تعالوا افيدونى واستفيدوا

يابنات انا مغتربه والوحده والملل خنقونى
بحاول استفيد من وقتى بشئ مفيد وهى القراءه
ايه رايكم اى واحده قرأت كتاب وعجبها واستفادت منه او اثر فيها تقولنا عليه
طبعا فى اى مجال سياسه مطبخ اجتماعى حتى قصه ولا كتاب نكت
انا عايزه يابنات الكتب اللى تكونى وانتى بتقريها حاسه انك عايشه تجربه ممتعه
طبعا ومن غير نقاش كتاب الله القران الكريم غنى عن التعريف والمقارنه
انا اكتر كتابين قراتهممؤخرا الصراحه
1-كتاب الدكتور محمد العريفى استمتع بحياتك
فنون التعامل مع الناس فى ظل السيره النبويه وهو كتاب جدا رائع بيربطك بسيره الحبيب صلى الله عليه وسلم بشكل جديدا وعملى يعنى تصلح حياتك فى ضوء السيره العطره
2- كتاب الرجل والمراه اسرار لم تنشر
بعد وده كتاب اكتر من رائع يابنات بيعرفنا فروق تشريحيه بين الجنسين
يعنى مثلا الرجل مراكز الكلام عنده فى الفص اعتقد الايمن فقط فى المخ بس الستات لا عندها متوزعه بين الفصين يعنى مثلا لو راجل وسيده الاثنين جتلهم مثلا جلطه فى المخ الرجل يفقد قدرته على الكلام لكن السيده تفقد نصف قدرتها فقط
وايضا ان الرجل عقله بيعمل بشكل مختلف عن عقل السيده يعنى الرجل لايستطيع ان يركز فى اكثر من عمل فى وقت واحد لكن السيده عقلها اشبه بمكتب مفتوح ادراجه كلها معا يعنى ممكن تكونى بتتكلمى فى التليفون وتاكل ابنك وتشوفى التليفزيون فقى وقت واحد لكن زوجك لو بيتفرج عللى الاخبار مش هقول مباراه مش ممكن يركز فى شئ تانى معاه
اشياء كثيره اكتشفتها من قراءه الكتاب
فياريت اللى عندها تجربه ممتعه زى تجاربى تفيدنا بيها
ولها منى دعوة ان ربنا يجزيها خير ويحقق لها ماتتمنى