تعالوا اقروا القصه هذه ،، و اعتبروا يا متزوجات .. صحيح الرجال ما لهم امان

من فتره شهر او اكثر شوي . قعدت مع وحده من البنات . هي مو صديقه لي بس كانت زميله لي في العمل . وانا ما كنت احبها وهي ما كانت تحبني !!
شلون قعدنا مع بعض وشلون فتحت لي قلبها ،، الله العالم ... :)
المهم .

البنت سولفت لي سالفه صراحه .. ما ادري شنو اقول عنها غير اني اترك لكم السالفه انتم تقرونها و تقررون .. و تشوفون الرجال و طبع الرجال !!

البنت هذه مطلقه و عندها بنت واحده . و زوجها الاولي اللي هو طليقها ما يحب بنته و لا يعبرها و لا يبيها لدرجه انها لما كانت حامل حاول انه يسقطها بان يدفعها ويطقها على ظهرها . بس عشان يسقطها !!!

تقول البنت تطلقت منه واخذت نفقتي و عدتي ومتعتي و نفقه البنت و زوجي ما حاول انه يشوف بنته او حتى يسأل عنها . ( اهي تزوجت و تطلقت و ولدت خلال سنه واحده فقط )

المهم .

تقول : تعرفت على واحد كانت له معامله عندي و انا ماشيه في معاملته ( اهوا متزوج ) من فتره طويله يمكن 10 سنوات و عنده ( 4 بنات ) و زوجته انا اعرفها ( البنت راعيه القصه )

تقول : عرفته و حبني و تعلق فيني .. وقعد يتودد لي اني اكلمه و اعرفه ( على اساس اني مطلقه ويبي يلعب علي ) تقول بس على منو ؟؟ انا ( البنت ) تميت وراه مني ليما تزوجني !!

تقول جاء بيتنا وخطبني من اهلي . واهلها رفضوا لانه متزوج وعنده 4 بنات !!!

تقول شنو سويت اخذت شنطه هدومي و اخذت بنتي ( و عندي راتبي النفقه وراتب الدوام ) و اجرت لي شقه بروحي و قعدت فيها . اخواني يجوني يتطمنون علي وانا ما اكلم اخواني مني ليما اخواني وافقوا على زواجي من الرجل هذا .. البنت شخصيتها جدا جدا قويه ( عشان جذي انا ما كنت احبها لانها جريئه كثير )

المهم ..
تقول تزوجت زوجي بس ما قلت له شي بخصوص مرته الاولى ما فتحت معاه موضوع الزوجه الأولى وبناته تقول لو ما كان متزوجني كان تزوج اي وحده ثانيه لانه ميت ميت ميت يبي ( ولد )

تقول تزوجته ودفع المهر الفلاني وحطيت عليه مؤخر ( اهوا جدا جدا مقتدر و عنده املاك و حلال )

و خليت عليه مؤخر 10 آلاف دينار كويتي ...

تقول لما تزوجنا رحنا لندن شهر عسل و خليت بنتي عند اختي الغير متزوجه تهتم فيها . كان شهر العسل مده ( اسبوعين ) تقول رجعت من لندن .
زوجي قال ابي اروح اطمئن على مرتي الاولى .. تقول احتريت طبعاً و انقهرت وما خليته يطلع من البيت الا لما ( ينام معاي ـ مع البنت ) تقول بس عشان لما يروح حق زوجته الاولى ما يسوي شي

وتقول اصلا انا كنت مخططه اني اخليه يطلقها !!! لاني ما احب احد ياخذ شي عندي ...

المهم .. تقول راح حق زوجته بالليل .. وكان معاها و الظاهر انه نام مع زوجته الاولى

لان خلال الاسابيع القادمه اكتشفت انها حامل . و بنفس الوقت اكتشفوا ان زوجته الاولى كمان حامل

صاروا الثنتين حوامل !!!

و البنت تقول .. ادعي ربي و اقول يا رب اني اجيب ولد .. و كنت حاطه ايدي على قلبي ...

بالفعل سويت التحليل وطلع اللي في بطني ولد ..
ومن يومها تغيرت معامله زوجي لي ..

صارت الاميره المتوجه !! صار كله عندي ما يروح حق الاولى ،، ولما تدق عليه زوجته ما يرد عليها
ولا يعبرها .. لدرجه بناته يدقون يبون يكلمون ابوهم ما يرد عليهم !!!

و سأل زوجته الاولى ( عن تحليلها اذا اللي في بطنها بنت او ولد ) زوجته قالت له : ما سويت السونار ما ابي اعرف الحين لما اولد .

تقول و انا ولدت قبلها .. وجبت ولي العهد ..

تقول احسن مستشفى ولدت فيها ،،، ريلي عندي من الصبح للمساء واهوا خايف على البيبي .. وخايف على الولد .
ثاني يوم .. طلعت من المستشفى رايحين البيت .. تدق عليه مرته الاولى تقول له انها في فتره الطلق و رايحه المستشفى .. و تعال وراي المستشفى ..

تقول كنا تونا داخلين البيت !! و اهوا شايل الولد بين ايده .. قام يطالع الولد .. ويطالع التلفون ( الموبايل )
وقال يعني شنو بتجيب !! بتجيب بنت مثل العاده ...

و تقول قال لي : يا الله لبسي خلينا نروح نطهر الولد ...

البنت تقول و الله اهوا مو زوجي ؟؟ بس كرهته على الحركه هذه !! و على قله اصله و على تصرفه هذا تقول صحيح اني ابيه حقي بروحي وابيه يطلق الزوجه االاولى بس ما توقعت ان الولد بيغيره للدرجه هذه !!
تقول : قلت له حرام روح حق مرتك ؟ ما يصير الحين بتولد !! عيب
رد عليها /.... بعدين تولد واروح اشوف شنو جابت

و كانت الطامه الزوجه الاولى جابت له البنت الخامسه ( صاروا 5 بنات )

اهني الزوج ما قال غير انه يبي يطلق زوجته الاولى . . صار بالاشهر ما يروح حق زوجته ولا يعبرها بس يطرش لها مصرف لها وحق البنات و بس ....

تقول زوجي صار يهتم اكثر ببنتي ويلعب معاها و يحملها ويشيلها لان البنت صغيره كانت توها سنه وشوي عمرها و صار عندها اخو .. تقول لدرجه ان بنتي تناديه ( بابا ) ومتعلقه فيه و بالبيبي الصغير
وكله تبي تنام عند البيبي !!

هذا كله خلى الرجال يموت على البنت اكثر لان حس ان البنت حيل تحب الولد ...

قالت لي ... بعدها بفتره حملت مره ثانيه ... و بالخامس او السادس سويت سونار وكان اللي في بطني ولد ثاني !!
تقول اهني زوجي تجنن ... صار ما يرفض لي طلب .. و صار مثل الياهل احركه يمين و احركه يسار !!
سفرات وطلعات و ملابس وذهب و الماس وكل شي عندي !!

بس في شي ناقصني ؟؟

لما قلت لها شنو ؟؟
خليتيه يطلق الاولى . و عطيتيه ما شاء الله ولدين مثل القمر !!

تعرفون شنو قالت ؟؟
قالت ما احس بالامان