السلام عليكم ورحمت الله وبركاته
كيفكم ياحلوات وش اخباركم
انا هذا حمل الثالث
ومن حملت وانا ادعي ربي يرزقني ببنوته لان عندي ولدين
وطول الحمل وانا ادعي
ومتحمسه يجي الشهر الرابع عشان اكشف
المهم من الشوق ماقدرت انتظر لاشهر الرابع
وجلست ابحث بالنت عن التجارب
واسويها لقيت الجدول الصيني عمري ماجربته
وسويته وطلع لي النتيجه مولودك انثى:04: فرحت فرحت مره مع اني ماعندي ايمان
بهاذي الاشياء بس الشيطان
ارسلت لكم وحده بالنت من اللي يسون العدد ثلاث تقريبن من المنتدى كلهم قالوا احتمال بنت:04:
فرحت وقلت يارب يصدق كلامهم
رحت سويت تجربة البول اللي تخلينه 8 ساعات وطلعت السحابه تحت يعني على حسب كلام البنات النتيجه بنت:27:
تأملت وقلت يارب
المهم بالاسبوع 11وبنهاية الشهر الثالث قلت بروح اشوف ماعاد فيني صبر:35: رحت اشوف وقالت الدكتوره شكلها بنوته:27: ان شاء الله بنوته
بس ائكد لك بالشهر الخامس هذا الكلام بمستوصف خاص بالمنطقه اللي فيها اهلي
الدنياء مو واسعتني من الفرحه
ورحت لمطقة زوجي بعده وجلست للاسبوع 14 بنص الرابع ماقدرت اصبر
ورحت لمستوصف خاص وقالت لي 80 بالميه:arb:
ولد انصدمت مره بس قلت الحمد لله
جلست لانص الخامس وكان عندي امل انها غلطانه
ورحت مستوصف ثاني وقالت الدكتوره احتمال ولد:arb:
رضيت بالامر الواقع وقلت الحمد لله رب العالمين واقتنعت
ورجعت للشمال ديرتي وبعد شهر من الكشف رحت باطمن على الجنين بالمستشفى الحكومي الي اراجع فيها دايم وبعد ماطمنت على الجنين
قلت وش جنسه وانا مقتنعه انه ولد
قالت بنت:09: واناظر فيها متاكده قالت اكيد بنوته قلت هم قالوا ولد وترجع تشوف قالت لا شكلها بنت مو ولد:04:
المهم بعد اسبوعين تعبت ورحت مستوصف خاص وسوولي كشف بالسونار وطلع معي التهابات وقلت كيف الجنين قال كله كويس وهذا هو ذكره واضح وان شاء الله ولد
انصدمت قلت وش فيهم يبي يلعبون بعصابي :44:
قلت يمكن غلطان للحين عندي امل
واجلس ادور باغلاط السونار لقيتها بالهبل
المهم جلست شهر ورحت اليوم قلت باخر السابع راح يوضح وطلع
ولد
ياربي لك الحمد واعظائه واضحه
واول مره تصير معي هذي الخبطه بالعاده عيالي من الرابع يقولون لي ولد لين التاسع ماحد قال لي بنت وانا بحكومي وبالشهور الاخيره بخاص
وهذي حكايتي مع السونار ويارب يكون تام الخلق وتجمل لي خلقه واخلاقه ويكون من عباد الله الصالحين ويرزقني بره هو واخوانه ويهديهم لي
ويرزقني بتوم بنات يارب
و اسفه على الاطاله وابي اسئلكم وين القى الشنطه اللي تصير سرير لنونو والا احد يبعها بالنت بالله تدلوني عليها والله يجزاكم عني خير الجزى
بــراءة طفل @braaa_tfl_2
محررة فضية
يلزم عليك تسجيل الدخول أولًا لكتابة تعليق.
الله يتمم لك على خير ان شاء الله ويجعله من عباده الصالحين ويرزقك بره دعواتك لي ان يكون اللي ببطني ولد سليم كامل الخلقه من غير زياده او نقصانالله يتمم لك على خير ان شاء الله ويجعله من عباده الصالحين ويرزقك بره دعواتك لي ان يكون اللي...
الله يرزقك ماتتمنين
ويرزقني الولد السليم المعافى
وكل وحده ماتتمنى يارب
زائرة
•
الحمد لله على الصحه والعافيه اهم بكثير من ولد وبنت
الصفحة الأخيرة
ويجعله من عباده الصالحين ويرزقك بره
دعواتك لي ان يكون اللي ببطني ولد سليم كامل الخلقه من غير زياده او نقصان