السلام عليكم ورحمة الله وبركاته
الحمدلله من قبل ومن بعد اللي قومني انا وبنتي بالسلامه هذا اول كلام ابي اقوله
ماراح اقول الكل عارف لكن البعض منكم يعرف انه هذي فرصتي الاخيره للولادة الطبيعيه لان بكري جبته قيصري
والسبب انه نزلت علي موية الراس وجاني طلق ومع الطلق بدى يضعف النبض لين وقف النبض وصفر جهاز النبض وكان
الرحم فاتح بس 4سانتي ولا نزل للحوض يعني لسى مادخلت مرحلة الولاده فودوني على العمليات
وفي حملي هذا طلبت يحاولوا معي طبيعي وكان الراس الى السابع فوق وسويت كل اللي فيدي لين قلب من مشي لحبي لسجود لدعاء وهذا اهم شي
وقلب وطرت من الفرحه وكان وضعي كله تمام ومؤهله للولاده الطبيعيه وادعي ربي من حملت بالولاده الميسره الطبيعيه
قبل ولادتي باسبوع سافرت دكتورتي اللي كنت اراجع عندها وولدتي فبكري قالت بتسافر لكندا وترجع بعد ولادتي باسبوع
ضاق صدري وقالت اذا تبين قيصري ولدتك قبل ما اسافر رفضت
طلبت تحرضني رفضت قالت انتي قيصري والطلق الصناعي والتحريض ممنوع عليك
حولت لدكتوره ثانيه سعوديه خذيت موعد واحد عندها قبل موعد ولادتي ب4 ايام وقالت ان الراس بالحوض والرحم مقفل وكان موعد ولاتي السبت 1-5-2010
لو مادخلتي ولاده راح اعملك تحريض الثلاثاء واحطك تحت المراقبه لو مافتح الى 3 سانتي بدخلك عمليات
لان ماراح نعطيك فرصه اكبر نخاف الجنين يكبر لان انتي ماقد ولدتي طبيعي واللي والد قيصري ولا قد ولد طبيعي لازم يكون جنينه الى 3500 كيلو ازيد من كذا يفتح الجرح القديم مع الطلق
وانا بالسونار طلع وزن بنتي 3300 فما تبي يزيد الوزن اكثر
قلت طيب
جاء صبح الاربعاء بداء معي اللالم غريب عجيب تحجر بطن وشد من فتحت الفرج من وراء يمسك على قدام الى العصعص
ماعرفت انه طلق الى مابدى ينتظم صار كل 10 دقايق كأن فيني امساك الم لايحتمل وانا كنت اتصبر ما ابي اروح لين اكون خلاص وصلت رحت بيت اهلي وما حبيت ابين بديت اتهرب منهم اطلع فوق واروح واجي لين رحت بيتي وقبل مريت مستوصف بشوف كم فتح طلع مو فاتح شي بس قالت الراس
بالحوض امشي نمت على 12
متقطع كل شوي اصحى لين صليت الفجر واستعد قلت خلاص اللالم لايحتمل بتكبى واذا زاد بروح خلاص واذكر اني ماخليت شي كل التاسع اكل تمر واحط مرره وحلتيت على الفوطه واشم الحلتيت واكل عسل واقراء البقره وادعي واستغفر
ومشيت بعد الصلاة ساعه وتكبيت يوم تكبيت هجت الطلوق بح
نمت من 6 الى 8 الصبح ورجع الطلق متقطع كل ساعه
كل نص ساعه لين صارت 2 الخميس الظهر رحت السوق بمشي مع اهلي مامداني ادخل الا يبداء الطلق القوي وارجع البيت واتكبى وخف ونمت وقمت على لوعه ودوخه واستفرغت
انخفض الضغط مو من امس اطلق ماقدرت لا انام وا اكل ولاادخل حمام لان طلقي من وراء هلكت
قلت امشي بالشارع اذا انتظم رحت للمستشفى هلكت انتظم رحت قالوا فيه طلق والرحم واحد سانتي بعد يومين طلق وممنوع تطلعي لان انتي عمليه لازم نرقدك تحت الملاحظه ودكتورتك سافرت جده خميسوجمعه ومهي جايه الا السبت
قلت نعم بعد هذي ولافيه الا اخصائيه واستشاري رجال قلت لا بطلع على مسؤليتي ووقعت مابي اولد هونت لان الطلق مو منتظم مع انه يوصل ل120
قالت الدكتوره المناوبه اتوقع انتي تولدي بكرى الظهر وبالكثيرالجمعه بالليل
جاء الظهر وجاء الليل وانا معاناة مع هالطلوق تعبت منها هلكت وانا يامى تروش بمويه دافيه يامى دعيت وامشي بالبيت
اخر شي نزل مني دم خفت ورحت للمستشفى قالوا واحد سانتي تحطمت والدم من الكشف امس حاولت توسع بيدها وحطوا التخطيط مع طلقه من الطلقات انخفض النبض انفجعت صار فيني رعب قلت لزوجي الهجه مابي خلاص كفايه رعبي فبكري مابي اولد الحين قالوا بما انه ضعف النبض لاز نزيد الملاحظه ساعه زياده وينخفض ثانيه قلت انا تحركت طلعوني قالوا بكيفك على مسؤليتك قلت طيب
قالوا نبي نطمن انه كلشي تمام نبي نسوي سونار قلت طيب سووا طلع كلشي تمام بس المويه ناقصه اخر شيبالحد الطبيعي ولازم لازم تجي بكرى تولدي الصباح دكتورتك بكرى فيه ويكلمونها وتعطيني موعد 9 الصباح
واوقع واطلع على مسؤليتي للمره الثانيه
لكن انا اوريد وانت تريد والله يفعل مايريد
انتظروا البقيه بعد تقريبا نص ساعه برجع اكتبها لاني تعبت لان اليوم صارلي بس 9 ايام من ولدت:26:
سنمون @snmon
محررة
يلزم عليك تسجيل الدخول أولًا لكتابة تعليق.
الصفحة الأخيرة
وانتضر البقيه يالغاليه