كان قلتيلها عليك بالعافيه وكملتي عشاك وقهرتيها .. 

بندعي لك لكن هل وضع زوجك المادي والاجتماعي يسمح له؟

حنا سمعنا منك لكن ماندري وش ضروفه

سبحان الله على خبز تجادل حسيت عقلها صغير وتصرفها تصرف طفولي بقوه
الحمد الله ان زوجك كان حاضر وشايف بعيونه بس طلبك ترجعين ببيت صعب شوي مو بسرعه راح تجي البيت وخصوصا لو امه بالحالها والضروف ماتسمح بعد
يااختي انتي بكذا راح تريحين امه منك لاوالله لااقعد على قلبه بعد ترا البيت بيتك والشرهه على ولدها اللي مخليك معهم واكيد حريم اخوان زوجك مدللات لاانهم بعيدات عنها
ترا انا زيك ساكنه معهم حطيت النفسي حدود انا زوجي غصب عني برمضان انزل واشتغل معهم وكذا وانزل معي طبق او اثنين
وغير رمضان الااكل عندي الا العشاء ماقدرت عليه يروح عندهم ياكل اما انا اتعشى بالبيت سندوتشات فواكه خفايف وكذا لاتروحين تاكلين طول الوقت عندهم تناقشي معه ياكل معك وانتي اطبخي النفسك واجلسي ببيتك دام عندك مطبخ
احسن من انك تعيشين المهزله هذي قولي يافلاان انا برجع معك بس اكل عند اهلك لا لو تبغى انت روح عندهم وانا راح اطبخ لك بالوقت اللي تحب تاكل عندي ولاتكثرين احتكاك معهم انا عن نفسي مره بالااسبوع او مرتين انزل لهم
وانتي لمن تعاندك طنشيها ترا الزوج راح يمل ويطفش من المشاكل ومهما كان بالااخير امه تحملي شوي
واذا صار زوجك وامه جالسين لاتجلسين عنده ولا تتكلمون بعد هي بتغار وكذا
وعامليها بالحسنى ومعامله حريم اخوان زوجك شوفي كيف يعاملون امه وعامليها زيهم باااالااافضل
وترا طبيعي لاانك معها والطلعات وغيره ماراح تصير الا لمن الواحد يكون له بيت مستقل
الله يكون بعوني وعونك وترا هم الكسبانين مو انتي هي ولدها عندها وهو عنده من يخدمه بس انتي وبنتك مين صح اهلك فيه بس الوحده مالها الا بيتها وزوجها بالااخير الصبر زين اصبري اصبري اصبري
بعض الناس تصبر سنين مو سنه ولا عشره لا اكثر
وبنات اعرفهم ماشاء الله بعد 15 سنه واقل واكثر ساكنين مع اهل ازواجهم وسبحان الله لو تشوفي كيف عايشين
الحين بفلل وييوت ماشاء الله جنه وخدم وسوويق ودلع اصبري ان شاء الله الخير جاي وترا هي تشوفك تتضايقين فاتزيد تقهرك بس انتي اقهريها اضحكي وفليها بعض الناس كذا لمن تعرف انه بتصلح شي والتصرف هذا بيقهر اللي قدامه يزيد عليه بس انتي اغلبيها وزي كلام اللي فوق كان قلتي بالعافيه عليك خلصت واذا مانحلت كولي اكل خفيف سلطه وكذا عندها وخوذي ببيتك اكل معك
ادعي ربك كل يوم واستغفريه

وضع زوجي المادي مو ذاك الزود ولايسمح له بس هو لاحط شي براسه يجيبه دايم هو كذا اذا اهتوى الشي جابه انا ماراح اقدر وضعه ولاعلي منه هو حطني بموقف ماراح انساه حسسني اني جايه من بيت اهلي واطيح في صحونهم من الجوع وانا قبل هالمشكله قايله له بطبخ بيتي ورفض والحين اهم شي نفسي كانه شاريني بيصير زي الرجال ويطلعني لحالي وان كان ماهميته الله يستر ع الجميع 

الله يكون بعونك