كوبونات الراقية تسجيل الدخول

نبضة قلبه..!

تعالوا اقروا مسج زوجي لي وعلموني كيف اتصرف؟

الأسرة والمجتمع •

بسم الله الرحمن الرحيم

السلام عليكم ورحمة الله وبركاته

خواتي انا صار لي متزوجه من ثلاث اسنين وعندي ولد وبنت من زوجي وهو انسان ملتزم وطيب ونحب بعض بس كثيير ما نتزاعل سواء مني او منه

المهم هو الحين مسافر للعمره وارسلت له مسج ( بكتب لكم الكلام مثل ما هو عشان اكون عادله من غير ظلم)

قبل ما يسافر تهاوشنا بس كان هواش بسيط وما تكلمنا في الموضوع بس كنت متضايقه وهو متضايق وبعدين عدينا الموضوع عادي ما كان فيه شي

المهم امس ارسلت له هالرساله:

ما اشتقت لنا ؟

طبعا انتظرته كم ساعه ما رد.. بعدين ارسلت له اني انتظر الجواب .. رد علي بعد كم ساعه:

في الحقيقة لا ادري ما اجيب لاني لا ادري ما هو الشوق المقصود.. شوق الشجارفهذه اظن هي المره الثالثة او الرابعه ويمكن الخامسة ان يكون سفري ورحيلي على شجار وخناق بيننا ..

فهذا ما قدره الله وقضاه علينا فله الحمد والشكر والصبر على قضائه ..

ثم ان من منة الله علينا انه اكرمنا بالابناء لنسعد بهم قليلا والا لكنا ابدا في شجار وخناق

هذا ما جعلني امتنع عن الجواب حتى لا اكون كاذبا

بعدين ارسلت له ما فهمت ( لان الرساله ما وصلتني كامله)

ارسل لي :

اولا هل وصلت الرساله كاملة ثانيا: كلامي واضح وهو انه في اصعب المواقف كما (يقولون )و هو وقت الرحيل والفراق نكون متشاجرين فما هو الشوق الذي سيبقى للقاء

ارسلت له:

بصراحه ما توقعت سيكون جوابك هكذا وانت في اطهر ارض وفي الايام المباركه.. ثم انك والله لو علمت سبب ضيقي ذلك اليوم ما كنت قلت هذا الكلام.. و حياتنا لله الحمد جميله و الشجار وارد عند كل الناس..

على العموم ليس شرطا ان تشتاق لي لاشتاق لك وليكن شوقي من طرف واحد ويبدو انني اخطات بسؤالي فالمعذرة.


ها وش رايكم وكيف اتصرف علما بانه مر على سفره اسبوع يعني قبل اسبوع متشاجرين وكان عادي يتصل واتصل ويتكلم وما فيه شي بينا لكن يوم سالته رد علي كذا

خواتي الله يخليكم ردوا علي واللي ما ترد لا تنساني من داعاءها الله يسخر لكم ازواجكم واحبابكم صدقوني اني طيبه مره وادري انكم ما تقصرون ابي نصيحه حقانيه حتى لو كانت ضدي عشان ابري ذمتي عند ربي

ابي نصيحتكم لان ما عندي احد الكلمه في الموضوع وحالتي حاله الله العالم بي

هذي ايام مباركه اكسبوا اجر فيني
118
13K

يلزم عليك تسجيل الدخول أولًا لكتابة تعليق.

تسجيل دخول

ريومه 99
ريومه 99 •
الله يسخركم لبعض ويهديكم
دانة بوسط محارة
دانة بوسط محارة •
حبيبتي بدون زعل كلامه صحيح
اذا كانت سفرته لمكه ولاداء عمره ليش الخناق من اساسه

عموما رديتي ورد وخلصت رسايلكم

عوضي هذا كله لمايرجع من السفر باستقبال حلو يعبر له عن مشاعرك وشوقك

مو شرط الا تسوين ليله وكيكه ومدري ايش
كفايه تاخذينه بالحضن ويحس بلهفتك

اله يسخركم لبعض

شغله بس حبيت اقولها

لاتطلبين من اي رجل طلب باسلوب امر لانه لو كان ناوي يسويه بيهون وخذيهم باللين ترا كل الرجال اطفااااااااال
pink fo0ofo0o
pink fo0ofo0o •
ردك كان زينة العقل

لاتسوين شي غير الدعاء ولاتشدين معه بالكلام يمكن الشجار ألي صار بينكم مازال مأثر فيه

أصبري شوي

الله يسخركم لبعض
شاب قرناها
شاب قرناها •
يمكن طبيعة زوجك من إلي ما ينسى وما يعدي المشاكل بس ما يوضح عليه
فأنت لا تتركين اي مشلكلة مفتوحة من دون اغلاق لتعرفوامن المتسبب وما الاشكال
فما يبقى عتاب ولوم في قلب احدكما على الآخر
وانت على هالحال مشي ولا توقفين عند زله علشان ما يكثر الخناق
الله يحنن ويؤلف قلوبكم على بعض
همسات 66
همسات 66 •
الله يهديك اختي ليتك راضيتيه علشان يطلع من البيت مبسووط وتنبسطين انتي كمان

لاتشيلين هم حبيبتي ارسليله مسج واعتذري منه

واذا جاء من سفره تفاهموا بهدوء


الله يسخر لك زوجك ويهديكم حق بعض