كل سنه وحبايبنا الحوائيات بالف صحة وخير يارب
اخواتى الحلوات القمرات
هاقولكم النهارده انا ازاى بعمل البلح بتاعى اللى جوزى وولادى بيموتوا فيه وبيحبوا جدا
طريقه بسيطه وسهله وبلح جميل وطعمه لذيذ
((الطريقه))
تفصصى البلح اى كميه انتى عاوزاها على عدد افراد الاسرة
لبن اى كميه برضه ربع كيلو نص كيلو زى ماتحبى
انا شخصيا بعمل 3 اكواب فابحط ربع لبن
زبيب_جوزالهند_سودانى _اى مكسرات تحبيبها
سكر حسب الرغبه كميه قليله لاءن البلح مسكر
كوب مية ساقعه
نجيب الخلاط نحط فيه البلح واللبن وكوبايه ميه ساقعه والسكر ونشغل الخلاط لحد مانلاقى البلح اتفرم
تقومى جايبه الكوبايات او الكاسات وتصبى البلح
وتزوقيه بالمكسرات جوز الهند والسودانى والزبيب ودوقى احلى طعم بلح فى حياتك وادعيلى بقى
