بسم الله الرحمن الرحيم
السام عليكم ورحمة الله وبركاته
كيفكم حبيباتي الحوائيات ... إن شاءالله تكونوا بصحه وخير وعافيه
اليوم الحمدلله انا فرحانه مره مره وحبيت احكيلكم قصتي عشان تشاركوني فرحتي
بدت قصتي لما كان عمري 19 كنت مصابه بالانيميا المنجليه من الولاده وراثي وكنت بين كل فتره انقل دم ولما صار عمري 19 نقلت دم وطلع ملوث بفايروس الكبد الوبائي سي بعد نقل الدم ب20 يوم صارت الاعراض تظهر علي خمول بشرتي وعيوني لونها اصفر نقص وزني تحمل وبعد شهرين دخلت المستشفى وتنومت 22 يوم ما ححدوا الحاله اللي عندي اخذوا تحاليل واكتشفوا الفايروس لما قالي الدكتور على الشي اللي عندي ماكنت فاهمه ايشهو المرض ولا كنت حاسه بخطورته وعشت حياتي طبيعي ماكنت احس بأي آلم او مضعفات بإجتهادات بسيطه من امي وأبوي بالعسل وحبه البركه وموية زمزم صار يخف اللون الاصفر من عيوني وكنت اهمل وقات واجتهد اوقات خلصت الثانويه خطبني ولدعمي ابوي قله على المرض ولد عمي قال برد لك خبر وبعدها ب6 شهور اتصل على أبوي يعزمه على زواجه كانت اول هزه ليه عرفت انه وضعي ممكن يكون خطير معقوله اقرب الناس مني رفضني عشان المرض يعني ايش بيسوي البعيد
كرهت نفسي وضغط على نفسي وصبرت وحضرت زواجه كان الكل يوم الزواج عينه علي وكأنهم متوقعين مني حاجه نظراتهم بين الخوف وبين الشفقه عشت الفرحه معاهم ومرت الايام والمرض داخل جسمي واللي مريحني انه ماكنت اتعب منه كانت حياتي طبيعيه جدا بعد 3 سنوات بديت اتعالج ورحت مستشفيات وتحاليل قرر الدكنور ياخذوا عينه من الكبد عشان يحددوا اذكان الكبد قابل للعلاج او لاوهل وصل لمرحله التليف او باقي انا رفضت وخفت من هالشي توقفت عن العلاج وبعدها انخطبت اربع مرات وكلها بالتلفون ولما نقلهم على المرض مايرجعوا كنت احس بالحرقه وما ألقي غير تبرير واحد للي انا فيه انه ربي يختبر إيماني اصبر واحتسبت الاجر وكنت بكل خطبه احمد ربي واقول يمكن خير لي ويمكن هالشخص في شر وربيصرفه عني لما صار عمري 25 نقلت اوراقي لمستشفى ثاني بديت علاج من جديد سويت تحاليل وطمني الدكتور وقال الفايروس نسبته جدا ضئيله ونقدر نسيطر عليه بس لازم تأخذي أبر وتستمري عليها قالي الابر لها مضعفات وهذي المضاعفات ممكن تزيد عشان عندي الانيميا المنجليه قبل ما اخذ العلاج استخرت وكنت بجد خايفه اني اخذ العلاج استخرت وااخذت الابر كل اسبوع ابره كان اخذ الابره يوم الاحد ارجع من المستشفى انام وحرارتي ترتفع وصداع ولما احاول اقوم احس بدوخه وعدم توازن والم مفاصل تعب مو طبيعي كنت اقوم من السرير واروح اجلس مع اهلي عشان ما ابي التعب يسيطر علي ومن غير ما احس انام في الصاله 3 ايام من الابره وانا على نفس الحاله وبعدها ابدا اتحسن ولما اتحسن تكون موعد الابره للاسبوع الثاني اخذ الابره ارجع نفس الموال مليت تمنيت ما اخذت العلاج وحسيت بالموت استمريت شهر وبعدها وقفت العلاج والمفروض اخذها لمدة سنه من غير توقف رحت الموعد وقلت للدكتور انه وقفتها الدكتور انفعل وقلي انتي تكرهي نفسك وتبغي تدمريها احمدي ربك انك تقدري تاخذي العلاج والعلاج قيمته 25 الف ريال وانتي الدوله بتعطيكي مجاني لو ما اخذتي العلاج راح يزيد قوة الفايروس وممكن يسبب لك تليف كبد وفشل وبعدين تدوري متبرع كبد رجعت للعلاج كملت باقي المده بعد شهرين من رجوعي للعلاج حسيت بتحسن وصار عندي مناعه ماصرت اتعب من الابر كنت اروح كل اسبوع المستشفى عشان اخذ الابره حسيت تعب من المشوار وتعبت ابوي الله يجزاه خير ويخليه لي كل اسبوع وهو موقف مشاغله عشاني ويوديني تعلمت من الممرضه كيف اخذ الابره بنفسي وصرت اخذها في البيت ولما جا رمضان اللي فات رحت اخذت عمره انا واهلي كنت صايمه وبعد الطواف حسيت بإرهاق ودوخه وماقدرت اوقف هالشي كان على صلاة العصر صليت العصر وانا جالسه ماقدرت اصلي واقفه خلصنا الصلاه وكان المفروض نبدا في السعي انا كنت بقوه تعبانه وما قدرت قالت امي لابوي واخواني وجدتي انتوا ابدأو سعي وانا بجلس معاها لحد ماترتاح ونكمل كان ابوي يقلي افطري وانا اقول لا كنت احمد ربي انه جيت وانا صايمه كنت ابي استغل الصيام وفي الحرم وفي العشر الاواخر جلست انا وامي كنت ابكي وادعي من غير شعور كنت ابكي مو من الالم كنت ابكي قهر على نفسي المهم ارتحت شوي غسلت وجهي بزمزم وكملنا سعي وطول السعي دموعي ما وقفت ودعاي ماوقف وبكل شوط كنت اوقف واصب زمزم واقار عليه واكب على نفسي واكمل لحد ماخلصت قبل اذان المغرب جلسنا ننتظر الاذان وكنت ادعي بكل شي دعيت كنت احس انه دعاي هالمره من قلبي وان ربي كريم ومابيرد دعوتي رجعنا من العمره حسيت براحه وتحسن استمريت في العلاج لزمت الاستغفار وسورة البقره بعد رمضان سجلت في التحفيظ وفي شهر 10 انخطبت قلنا للخاطب عن المرض ماكان عنده مانع فرحت وتذكرت دعائي في الحرم وحمدت ربي سوينا التحاليل وبعد نتيجة التحاليل انسحب لا تسألوني عن الالم والحرقه الللي حسيتها حسيت كل شي مقفل بوجهي كرهت نفسي وصل عمري 27 والمرض باقي واقف في طريقي كنت احاول اني ما اجزع كنت اصبر نفسي مع الالم اللي احسه اقول الحمده كنت اردد اللهم اكتب الخير حيث كان ثم رضني به وكنت اطمن نفسي انه هذا الشي اكيد خير ليه كنت زي اللي قابض على الجمر استمريت بالدعاء والاستغار وبشهر واحد اخطبت من شخص ملتزم اخو مدرسة امي في دار التحفيظ صارت الخطبه والنظره الشرعيه بس ماصار نصيب ومن غير سبب بعد المعاناه خلصت فترة العلاج سويت تحاليل نهائيه عشان نشوف نتيجة العلاج هل نفعت ولا لا
يوم السبت 24/5 /1431 موعد النتيجه رحت عند الدكتور كان الخوف متملكني والاستغفار على لساني وكل ما اشتد خوفي زاد استغفاري ودعائي (ياجبار أجبر بخاطري) وصلت عند الدكتور بعد السلام قالي ان شاءالله النتيجه طلعت سليمه والفايروس راح الف مبروك وصار يعتذرلي يقول سامحيني عشان قسيت عليكي هذا اليوم ولو ماكنت قاسي مان ماوصلنا لنتيجة اليوم انا لحظتها كنت فرحانه وارجف وقول الحمدلله الف الحمدلله والشكر لك يارب حسيت اني طايره من الفرحه يالله ياكريم الف الحمدلله بلحظه مر قدام عيني كل الناس اللي ينظرولي بشفقه كل الخطاب اللي انسحبوا بسبب المرض كل الناس اللي احبهم ويفرحهم هذا الخبر وكيف راح اقلهم قطع هالفرحه كلمة الدكتور قالي الحمدله المرحله انتهينا منها وعرفنا انه الفايروس ضعيف بس احنا عندنا احتمال انه يرجع ولو رجع راح يكون اوقوى من اول سكت قالي لازم ننتظر 6 شهور بعد ها راح نسوي تحليل نفس هالتحليل لو كان موجود راح نرجع للعلاج لو مارجع معناه بحول الله مايقدر يرجع نهائي ماهتميت لكلام الدكتور كملت فرحتي بالخبر الاول اخذت من ورقة النتيجه نسخه وخرجت وانا فرحانه طايره من الفرح رجعت البيت وفي الطريق مريت السوق اخذ 3 علب حلاوه اخذت تورته صغيره على قدنا وعصير وشيبس وفطاير ورجعت البيت دخلت على امي بفرحتي ضميتها من غير شعور صرت ابكي صارت امي تبكي وتقول ايش فيه قلت سليمه النتيجه سليمه يالله اخيرا قدرت افرح امي بعد ماكنت اكسر فرحتها بكل عريس يجي
هذي قصتي حبيتكم تشاركوني الفرحه وماتيأسوا من شي دام فيه رب كريم مايضر ولايظلم احد
بس لما نكون مع الله الله يكون معنا
طبعا راخ تسألوا عن الحلاو الاغراض ايش سويت فيها اخذت علبتين وزعتها في التحفيظ وبعد المغرب جوا اخواني وزوجاتهم وأولادهم وسوينا حفله بسيطه ابي اوصل الفرحه للكل الناس اللي احبهم
وارجع اقول اللف حمد وشكر لك يارب
اللهم لك الحمد حتى ترضى ولكم الحمد إذا رضيت ولك الحمد لعد الرضى
معليش لو كان كلامي مو مرتب بس ابيكم تشاركوني الفرحه :26:
رسيل131 @rsyl131
عضوة نشيطة
يلزم عليك تسجيل الدخول أولًا لكتابة تعليق.
ماشاءالله تبارك الرحمن
ربي اجزاك على نيتك وانتي صبرتي
صبرا جميل والله المستعان
الله يتمم عليك هالفرحه بخطوبتك وزواجك
وان شالله المرض مايرجعلك
الله يوفقك ويسعدك
ربي اجزاك على نيتك وانتي صبرتي
صبرا جميل والله المستعان
الله يتمم عليك هالفرحه بخطوبتك وزواجك
وان شالله المرض مايرجعلك
الله يوفقك ويسعدك
ماشاءالله تبارك الرحمن ربي اجزاك على نيتك وانتي صبرتي صبرا جميل والله المستعان الله يتمم عليك هالفرحه بخطوبتك وزواجك وان شالله المرض مايرجعلك الله يوفقك ويسعدكماشاءالله تبارك الرحمن ربي اجزاك على نيتك وانتي صبرتي صبرا جميل والله المستعان الله يتمم عليك...
مبرووووك .. والله يجعل أيامك سعادة ويمتعك بالصحة والعافية
قويتوا
•
اللهم لك الحمد حتى ترضى ولك الحمد إذا رضيت ولك الحمد بعد الرضا ولك الحمد على كل حال
الله يتمم لك على خير وموفقه إن شاء الله بصراحه أعجبني فيك إيمانك بالله وصبرك وتحملك رغم الظروف الله يسعدك ويحقق لك ماتتمنين عاجل غير آجل
الله يتمم لك على خير وموفقه إن شاء الله بصراحه أعجبني فيك إيمانك بالله وصبرك وتحملك رغم الظروف الله يسعدك ويحقق لك ماتتمنين عاجل غير آجل
السلام عليكم
ماشااء الله تبارك الله
مبروووووووووووووك الف مبروووووووووووك
وان شاء الله مايرجع المرض وتتزوجين وتبشرينا
والف الف مبرووك
تحياتي
الصفحة الأخيرة
الف الف حمد لله على السلامة
والله يديم عليك الصحة والعافية
ويرزقك بالزوج الصالح