تعالوا اقروا سواليفي

مرحبا ياحبايب
قصتي غريبه وعجيبه.أنا نفاس..ونفاسي قضيته في بيتي لان اولادي كبار وعندهم مدارس وامي مره عوده وصعبه اروح اغثها بعيالي ..قصة حياتك
المهم طول فترة نفاسي وانا ماله وطفشانه من زوجي وحاسه اني ماني طايقته ولايعه كبدي منه لدرجة اني مااجلس معاه ابدا ولااسولف طول الوقت بغرفتي انا والصغيره ..حتى القهوه والشاهي مااتقهوى معاه يعني بالعربي كااااارهته
كنت في الاول اقول يمكن عشان انا نفاس وكذا
لكن الان انا على وشك اخلص يعني بكره تمام الاربعين
ولازلت كارهته
هو طيب وحبيب لكن شوي اناني ومايهتم فيني حتى وانا بهالوضع
انا افكر اني بعد مااخلص الاربعين بعد اسبوع هيك اروح عند امي بأي حجه
افتك من وجهه اسبوع اسبوعين ...بس المشكله وش راح اقول له ..وش قول لامي..يعني اذا قالت لي ليش قاعده هالمده اكيد بتخترع علي بتخاف انو فيه شي كبير او هووشه كبيره
وتبون الصراااحه يابنات مااحسيت ابدا اني مشتاااقه لزوجي او مشتاقه اني اطلع معاه او اتزين له او اهتم بنفسي عشانه حتى مافكرت اني اغير في شكلي او اقص شعري مثلا او اشتري ملابس جديده وكذا...مااادري ليييييش
وش تنصحوووني يابنات الله لايخيب ظني فيكم