراح ينفعك راح يخرب حياتك واحد غاصبك تجي وكلاااام رديت ماحد محرشني كل واحد وادرى بمصلحته قالتلي ترى البيووووت مليااااااانه بنااااااات قلت ايه وقامت من الغرفه واتصلت على ولدها يجي ياخذني وطيراااان جاني وقال يلا نروح السوق يستهبل يسوي نفسه اني ما ادري ان امه هي الي متصله عليه ياخذني المهم ساكتين طول الطريق واول ما وصلنا البيت سحب جوالاتي مني وطلع انا انفجرررررت ماتحملت حركته ولميت اغراضي كلها لمى رجع البيت شاف الاغراض بالغرفه وقالي على وين قلت لبيت اهلي واتصل على اخوي يجي يتفاهم وانا كنت ابغى الطلااااااق ماابغااااه من الاول ومع حركة امه خلاااااص قفلت معي اساسا ماتفرق معي لو تطلقت
وقلت لاخوي كل الي صار وطلعت نص الي بقلبي من الهم طبعا هو مسوي نفسه انه مايدري ايش صار بيني وبين امه وهو عاااارف بس ماتكلم وانا كمان كنت ادري انه عارف كل شي بس ماتكلمت لانه راح ينكر قدام اخوي
بنات احس مقهووووووره نفسي رديت على كل كلمه قالتها
لان زوجي يقول انتي تردي على امي وهذي مو اول مره تقلي كلام بس اسكت وابلعها وهم شايفين ساكته قالوا غبيه والله علشان زوجي مايزعل ومايحسبني احرش واخرب
هو مايشوف لي شي زين اسويه نسى ايام نفاسي وهو اول نفاس لي اروح لاهله وهم المفروض الي يجوني ونسي اني عزمت امه واخواته وانا نافس وتعبانه بس قلت ابيض وجهه لان اخته مو ساكنه بنفس منطقتنا ونسي اني اطلب اروح لهم كل اسبوع والله كنت
اشتاق لهم لو نطول عنهم ونسى وقت مااتصلت عليه امه تطلبه اني اجي اساعدها بيجوها ضيوف الي هم صديقاتها و هو يدري اني بروح المستشفى بس قال من عنده بدون مايسألني تجيك وهو مرجعني من الدوام قالي تروحي لامي تساعديها قلت طيب واول ما وصلت دخلت المطبخ قبل ما ابدل ملابسي اسوي حلى اخذه معي ومانمت مابغى اتأخر على بالي العصر اجيها طلع المغرب اروح
اااه بس يعني هذا جزاتي ايش مسويه لهم
زوجي لو يحترمني قدام اهله ع الاقل ويبن لهم اني اهمه ما كان يتجرأوا علي بالكلام وانا اسكت وارجع واجيهم ولا كنه صار شي بس هالمره قلتله خلااااص ما طب بيت اهلك
قهررر نفسي مره بس زوجي يحسسني انه معي مو معهم على طول
بناااات ايش اسوي معه ومعهم اخاف يسمع كلام امه وتزوجه وربي ماني مقصره اشوف غيري مايسوي من الي اسويه شي وازواجهم يحبووووهم ويدلعوهم وانا مافي ذره احترام علشان اشوف دلع
صدق الدنيا حظووووظ
والله تحسبت عليهم هذا الي طالع بيدي
20
6K

يلزم عليك تسجيل الدخول أولًا لكتابة تعليق.

تسجيل دخول

رفة عين
رفة عين
ياقلبي انتي ما انكر شي يقهررر بس والله تقدري تقلبي كل الموضوع بصالحك بس يبغالها صبر وكل لحظه تصبرينها تذكري الاجر وطنشي اهم شي انتي الحمدلله مادام مو مقصره عن زوجك بشي لاتشيلي هم ولايجي في بالك تتركي البيت اذا زعلانه منه هو يخرج هذا بيتك لاتتنازلين عنه بسهوله واذا مره قافله معاك لاتبينيله زعلك وقوليله اشتقت لاهلي وبجلس عندهم كم يوم منها انتي تريحي بالك ومنها هو يفقدك ويفقد دلعك له وعمتك وبنتها يوووه في منهم كثير ودواهم ماتخلينهم يمسكون عليك شي خذي حلا وروحيله وانتي مسطره الابتسامه بوجهك وحتى لوماسولفو معك انتي ابدي بالسوالف حاولي تهرجي بهرجه تكون من اهتماماتهم وصدقيني لازم تصير مرات حزازيات تصدقين عمتي ام زوجي الحمدلله تجنن مرره طيبه بس مرات احس احد ضاربها على راسها مدري وش يصيرلها علي والله كل بعد فتره(بالاحرى 3 ايام بالاسبوع اجيهم ومرات اجيب معاي حلا وسلفتي ماتجيهم غير بالشهر مره او مرتين وفي رمضان عملو فطور لرجال بس والله كل صواني البيت وديتها لهم كامله وهي مسويه صنف واحد ومرسله بصحن كم حبه وعلى السفره قدامي تقول ياعمري عليها الله يسعدها طيب وانا 8 صواني مي ماليه عينك و مع كذا قلت امين الله يسعدها ماقصرت بعدين بنتها حست وقالت والله حتى انتي ماقصرتي يعني بس عشانها من برا العائله زي كذ اقولك دواهم عامليهم احسن ممايعاملوك ياقلبي فكري فيها لبكرا لو تطلقتي اعوذ بالله ترى صعب تتاقلمي تعودتي على بيت لوحدك ويمكن يفكر ياخذ الولد ومعانات والله الطلاق مو سهل وابغض الحلال عند الله فكري بولدك اخوانك راح يفضونله باول اسبوع له بالمدرسه !!!! قومي صلي اخر الليل وادعي ان ربي يسخره لك سامحيني اذا طولت بردي بس عشان مصلحتك والله واعيدها مملكتك لاتتنازلين عنها ابد ابد واميرك بعد الله يسهلك امورك يارب ويهدي بالك
منجو
منجو
شوفي يا قلبي الدنيا ماتجي على كيفنا
تحتاج لصبر وتحمل .. أمه إذا جلست ترمي كلام ماله داعي إسكتي ولا ترادينها
قالت لك مبوزه فقط قولي لا والله وش دعوا ما بوزت ولا شي بالعكس مستانسه
بجيتي لكم وطوالي غيري السالفه وإدخلي بسالفه فيها فرفشه وهنا ما تحصل شي
عليك .. قالت البنات ماليات البيوت طنشي وما كنك تسمعين
هم كذا بعض الأمهات الله يهديهن ما ينفع معهن غير تسلكين لها وماتدققين
تلقين خاطرها ذاك اليوم واقف وقافله معها قامت تتفشش فيك
لذلك أفضل حل الخسررررران
ولا تكثرين الزيارات لهم أثقلي عليهم أفضل لإنه كثر الزيارات شي طبيعي
تسبب توتر بين الحريم
وماله داعي تصعدين الموقف وتحلينه بالروحه لأهلك !! تقدرين تحلين مشكلتك وأنتي فبيتك
وبدون ما تفضحين حالكم عند أهلك
أفرضي شخصيتك على زوجك و عوديه على إحترامك و تغاضي عن تصرفات أمه
ولا تذكرين مواقفها معك عنده طنششششيها وإشتغلي على نفسك و وضعك مع زوجك فقط
طيبة الحجازي
طيبة الحجازي
حبيتي لا تطلبين تروحي لأهله اذا ماجا من نفسه و قالك نروح
ليش تطيحين الميانه زود و تظغطين على روحك
وبعدين تخربين بينك وبين زوجك
و ذي امه هو قطعه مقطوعة منها ماراح يغلطها عشانك
انت تكتمين في نفسك تكتمين في نفسك أليما تنفجرين الناس ويش يدريهم بظروفك الخاصه و تضحياتك تجاههم


و العجائز يبيلهن مداره أم رجلي قالت لي ابزوج ولدي قلت لها متى نروح تخطب له بنت الحلال ، بققت عيونها. و سكتت


أنصحك ماتكبرين المواضيع و تدخلين اهلك
زوجك سححب أجهزتك خاف تدقين على اهلك
خخخخففي لهم زيارات و اذا زرتيهم رزي نفسك و لا تدخلين متاهات

و طالعي في ام زوجك العين بالعين عشان ماتقدر تجرحك ممكن انت ماتطالعين بالناس عشان كذا ماتهأبك
فتفوته ستور
فتفوته ستور
رفع
om lnoo
om lnoo
الشكوى لله بس
عندنا وعندك خير