تعالوا اقولكم ايش تعملو بالحم الغداء الزايد

بسم الله الرحمن الرحيم

عاد لاتستغربوا اخترعت وما حبيت ابخل عليكم :angry2:
المهم بعد ماتسوي الغداء ويبقا لحم اقصد يعني يكون الغداء كبسة او دبيحة قصروا المهم فية لحمة
تكون اللحمة مستوية طبعا تأخديها وتفصفصيها كويس وبعد ماتفصفصيها تجبي صاج ياقلبي وهدى المقادير:
بصل عل حسب كمية اللحمة
فص ثوم
كركم
فلفل اسود
كمون
ملح ليمون
طماطم
فلفل اخضر (حسب الرغبة)
ملح
كزبرة خضراء
ونجي للطريقة:
تحمري البصل وبعدها تحطي الطماطم والتوم وملح اليمون حسب الرغبة وتلقلبيها الين ما الطماطم يتغير لونة وتحطي اللحمة المفصفصة وبعدها الكركم وتقليب والملح حسب الرغبة والفلفل الاسود والكمون والفلفل الاخضر يكون مقطعاة حلقات طبعا ادا كني تحبي فلافل زيي وبعدها الكزبرة الخضراء تكوني فارمتها وتقليب لين ماتحسي انها اخدت لون واحد بعدها تطفي النار ياستي وتجيبي صامولي وتفرغية وتحطي الخلطة دي بقلبة عاد ادا حبتي معاها شطة ولا طحينية ومخلل مو مشكلة بس الي تجربها تدعيلي وممكن تعمليها بالدجاج بس انا مااحب الدجاج لجل كدا عملتة بالحم المهم ان شاء الله تعجبكم ولا تنسوني من الدعاء :icon33: