تعالوا اقلوكم سالفه صارت لي لبنت مع صاحب المحل العطورات والمكياج

صباح الخير للسهرانات مثلي الله يرزقنا بوظيفه تعدل من ذا الخبال

المهم






قبل اسبوع رحت للسوق اشتري مكياج وعطورات وانا الحمد لله عباتي على الراس وانا قاعده احوس فس الاغراض وشوي الا اسمع تك تك تك تك والتفت ورا الا وحده لابسه كعب طوله عشره سم والثمه والرموش الاظافر والعدسات واه واه ياقلبي انا سويت كذا :32: بنات والله انها تطيح الطير من السماء قلت الحمد لله ان زوجي مومعي لانه جلس في السياره وولدي صغير مايحب عمره سنتين نام علينا قال ابوه بجلس معه
المهم

انا قلت بشوف هذي وش تختار وش تشتري عاد تعرفون تطفل الحريم والله ويشهد علي ربي اني ماكذب عليكم وباقي نجتمع انا وياه يوم العرض والحساب ولا اظلمها

راحت عند المناكير قالت عندك لون ابيض واعطاها قالت بكم قال 20 ريال قلت ليه 20 غالي قال ها سعره
المهم قالت انا حصلته في محل ثاني 5ريال تدرون وش رد عليها قال روحي جيبي لنا واحنا نشتري منك
شوفوا الاستحقار كيف
هي عاد صار وجهها الوان وتشمق فيه

المهم شوي راحت عند حاجه مدري وشي بس انا اسمعهم قالت بكم هذي قالها عشره قالت يووه انا ماعندي الا 5 ريال

تخيلوا وبس عيونها فيه وهو لما شافها كذا طنشها وطلعت خارج المحل
قال لصاحبه ويضحك "حركاتهم مايخلونها اعوذ بالله منهم على بالهم نعطيهم بلاش" رد الثاني قال احسن انك عرفت لها
طبعا اصحاب المحل شكلهم حضارم

انا اشتريت لي عطر على شان احطه عند مغاسل اليدين كل واحد 40 ريال يعني80ريال واخذت مبسوس بانافع 20 ريال ومثبت شعر 15 ربال
وماكان معي الا 100ريال
صار المحموع 115 ريال اعطيته 100 ريال قلت لحظه بروح لاسياره واجيب الباقي انا خليت الكيس عنده واعطيته الفلوس واصلا السياره كانت قدام المحل بشوي مو بعيده مره تدرون وش قال اقسم بالله قال خلاص خليها بعدين

طبعا انا رفضت قلت في نفسي كلها 15 ريال وحتىان قال بعدين ما ادري الدنيا فيها حياه وموت

والحاصل ان الوحده اذا شافوها محترمه والله يحترمونها وانا رت علي مواقف كثييير
لكن طولت عليكم


حطوا الموضوع في المفضله وروحوا ناموا واذا صحيتوا ردوا علي لان ادري اللي يسهرون ردهم يجي كلمتي وبس وانا ودي بسواااااااااااااااااالف وردود :27:

انا رديت ورجعت نسخت ردي هنا من شان تشوفونه

واللي تقول رفض ياخذ 15 ريال مني وقال بعدين هو صحيح كسبان لكن قال هذي صدق جات تشتري مو جات تشحذ وتستعرض وتغرينا على شان نعطيها بلاش

علىالعموم يعطيكم العافيه

ودكم نفطر الفطور على حسابي من القرموشي وش قلتوا