بادخل بالموضوع مباشرة ً..
من ضمن تصفحي للمجلس العام خلال الاسبوعين السابقين لقيت بعض المواضيع تتحدث عن الشغالات وعن بلاويهم ...
من سحر من اعتداء ...الخ...
حبيت اطرح لكم تجاربي مع الشغالات ...
اول خادمة استقدمتها كانت اندنوسية ...قبل 15 سنة ...
اسمها .خديجة
طبعا جلست معي 3 شهور و بعتها لناس حبو تشتغل عندهم ..
اول شهر كانت خيال من الشغل المبدع والعناية ببنتي ...
طبعا لاني كنت بالجامعة فكنت ما اطلب منها الشغل الا بعد ما ارجع من الجامعة يعني بعد العصر يبدأ شغلها ..
طبعا ما اروح للجامعة الا وفطور وغداء بنتي والشغالى مجهزته بحافظات ...
حتى الشاي الي تبيه الشغالة اكون مجهزته بترمس ما عدا الرضاعة هي الي تقوم بتصليحها اكون مجهزة المقدار الحليب في علب الخاصة بالحليب ..
المهم هي جات تجيد اللغة العربية اجاد تامة وكانت من ضمن الشروط الي طالبينها ...
بعد شهر لاحظت عليها بعض التصرفات الغريبة ...
اولا الاقيها بالحوش بملابسها الداخلية ..
نبهتها انه حرام وهذا ما يصلح تقولي انه حر ... جبت لها ملابس خفيفة علشان الحر وما زالت مستمرة ..
بعدها ......فترة الاقي انها تمسك بنتي وتجلس تقرأ عليها كلمات غريبة ملحنة كانها تقرأ القرآن وفي ثوان الاقي بنتي مخلصه اكلها مع انه بنتي تعاني من ضعف العضلات ..
يعني اكلها بالعادة ما تخلصه الا بعد ساعة كامله ( يحتاج لشرح لانهامن ذوي الاحتياجات الخاصة )..
نسيت اقلكم اني فتشتها لما جاتني ولقيت معها طلاسم واشياء غريبة لكن ما طرأ على بالي السحر لانه ما عندي عن السحر وادواته ..
المهم ......يووم من الايام كنت بصالة الاختبار وفي نص الاختبار اسمع صوت بنيت باذني سبحان الله والله العظيم كأنها عندي ..
تعوذت من الشيطان ...
ومازالت الصوت باذني خرجت من الامتحان الساعة 11 صباحاوكلمت اخوي يوصلني للبيت بيتي يبعد عن الجامعة بساعة المهم جاني اخوي الساعة 11.30
ومع زحمة الطريق وصلت البيت الساعة 1 ...
وصوت بنتي ما راح عن اذني تبكي بكاء استنجاااااااد ...
وكلمت زوجي على ماجاء الساعة 1.20 وفتحنا الباب ... ودلخت عليها لقيتها عارية ونايمة بملاسها الداخلية ...وبنيت صايرة سودااااء ...
طبعا ما ناقشناها خذينا البنت ووديناها للمستشفى ونوموها على طول ..
طبعا تعب القلب وصار عندها ثقب كبير بالقلب نتيجة البكاء وفي العناية لمدة يوم كامل وبعدهاالحمد لله عدت على خير ..وبعدها وديتها للمكتب ..
لما رجعت فتشت على اغراضها لقيت انه فيه ورقة مختفيه ..
وعندها اشياء غريبة وديناها للشيخ قالنا انه هذه الاوراق مكتوبة باالحمر وفيه اسورة الاخلاص مفرقة الاحرف ..تجلب المحبة هي كانت 3 باقي 2 ورقة شكلها استخدمت وحده منها ..
وسحر اسود او قال سحر يفرق بين الزوجين ...
الحمد لله ربي كفانا شرها ...
يتبع مع شغالتي الفلبنية ...
اسمها باجورما ..
طبعا راااااائعة لابعد الحدود ........
ماشية على نظامنا وتمام وعنايتها كانت راااائعة مع الاطفال ...
جلست معي 9 شهورر
مشكلتها انها طلبت اجازة يوم الجمعة ورفضنا فاضربت اسبوع وبعدهاسفرناها ........
يتبع ..شغالة اندونسية ...