تعالوا اقروا قصتي واستفيدوا

خواتي هذي قصتي للافاده وانشاء الله الكل يستفيد
انا في البدايه كنت اعاني من حب الشباب من مرحله البلوغ وكنت مشغوله بالدراسه وبعد انتهاء الدراسه ..لما اشوف ويهه البنات كنت اتمنى ان ويهي يكون صافي ...يومين خالي وصافي وعشره حبوب واثار.. ومرت الايام ..واشتغلت وزاد الحماس عشان اسوي اي شى ...فرحت عند مركز تجميلي تقوم بفتح الحبه ووضع الكريمات وتنظيف البشره كنت اروح اسبوعيا لمده شهر ولاحظت تحسن بسيط ومن ثم بديت استخدم كريم تبيض من العطار ..وابيضييت واستمريت عليه فتره طويله . المهم لاحظت اني كلما تركته رجعتلي مره ثانيه ....وضليت على حالتي مع الحبوب والاثار . وتزوجت وكنت كلما اطلع عند اهل زوجي لازم احط بودره عشان اخفف من لون الاثار ..مليت / طفرت / حملت وولدت ...اهني قررت احط حل دايم مب مؤقت ..سمعت عن التقشير وقريت عنه ورحت عياده وتناقشنا ونصحني اني اسوي تقشير كيميائي ..توكلت على الله وسويته قبل رمضان على امل اني ارتاح في العيد

سويتها بعد العشاء ورحت البيت ..كل ساعه اشوف نفسي في المرايه بس الفاجعه اشوف ويهي يحترق نمت وكان ريلي مساندني طول الوقت ...صحيت الصبح وسيده على المرايه بس شفت ويهي اعوذ بالله محترق وصاير فحم ...ما عرفت شسوي تمت اهلوس ويهي ويهي ..صحيت زوجي مسكين ما عرف شيقول ..اتصلت على طول بالدكتور قالي هالشي طبيعي وراح يتقشر ويهج بعد يومين المهم شلت اغراضي ورحت بيت اهلي وانعزلت بالغرفه ...كل حد كان يلومني اني سويت هالشي حتى ولدي اهملته لاني كنت مابغي حد يشوفني ولا اشوف حد ...عقب يومين وبعد ما كنت اترس ويهي من الكريمات اللي عطاني اياها الدكتور تقشر ويهي بس المفاجئه ان بشرتي اليديده طلعت حمره جدا على البني ..كل اسبوع اروح عشان يشوفلي حل ..واللي قاهرني تعامله البارد معاي وكل ما قوله ويهي يرد يقولي انشاء الله ..بس طل في عينه ( حسبي الله ونعم الوكيل) وطبعا كريم الاساس والبودره ملازميني 24 ساعه وبعد 2 شهرين من المعاناه خف اللون شوي وتركت عني هالدكتور الغبي حرام اقوا عنه انه دكتور ...رحت دكتور ثاني بعدها بفتره طويله وقلت لازم اتخلص من حب الشباب ..فعطاني الرواكتيان 6 شهور والحمدلله انتهت الفتره على خير وقالي بسويلج تقشير وقلتله عن سالفتي وقالي انا الدكتور مب انتي المهم ارتحت له وسويت 3 جلسات ... والحمدلله تعالوا شوفوني قبل والحين ...لا حبوب ولا اثار ... الحمدلله الف مره ...اهم شي لا تقلدون احد اذا انتوا مب محتاجين وثانيا يا بنات عرفوا انتوا مع منو تتعاملون .. وان شاء الله كل وحده الله يعطيها على قد نيتها ...وانا حاضره لاي سوال