:: abady :: @abady_1

عضوة جديدة

تعالوا اقلكم كيف زاد وزني 3 كيلو في اسبوعين ونص ..

:: بسم الله الرحمن الرحيم ::مرحباً بكل النحيفين والنحيفات والناشفين والناشفات والصعاليك والصعاليكات والمساويك والمساويكات ..الخ << خطبة ذي ماصارت ..
المهم اهلا وسهلا بكم انا تراني جيت اقلكم كيف سويت عشان اسمن ولله الحمد صار مبتغاي وان شاء الله ماراح اتوقف الين ما اوصل للوزن المطلوب ..
طيب اقلكم قصتي بأختصار .. انا نحيف منذ ولادتي مسواااك مررره نااشف وعندي كمان فقر دم شديد طفشت من ذا الحال والله حتى الهوى يأثر فيني والناس تتريق ..الخ
وفكرت كيف اسوي وكيف اسوي فقلت والله يا انا يالنحافه ذي .. اول شي سويته بطلت مشروبات غازيه بجميع انواعها والله ياناس ان مامنها الا المرض اذا تبغى تمتن ويروح فقر الدم
لازم تبطل المشروبات ذي لأنك انت اكلت اكل وبعدين تشرب المشروب راح فايدت الاكل صح .. وثاني شي رحت اشتريت حبوب فتح شهيه على فكرة تراهي انواع كثيرة خذ ماتشاء ..
حبوب زيت كبد الحوت او موسيجور ..او اللي تبي تأخذها قبل الاكل بساعه قسم بالله لاتمسح ام الصحن ..
المهم والله وحاولت وكنت ما اقوم من السفرة الين ماينتفخ بطني آكل الين يوصل الحلق .. واشرب عصيرات خاصه عصير (الجوافه) مفيد جدا لفقر الدم ..
واستمريت زي كذا ولله الحمد زاد وزني 3 كيلو خلال اسبوعين ونص وفقر الدم خف كثير بنسبة 80 % وراحت الدوخه اللي كانت تجيني بسبب فقر الدم .
وانا الان وزني 50 وطولي 173 .. كان وزني قبل ثلاثه اسابيع 47 .. والحمد لله في زياده .

:: ملاحظات :
1- اذا تبغى جسمك يتعدل وتصير افضل لازم تقطع المشروبات الغازية تماماً صدقوني انا قد حاولت زي كذا اول وكنت اشرب غازي لاكن بدون فايده ولاسمنت كيلو واحد .
2- مافي اكل محدد تأكله كل اي شي رز - خضار - فواكه - مكسرات - شوكولاته - اي شي مافيه شي محدد بس اهم شي تملئ بطنك مزبوط .
3- لاتتحطمون مررره نصيحه .. حتى لو مازدت في مثلا اسبوعين الا كيلو حاول راح تجيب نتيجه ماعليك حاول وصدقوني راح تتغيرون .
4- الاهم من هذا كله انك تروح اولا لدكتور اولاً وتكشف على نفسك هل عندك مثلا ديدان او سوء هضم .. الخ لازم تعرف انك سليم واذا طلع عندك شي (لاسمح الله) عالجه فوراً ومن ثم سوي زي ماقلت .
5- ركزوا على الاكل اللي فيه سعرات حراريه عاااليه عشان تكون النتايج اسرع ان شاء الله .

سؤال وجواب ..س1 / هل تأكل الوجبات الثلاثه بأنتظام ؟ وهل تأكل شي بينها ؟
ج1 / لا والله بعض المرات ما أفطر بس واتغدى واتعشى وبعض المرات ما اتعشى بس وافطر واتغدى وزي كذا ومافي شي محدد المهم اني كل شوي آكل في اي وقت آكل اي شي المهم املئ بطني .
س2 / انا ما اقدر ابطل المشروبات الغازية وش الحل ؟
ج2 / صدقني كذا ماينفع لازم لازم تبطلها وتقطعها تماما لازم تضغط على نفسك اذا اردت الاحسن .
س3 / انا اذا آكلت شوي اشبع وش الحل ؟
ج3 / الحل ياحبيبي تروح وتشتري حبوب فاتح الشهيه مامنها اي ضرر اللهم تفتح شهيتك وتخليك تأكل الاخضر واليابس .
س4 / انا تحطمت نفسياً مافي شي الا جربته ولانفع وش الحل ؟
ج4 / اولاً أدعي الله انه يعطيك ماتريد عادي جدا ادعي الله يسمنك .. ثانيا لايأس مع الحياة حاول وسوي زي ماقلت بالظبط وان شاء الله راح تتغير .
س5 / هل في شي محدد تنصحني فيه عشان اسمن ؟
ج5 / ابدا مافي شي محدد كل اي شي تشوفه بس لازم اذا كان عندك فقر دم تعالجه وهو السبب الاول في النحافه كل مثلا زبيب او اشرب عسل واشرب عصيرات وصدقني خلال شهر راح يختفي تماما فقر الدم .
وفي الختام اسأل الله ان يسمنا كلنا ويعطينا مانريد والله انا تعبنا مع ذا الجسم ..
وأي سؤال او استفسار لايردك الا لسانك .

18K

يلزم عليك تسجيل الدخول أولًا لكتابة تعليق.

تسجيل دخول

صمت المشاعر؟؟؟ • 15 سنة

وي انا عندي فقر دم ودبه

نقطة نون • 15 سنة

مشكوووره حبيبتي عل النصاااايح

وربي يزييييدك كماان وكماااان.. وجميع النحيفات واولهم انا هع..

فعلا الاكل الكثير هو اللي يسمن..

وانا رااح احااول اجرب طريقتك بس عندي مشكله انتظر اتعالج منها ..

وربك قادر على كل شي..

فيافي 2010 • 15 سنة

الله يسمنك ويزيدك صحه وعاافيه

***ريمي*** • 15 سنة

نقطة نون :

مشكوووره حبيبتي عل النصاااايح وربي يزييييدك كماان وكماااان.. وجميع النحيفات واولهم انا هع.. فعلا الاكل الكثير هو اللي يسمن.. وانا رااح احااول اجرب طريقتك بس عندي مشكله انتظر اتعالج منها .. وربك قادر على كل شي..

مشكوووره حبيبتي عل النصاااايح وربي يزييييدك كماان وكماااان.. وجميع النحيفات واولهم انا هع.. ...

الله يساعدك ونسمن:06:
مشكوره على الموضوع
والله انك صادقه الغازيات ماوراها الا المرض :angry2:بس وشنسوي ادمنا :icon32: لكن
خلاصصص قرارت اترك الغازيات بانواعه
والله يساعدن :scream:

حلم ضبابي • 15 سنة

هههههههههههههههه ياحليلكم ياللي يردون .. هذا ولد ..
ماقصرت حبيت تفيد البنات ..
وفعلاً انت نحيف مررررررررره الله يعينك ..
لاحظت شي وجالسة اضحك عليه .. اسمعك عبادي وتحته مكتوب عضوه جديده ههههههه